Nihin Timit Lei Kahdohnak Thawngpang!
=====================
June 7 ah Tita kiangkap naih leiah ralhrang le Chinralkap kar kahdohnak hmunhnih ah a chuak. Kan ralkap lei hi an i khawmsua kho dih rih lo, ralhrang lei tu cu heh an i pua, an i hnuh dawh le fimhlawm len ko.Tuhi an dai rih lo. Ralhrang langta a rak zuang nain bom/kah nak a tuah lo,Khuhsilobo tucun hriampi tamlak an rak kah tiah kan theih.
Thanh awk ttha vial. Crd-Salai William Hlawnceu
Kumthum kan dohthlennak chung zoh tikah tangka tho 40% tluk a zor tiah ka fb hawile nih an chim tawn i zoh tikah dik dawh a si.nI funtom kan duh lo mi hi a poibik, ral kan tu tti ko timi zoh tikah a dang te cio in raltu kho ding ngai kan um set ti lo caah tuktti lo ngah lo raltu mi kan si in a lang,kan thinlung tucu a dangah a um pah rih ko ti khawh a si.
Tangka thotu ah a bik in ramleng ummi Chinmi an si ti usilaw kan palh lai lo! Ramleng um, mi tampi he ca kan i kua, kan i chawn tawn hna i, mah i an chimbik mi cu, kan thinlung taktak in kan i fun duh lo,one command kan si duh lo nih lohma a kalter lo tiah a chim tam cem,mah an ruah tikah an thathawhnak a zor pah in a lang fawn.
Kan i fun duh lo ahcun kan zor chin sual lai ti phan a um ngaingai, mahte cio in lungthu bunh le tappi ser cio lo in, tappi pakhat le lungthu pakhat ah rawlbel khing tti in ei hrawm siseh, kutsamh tu hna caah rian afawi deuh fawn lai i,caansau pi a nguh rih lai.
Nangmah le keimah lalnak le duhtlonnak menah tamppi ser ti loin,kan ser cia zong ralttha tein kaltak ngam usih, ralhrang nih an nih phu,an nih peng ttengnge tete timi thim in a kan tuk lo hih!! Chinmi phun zoh in a kan tuk caah Chinmi phun min pakhat in tu ve usih.
Mah ti tikah hin, a pialsual peng le tlang pawl kha cu ka telh lo, a pial rih lo mi naihniam peng le tlang vial tal cu i fun tuah usih. Kan i funmi hi a tthatnak um lo, funtom lo tein mah le dundan ,phungtoi te um kha ralhrang teinak si deuh tiah aphi nan hmuh si ah cun i funtomnak chungin chuah ding a si ko hnga.
Note, A ho pengtlang tihnawhmi umlo, i funtom usilaw caansau kan kal kho lai i,tu ning cun sau kan nguh lo sual lai timi ruahchih in ttialmi a si ko. Crd-Salai William Hlawnceu