Update; Nihin Chin State Chung Thawngpang Dihlak!

Mindat khua ah an i kap lio pi asi, thlacam bawm cio hna uh sih
============
Mindat ah i kah nak hmun hnih ah a cang, atu zawng an i kap liopi asi. Zinglei 8:00AM ah Mindat khuapi in nitlak lei Mindat-Matupi lam meng 6 le Meng 9 hrawng ah an i kap. Hriamngan hmang in Ralhrang nih an kah hna.

Mindat-Matupi lam Mengtung 43 ah zaanlei 2:00PM hrawng ah an i kap. Matupi in a rak ttum mi tank pahnih le Raldonak motor hna cu a hnuhmai in CDF-Mindat nih an kah hna. Hliamhma a pu mi an um le um lo theih asi rih lo.
CDF-Mindat caah thlacam bawm hna uh sih.

Mindat Baptist Biakinn Hmunhma Ah Aa Dormi Ralzaam Hna Chungin COVID-19 Zawtnak Hmuhmi 60 Leng An Si. Chin ramkulh, Mindat khuachung Mindat Baptist Biakinn ah a phanmi ralzaam hna chungin minung 130 leng Covid zawtnak check an si, cu checkmi chungah cun minung 63 sin in Covid zawtnak hmuh an si tiah cuka Biakinn ah a dormi sinin theih a si.

“Biakinn chungah a zaw mi an um pah, khuacaan ruangah tlangrai a si ko lai tiah ruahdamh an si. Cun a leng in a damlo mi hna cu check an si tikah kum upa cangmi minung 3 sin in Covid-19 zawtnak hmuh an si. Cu hnu ah Biakinn ah aa dormi hna sin check an si tik ah Covid-19 zawtnak hmuh an si” tiah Biakinn hmunhma ah a ummi pakhat nih a chim.
A tu COVID-19 zawtnak hmuhmi mizaw hna cu Mindat pengkomh sizung pi ah cawnghhramh an si lai tiah theih a si.

Mindat khuachung ah ralhrang phu nih tuahmi ralzaam sakhan 10 hrawng a um, khuate lei ah ralzaam dirhmun in a ummi minung thong hra leng an si, khuapi chung um ralzaam nak in khuate lei ah ralzaam dirhmun in a ummi an tamdeuh tiah theih a si.

Kanpalat ah ralhrang phu le CDF kar kahdohnak a chuak, ralhrang lei in minung 5 an thih hnu ah hnu an tolh
Chin ramkulh, Kanpalat peng chungah Chin mipi vengtu ralkap CDF le ralhrang phu kar ah nihin November 4, zinglei suimilam 8:00 in 11:30 tiang kahdohnak a chuak, ralhrang phu lei in minung 5 an thih hnu ah ralhrang lei hnu an tolh tiah Kanpalat-CDF nih cathanh an chuah.

November 4, zinglei suimilam 8:00 in 11:00 tiang, suimilam 3 chung Cindoi(ကျင်ဒွေး) khua ralhrang phu le CDF-Kanpalat kar fakngai in kahdohnak a chuak. Ralhrang phu lei in minung 5 an thih leng ah hliamhma tuar zong an tam caah hnu an tolh nak a si tiah theih a si.

Mindat Khuapi pawng ah hriamngan thawng kan theih, Khuachung zong ah mi an check hna. Mindat khuapi nitlak lei meng 6 le 9 kar ah hriamngan thawng le meithal thawng pehzulh in theih asi. Mindat khuapi Soh-loh-yii lampial gate le Taing-Yin-Sae lampial gate hna ah a ni dang nak in a hlei in check nak an tuah.

Hriamngan a puah nak nitlak lei ah Ralhrang pawl mipi thilthuam hruk in cycle pakhat minung pahnih pherh in meithal hen an kal. Mindat Sizung zawng ah tuni in Palek an chiah tthan cang hna. Mindat Market hmai zawng ah mipi thilthuam hen Cycle 7 in Ralhrang 14 an um. Khuai kaa an kal lai theih asi rih lo.

Kawlram Sexy Model Nang Mwe San nih Thantlang inn Kang mi ralzam hna caah tangka Ks-1,000,000 a hlut. Kawlram mipi tampi nih tha pek mi Sexy Model Nang Mwe San nih Thantlang khuapi inn Kang mi ralzam hna caah a hlut mu tangka Ks-1,000,000 cu TPAC,Thantlang nih kan hlam khawh cang.

Nan hlut mi chawva vialte a herh hlei mi Thantlang mipi sin ah hman asi lai. A hlu tu le a chungkhar vial te Nan Cung ah Pathian nih thlua in chuah chin hram hna seh.

Ma Pencilo le a hawi hna nih Thantlang innkang mi chungkhar, ralzam hna caah Ks-30,000,000 an hlut. Ma Pencilo le a hawi hna nih Thantlang innkang mi chungkhar, ralzam hna caah Ks-30,000,000 an hlut mi cu TPAC,Thantlang nih kan hlam khawh cang.

Nan hlut mi dih lak a hlei in a herh mi Thantlang mipi caah kan hman lai. A hlu tu le a chungkhar vialte Pathian nih thlua in chuah chin hram hna seh.