Ukraine ralbawi nganbik nih a rammi meithal a tlai khomi paoh ra dih u!

𝗧̣𝗵𝗶𝗵𝗽𝗵𝗮𝗶𝗵 𝘀𝗶 𝗹𝗼 𝗶𝗻 𝘁𝘂𝗹𝗶𝗼 𝗿𝘂𝗮𝗵 𝗵𝗲𝗿𝗵𝗺𝗶!
========
Myanmar ram buaika ah ramchung ral ai thawk lai caah khur cawh in vanlawng ral le bomb ral i ven ding timhlamh a herh zia ka rak tial. Zei ah rel a si lem lo. A tlai lo, tu hi CDF/CNA i kilhkammi hmun le khua kip ah tlaang vih (a tlawmbik meter 5 in 10) len ding a si cang. Victoria Camp pawng zong ah tampi vih ding a si, zeitik paoh ah vanlawng in van phomh khawh a si caah. Laitlang ah JCB maw um len ko khah. Inn hrawhnak le parathleinak lawng ah maw nan hman la.

Ati hi Kawvid raikhamsii chunh i cuh caan si loh. A caan le sining zoh in khuakhan a herh. Ram rum tampi ah alak in an i chun kho ko nain an duh hna lo, Canada le USA ah in an buai tuk khih chunh duh lomi pawl. Chim duhmi cu raikhamsii nakin zeidah kan ei la, zeitindah khua kan sak la le himnak ding ah zeidah a herh timi a sideuh awk a si (atu Lairam i Laimi kan dirhmun ah).

Ramdang in luhchuah ngah lomi ram ah raikong hi lungre theih tuk awk a si lo. A vakvaimi nan i ralrin ah za ngai cang. Cucah raikhamsii nakin zeidang kha ramleng mi hna nih tuak piak ah a tthadeuh lai tiah ruahmi a si.
Mah a cung ka chimmi hi atu Ukraine le Russia he pehtlai in a si le mah hi a sasawh si lai lo tiah ka ruah caah a si.

Ukraine ralbawi nganbik nih a rammi meithal a tlai khomi paoh ra dih u tiah sawmnak a tuah cang. USA le Nato nih meithal cu an sirh ko hna. Ukraine khuapi tam ngai Russia nih kah cuahmah. Russia ralkap zong 50 leng an thi cang. Ramri ummi tammi an ram innpa ah an lut cuahmah. Ram innpa pawl zong leitang inn (bunkers) le khur an kawl tuk cio, Norway le Sweden zong atu leitang inn le khur a hawlmi (cawk awk) an karh tiah an van ttial.

Chim duhmi cu, Europe ahhin a luancia 1995 hrawng ah Serbia le Bosnia tibantuk an rak i phomh ko nain cucu atu Russia nih Ukraine a luhhnawhmi he ai dang. Tu cu Russia nih mi ramdang le International hmanmi hmun pawl ah a ralkap le hriam a chiah, bianaah Norwsy Finland ramri tepawl ah a duhduh in a tlongleng, tu zong Norway cozah nih Russis tilawng ngan taktak an tlaih i bia an hal lio a si. Mah pawl ruang ahhin US telin EU le NATO nih siipuazi lawng an phih lai ti ruah a har ngaingai.

Cu lawng an phih ti si hmanh sehlaw, ramkip ah harnak tlun lai caah ramkip ah mipi buainak i a chuak lai ti fiang ngaingai. Nuclear a neimi a si caah hin si ko, Russia ralkap thazang cu NATO sin ah a fate. Atu hmanh khi, Ukraine ramri an um chung ah a ralkap lungput tamtuk a zor manh.

Ai duadat ahcun an kir hauh caah kah a van fial colhmi hna a si tiah ral lei theimi hna nih an tuak. Mah bantuk thihhri molh asiloah ka tuak vaivek tiin a ummi hruaitu hna ruang ah harnak cu chuak tawnmi a si. Vawlei cu harnak hmun a si, Raltuknak a si ko. Hi ruang ah nan zumhnak tu thlau hlah u. Fekte in Pathian cu a dongh tiang zum ko u. Chuncaw ei pah ka tialmi si. Bawipa nih kan umpi cio ko seh.

