Ukraine President Zelensky Nih Putin Cu Biahal Nak A Tuah Cang!

Ukraine President Zelensky Nih Putin Cu Biahal Nak A Tuah Cang!
======
A tu lio Russia nih Ukraine kahdoh buaibai nak kong he pehtlai in Ukraine President Zelensky nih President Putin he ton a herh tiah a March thla ni 3 a rak ti.

Ukraine President Zelensky nih Putin cu ” Zei ruang ah dah kei mah he hmaitonh in tonbiaruah ding hi na tih” tiah March thla ni 3 ah tuah mi thawngzamh thianhhlimnak bia arak hal i, ” Hihi lawng hi lam pakhat lawng a um” tiah arak ti.

Russia nih Ukraine lawng si loin Latvia, Lithuania, Estonia, Moldova, Georgia le Poland hna zong adongh nak ah cun kahdoh dingah aa timh mi an si kho tiah Ukraine president nih a chim.

Russai le Ukraine palai pawl cu kahdoh daih nak ding caah, a voi hnih nak ton biaruah nak  ah lungtlin mi an ngei lo nain khuami hna caah minung zawnruah bomhnak lei cu kap hnih in lungtlin nak an ngei tiah theih a si.

Raltuknak ka peh rih ko lai: Vladimir Putin. Russia cozah cu a tinhmi a phak hlan lo Ukraine chungah raltuknak tuah a si peng rih ko lai tiah Russia President Vladimir Putin nih France President Emmanuel Macron kha a ti tiah Russia cozah i Grand Kremlin Palace nih a chim.

Tu raltuknak ahhin Zeitik hmanh ah Ukraine nih Russia ṭhihpheih ngam ti lo dingin Ukraine hriamnam vialte hrawh dih ding timi hmuitinh aa tel chih tiah theih a si. Mah bantuk raltuknak hi timhtuah le thok a si lai tiah President Putin nih a chim.

Russia a thiltuah hi palhnak nganpi a si lawng si loin President Putin dirhmun hi a tak he aa dang tuk tiah France President nih Putin cu chimh tiah France President zung nih an chim. Ukraine le Russia palai pawl cu Belarus ah ton biaruahnak an ngeih lio a si.

Russia ralkap 9,000 renglo an thi cang; Tanks 217 an hrawh piak cang hna, Artillerys (miakpi) 90 tluk an hrawh piak cang hna, Helicopters 31 an hrawh piak cang hna, Raltuknak vanlawng le thilphurtu vanlawng 30, Armoured Vehicles 900 tluk an hrawh piak cang hna (AV hi a luancio ni 2 lio i Daily Mail nih a tialmi lawng report a um, tu ahcun tamtuk an hrawh manh cang lai ni 2 chung ahcun).

Ramdang bawmhnak; Germany nih vanlawng kahnak zun 2,700 Ukraine a kuat uahmah cang. Germany nih hin ceilak a rak kuat mi min tutan ah Ukraine nih a rak i thathnempi tuk. Norway nih tank kahnak zun 2,000 Ukraine a kuat cuahmah lio.

Sweden nih tank kahnak zun 5,000, lukhuh 5,000, kuanteihlo angki zun 5,000, taldohnak Hmun i Ei dingmi (field rations) 135,000 phaisa cun $52 million man bak a bawmh hna lai. Sweden hi NATO member cu asi bak lo nain. Finland nih assault rifles zun 2,500, maithal kuan 150,000, tank kahnak 1,599 le raldohnak Hmun i eidin 70,000 bak ka kuat lai a ti ve.

Belgium, Canada, the Czech Republic, Estonia, France, Germany, Greece, Latvia, Lithuania, the Netherlands, Poland, Portugal, Romania, Slovakia, Slovenia, the United Kingdom le the United States nih cun ceilak an kuat cang i kuat than dingin an i tim cuahmah rih, tiah NATO nih an ti.

Russia nih Ukraine a tuknak hi Ni 8 chungah a lut ve cang i Ukraine hi mahtluk in Russia nih ai har hnga timi biahalnak hi a tam lengluang i vawleipi hmanh an khuaruah lei a har. A pakhatnak ahcun Ukraine ralkap pawl I pumpek nak le rak thatnak chungah ai hngatmi asi. A pahnihnak ah cun bawmchantu nih an herhbik mi hriam thatha a bawmh khawh tuk hna caah asi ve.

Raltuknak ahhin a rak biapi tukmi cu military satellite hi asi. Vawlei in miles 22,300 tluk sang in vawlei hi a hel i durbing thatukmi an bunh mi asi caah cutluk sang cun vawlei i a ummi hngerhte hmanh a vun hmuh khawh ti asi. US nih hin cu military satellite cu 123 bak tuhi vawleicung hmunzakip ah dong loin mi ngiatu ah meng 22,300 sang in cun an zuanter cuahmah ko.

