Unau hna Pathum diarhmun a hleiin Esther Dawt Chin Sung

Esther Dawt Chin Sung dirhmun zohtikah level zuamnak paoh ah athiam bak ko tiah kanmah Laimi mit lawng hmanh si loin kawlram minta le mintami tampi nih an ti. Nizan ah Esther cu Top 6 ah a kai than. Kan lawmhpi tuk cio. Comments cheukhat nih an chim lengmang mi cu, Esther hi kan Lai nungak nih an uar lo tiah a timi an um. Cu cu a dik le diklo kan thei lo. Nain Lami chungin Esther cu kanmah miphun hawi asi, kan far/kan nau, a si tiah 100% kan tanh kholo ti cu comments zeimawzat chungin hmuh khawh a si. Nain Laimi 90% nih cun Esther cu kan dirkamh, kan tanh.

Laimi chungin comment pakhat nih mi thinlung ruahnak tampi ah bia a chim theu lai dah tiah ka ruahmi pakhat cu, Esther hi amah lei kap cun athiamnak nih atlinh bak ko, mah tlukin a thiam ko nain atlak sualah cun kanmah Laimi santlaihlo a si cang lai tiah a ti. Falam kan unau thil tuahmi zohthan tuah hna hmanh usih, Benjamin Sum caah SMS mee cawknak dingah phaisa ting tamtuk an hlut cang.

Esther zong Pathian nih nihin tiangah cun a cawisang i level zuamnak kip ah cungcuang a si peng rih, top 6 tiang a kai kho cang. Cu caah Esther hi zoh sawh sawh ding a si lo. Kan chim lengmang bantukin Tan Khun Kyaw atlak cu athiamlo ruangah si loin Mee atlawmtuk a hmuh caah a si. Fans pakhat nih mee pakhat pek timi hi tutan thil sining zohtikah santlai dawh a si lo. Benjamin Sum cu mi pakhat nih mee 10000 tluk a pek tinak a si. Hibantuk an thil tuahmi hna hi a dikmi, a thami, miphun caah santlaimi a si theu.

Khua a ruat khomi, sining aa rem komi nih cunEsther hi zoh sawh sawh ve lo ding a si. Khuaruat kho deuhmi Laimi chungin zeimawzat kan um ah cun Esther caah thinphan awk a um lai lo. Yaw Kee hi mipi nih an uar chin lengmang ve cang. Aruang theih khawh a si lo. Amah nunnak le cawlcangh ning hi mipi lung aton caah maw asi timi theih asi lo. Nikhat hnu nikhat Yaw Kee hi fans an karh ngai ngai cang. Lawmhpi cio hna u sih. Benjamin zong lawmhpi hna u sih. An pathum tein nihin tiang level top ah an kai khawh lengmang mi ruangah kan lawmhpi tuk hna

Leave a Reply

Your email address will not be published. Required fields are marked *