𝗨𝗸𝗿𝗮𝗶𝗻𝗲 𝗯𝘂𝗮𝗶𝗻𝗮𝗸 𝘁𝗮𝘄𝗶𝗳𝗶𝗮𝗻𝗴; 1. Russia nih Ukraine ramtthen pahnih cu ram in a cohlan piak hna tlawmpal ah parliament nih Putin cu ramleng ah Ralkap hmannak nawl a pek cang. A ralkap zong Ukraine ah an lut ngai cang tiah theih a si. 2. USA telin EU le Uk rampawl nih fak taktak in phihnak an tuah colh, nain Russia ramdang vuanci nih “kan i ziak tuk cang.” tiah a leh hna.

3. Hmai zarh chung in cun ramkip ah atu kan zai lenmi Datsii(seh sii) man nakin a kaideuh rih lai ti a fiang.
4. Tuluk ai lawm tuk. A taktak ah cun USA nih Russia huaipi a duh lo, a si khawh chung in hrial a zuammi a si. Tuluk tu hi pakhatnak ah chia in a chak tlaih a duhmi si hmanh sehlaw, atu cu Lukluk cu vaan i a zuangmi kaite lo ko cang.

5. Russia nih Ukraine a luhhnawh lai lo ti a ruatmi an rak tampi. Asinain, MAH nih voikhat te raltuknak vanlawng a zuanter hmanh ah saulak an paw an i rek ti si kaw, khi vialte Russia Tank, Mawtaw, Vanlawng le Tilawng Europe/ Ukraine i a van hruaimi khi zeitluk indah phaisa a dih hnga le, cucu amah ngai nih man nei lo ah a chia hnga maw timi khi ruah a hau. A chia lo! A rak i timhnak kum 20 hrawng si cang, Russia pennak karhter hi. Atu cu a za ti cang ko hih.

6. Ukraine kong ah NATO (Naytoe si lo), USA le Europe an i thlak ti ahcun Ukraine hi an lung ai rual lo tuk caah a si. Soviet Union in a chuakmi a si. A cheu nih Russia he pehtlaih an duh, i a cheu nih nitlak leo ram pawl he komh an duh. Cucu NATO ah luh ding in a duhmi an um i cozah an si lio ah an rak pehtlaih hna, le NATO nih a caan zaat in chungtel sinak pek te ding an i tim, Germany le France nih um rih a rak ti caah si. Cu tikah Russia a thinhung i a thli in cozah thimnak ah amah he komh duhmi a bawmh le an tei.

Mah a teitu president cu mipi nih an dawi le cu kum lila ah Russia nih Ukraine nihchuahlei ramthen a lak. Cu thawk cun nitlak ram/ NATO nih atu Ukraine cozah an dirkamh i a ram chung zong ah NATO zung an on hlei ah ralkap an chiah. Cucu Putin cekne tiang phan. Celh ding si lo a ti. ASEAN in MAH an chuah bang G8 timi ram tthawngbik 8 in an chuah, cucu nek le mualphoh a si. Ai nautat. Cu tikah Russia pennak kauh ding a saduhthah lam a van awng tiin ai ruah.

NATO chungtel tling a si rih lomi Ukraine hi NaTO nih 100% dirkamh khawhnak a um lo, nain ram pakhat i a neihmi nawlngeihnak, fiannak in chim cun Mahte khuakhanlairelnak le ramri kha ram dang nih nawl duhpaoh in tuah khawh a si lo timi a buar tiah an i thlak cu a si. Miphun pakhat, ramri nei, phung nei a simi kha Russia nih a duhning in a tthen, ralkap hmang in a luhhnawh, cucu ram nei ciomi hna nih kan cung cio ah tlung kho tiah an doh. UN i International Law an ti lengmangmi a si.

Ralpi 3.nak chuak kho men. Chuak colh lo kho men. Kan thei lo. Putin lu chung lawng ah a ummi a phi a si. A ruang cu Ukraine ram ning in lak ai timh tak i a lak ahcun Hitler nih Poland a rak luhhnawh hmasa bantuk kha a van si la le ralpi 3.nk chuahnak lam cu a si ve tiah ruah cio a si.

7. Ralpi a chuah hi zeidang ruang ah a rak si lo. Miphun/ ram pakhat a si loah minung pakhat lungfahter, ningzahter (Humiliate) le mualphoh an rak ton caah a si. Tutan zong hi Putin a lung an fahter tuk caah zeidah cang te hnga.
8. US president nih tu tlawmpal ah Ukraine kong biachimnak a neih la, thindomh in an bawh cio. Hlan bantuk in catial ka huam ti lo, nain zaran ka sia nan herh caah tlawmpal ka van ti bia. Credit: Hlawnching Bawimang Lian, Sangukceu Zinhlawng