Tu i Russia an cawlcangh ning zong hi an rak hmuh khawh dih i hman an thlak dih. Tu i Ukraine khuapi Kyiv vun la dingin Russia motor le tank meng 40 tluk sau in a vun ra mi zong kha an rak hmuh dih i hman an thlakmi pawl kha media nih sn rak tlangzarh dih ko khah.

1982 Falkland War lio ah British warship destroyers pahnih cu meng tampi dan in miakpi bakin Argentina ralkap pawl cu an rak kah lengmang hna. Argentina nih khawika in a kan kah timi an rak thei bak lo. Russia nih a satellite in a rak hmuh ziar i Argentina cu a rak chim i Argentine Super Étendardaircraft nih anti-ship missile hmang in pil ko in a rak kah hna.

Tutan Ukraine le Russia ral kong zong ahhin US nih a thli in Russian pawl cawlcangh ning hi satellite hmangin a rak hmuh mi pawl hi Ukraine chim ziar lai lo ti chim khawh asi lo Ukraine pawl cah ning hi lung a hring lei. Tu i Ukraine pawl nan umnak khan KM cu zah degree cu zah ahcun Russia pawl an um miakpi in kap u an ti ahcun Russia cu an buai kho taktak lai. Credit: Chelsea Bawi

Russia Parachute (လေထီး) ralkap hna nih Ukraine ramchung khuapi bik changtu Kharkhiv khuapi ah March (2) ah an tum ruangah Ukraine ralkap he fak taktakin kahdohnak a chuak tiah Ukraine ralkap nih an chim.

Russia vanlawng ralkap hna cu Kharkhiv khuapi ah an tum hnuin sizung pakhat cu an kah i, Ukraine ralkap he pehzulh in an i kap tiah Ukraine ralkap nih cathanh an chuah hi a si. Minung an tamnak hmunah Russia ralkap nih kahdohnak hi fak tukin an tuahmi hi timhcia tein an tuahmi a si tiah Ukraine President nih a chim.

Hi kong he pehtlai in ahohmanh ngaih thiam ding a si lo bangin ahohmanh philh khawh ding zong a si lo tiah Kharkhiv khuapi cu dung gyi hmangin vawi tamtuk an kah hnu in Ukraine President nih a chim. Kharkhiv khuapi cu March (1) ah Russia nih an kah chungah minung 10 nak tam an thih pinah minung 35 nak tam nih hliam an tuar tiah Ukraine ramchung runvennak zung nih cathanh an chuah.

Meng 40 tlukin a saumi Russia ralkap hna nih Kharkhiv khuapi ah kahdohnak tuah dingin an kal caah Ukraine mipi a thong thongin himnak hmunah an zaam.

Voi Hnih Nak Biaruah Than Awk Ah Russia le Ukraine An Cohlan! Belarus Ramri ah Nikhat Ni 28.2.2022 ah, Russia le Ukraine Kuzale hna an i ton. Russia ralkap kan ram in chuak dih hna seh, riangrang tein raldohnak ngawl ding ah Ukraine nih an hal caah, voihnih nak bairuah than awk ah hnatlaknak an ngeih. Ram hnih ai awh tu hna nih News ah achimh veve mi asi.

Russia nih Ukraine atuk hi ni (5) asi cang. Ukraine khualipi pakhat te hmanh an lak khawh rihlo. Ukraine Khualipi Kyiv lei ah a ra lut ding mi Russia ralkap cu meng (15) a hlatnak ah an phan cang. Khuapi chung lut khawh lo ding in Ukraine nih an dohnak cu Vawleipi an khuaruah ter dih hna. Khuapi pakhat hmanh an lak khawh lo caah Russia ralkap an lung a rawk ngai ngai.

Ukraine nichuak lei khualipi Mariupol hi Kyiv khualipi thlanglei ah aum. Russia nih anlak khawh bak ve lo. Kharkiv khuapi zong an lak khawh hlei lo. Raldohnak tu cu a fak hrinhran. Russia Tamada Vlardimir Putin nih Ramri thluan ah a chiah cia mi ralkap thazang 75% hi a hmang cang ti asi. Media nih an chimh nak ahcun Russia tanks le Motors kan hmuh hna lo.

Russia Helicopters tampi le Jet Fighters tampi cu Ukraine nih an kahthlak dih rua. Ramri thluan ah hmuh awk an umlo. Hman awk zinan le Petrol a dih mi zong an tampi. Russia ralkap tampi cu lampi ah an i pungh ko hna. Nika ah an i pho ko hna. Ukraine mipi 350 an thih cang i 1700 nih hma a put tiah Sunday ah Ukraine nih an thanh.

EU chungtel ah cohlan zawk zawk awk ah Ukraine nih ca a tial. Russia nih NATO le EU chungtel siter a duh lo caah Ukraine atuknak aruang hi asi bik. Ukraine PM Denys Shmyhal le Hlutdaw Chairman Ruslan Stefanchuk hna hmai ah EU chungtel ah Cohlan ding in Tamada Zalensky senthuh lio hmanthlak asi.