Ukraine le Russia A hnu bik Update!

Ukraine le Russia A hnu bik Update!
=========
Ukraine nih tutiang ah Russia thilri an hrawhmi: Ukraine nih Russia ralkap kan thah mi le tlaihmi 800 leng an si cang an ti. Russia tanks 30 tluk an hrawh cang i hi chung ahhin Russia tank tha bik T-14 Armata zong an i tel len (a tang Photo ah a um). Russia helicopter 6 an kah piak cang hna i hi chung ahhin Russia helicopter thabik Ka-52 ‘Alligator zong ai tel (a tang photo ah a um)

Russia Vanlawng 7 an thlak piak cang hna i hi chung ahhin Russia Su-30SM zong ai tel. Russia nih hin vawlei (land), rili (sea) le vanlawng (air) bakin a kah. Russia nih Ukraine hi tuk i a ralkap thazaang vialte hrawh dih cikcek i tulio Ukraine cozah hi thlak i anmah Russia duhmi cozah thar siam an duh, tiah mithiamsang tampi zumh ning asi.

US nih vanlawng kahnak ceilak Ukraine a rak kuatmi cu ai thahnempi ngaingai i, UK nih tank kahnak tha taktak mi pawl ceilak a rak kuaimi pawl zong ai thathnempi tuk timi cu hmuh khawh asi fawn. Tuhi a thli in hriamnam thatha Ukraine ramri te i a ummi NATO le US ralkap pawl nih an hriamnam thatha an kua lai lo tiin chim khawh asi lo. Cucaah Russia nih Ukraine hi va la kho hmanhsehlaw a fak taktak ve lai timi cu ai fiang ngaingai ko.

Ukraine nih cun adongh tiang kan ram caah kan dir lai i ral kan doh lai tiin an ti ve. Ukraine minung Kum 18 in 60 kar pa paohpaoh nih an ram zaam tak lo dingin an kham. Tuhi Ukraine an khualipi Kyiv ah Russia ralkap an vun mang cuahmah. Russia nih cun kan i timhmi kan phak hlan lo cabuai cung i biaruahnak kan kalpi lai lo, a titur ve!

UKRAINE President Zalensky cu ram Hruaitu ding ciamam! UKRAINE President Zalensky cu ram Hruaitu ding ciamam ti awk in a um. A pasal bak. Putin sinah a chimmi:- “When you attack us, you will see our faces. Not our backs, but our faces.’

Azam cang tiah a titu sinah ah a lehmi hna:- An ram mipi sinah a chimmi:- News pakhat ah an ttialmi ahcun, Ka nunnak a dih tiang ka doh lai a ti tiah an langhter. Social media ah an uarnak le a ralthatnak an langhter cio.
Ukraine President Zalensky hi Jewish/ Israel Miphun a si an ti.

Ukraine ram ah a buai ngaimi, Russia holh a holhmi le Ukraine Miphun karlak ah daihnak ser aa zuam pinah an ram ah zik-hnawh/ ei ruk biatak tein a thianhtu a si an ti. Nitlak lei ram he pehtlaihnak thate in ser in, Ukraine ram thanchoter aa zuammi hruaitu a si tikah, Putin nih a rak ttih ziar caah, atu bantuk in ralkap in a lak hi a si kho men tiah politics thiammi zeimaw nih an hmuhning an chim.

Mino te a si rih mi! Ukraine president Volodymyr Zelenskyy hi ka upat in ka zaang a fak cem ko. Hruaitu ṭha lungput, Pasal tha Lungput; Miphun dawtnak Lungput he zaam lo te in ralhmai tiang a tel pi rih hna. Mifim, mitha – Himdam hram seh.

A tulio Ukraine President Volodymyr Zelenkiyy hi a lungre a thei bak ko lai. Ukraine ram buainak kong hi an kong tlawmpal relnak le News lawngin ka theih. Ka uar ngai mi Ukraine mipi lungrualnak Maidan Protest (21 November 2013 – 22 February 2014) hna kha cu theih cio bang uar a um bak ka ti.

Asinain, a chungah zeidah a rak buai taktak, zeidah a cang kho timi hi academic deuh in van kan ṭialpiak hna ulaw rel a nuam hnga. President Zelenskiyy bia roling te hi ka hun duh tuk. “Hruaitu hna hi bia kan khiah (decision) lai ah zeidah kan zoh ta a herh” timi a ka ruahter.

Dohthlennak tuah pah he ramdang kong i ithlak tuk cu nan ti sual lai. Ral kong a si ca ah umkal pah rel ve kan huam ko hih.

US le Nitlaklei ram hruaitu hna nih raltuk an duh lo ruangah Ukraine cu NATO a si lo caah tiin an bawm ngam lai lo.
Cucu 🇷🇺 Russia nih attacking a celh khawh nak ding risk la in a timh mi master game plan cu a si. US le Nitlaklei ram cu a tu tiang defensive lawng an i celh ko rih.

Russia cu Ukraine a tuk hlan i a hal mi Agenda pawl he atu tiang attacking or top in aa celh peng rih mi hi a poi tuk. US le nitlak lei ram nih Counter attack lam an hawl mi a tu tiang hmuh a si rih lo. Diknak le din nak nih kan ram le kan vulei pi hi tei hram seh.

Vawlei Ralpi 3rd Nak A Chuak Kho! Bible scholar tampi nihcun vawlei ralpi 3rd nak cu, kan Bible nih a kong a chimmi donghnak ralpi hi a si lai, tiah an zumh. Sihmanhsehlaw kan Bible nih vawlei ralpi pa zeizat dah a um lai, timi a chim lo. Cucaah Jesuh rat tthan lai ah a chuak dingmi donghnak ralpi hlan ahhin, ralpi dang zong chuah khawh len rih a si ko.

Nihin ah kan vawleipi therphang in a chia dihtu Russia Vs. Ukhraine ral nihhin vawlei ralpi a thawhter khawh ko. A thawhter hrimhrim lai, tinak siloin vawlei ralpi thawhter khotu ding ral a si. A ruang tawi tein a tanglei ah ka hun langhter lai:

1. Ukriane le Russia hi vawlei ram tthawng vialte tthen hnih ah a tthentu ram an si: vawlei ralkap fonh phu vialte lakah a tthawng bikmi cu North Atlantic Treaty Organization (NATO) hi a si. Ram tthawng lawngte ram 30 fonhnak phu a si. Cu hna lakah democray ram vialte lakah ram tthawng bik, United Kingdom, United States, Canada, le France, hna zong an i tel.

Cu phu nihcun atu tan ah fek tthup in Ukraine an dirkamh. Atu tiangah, fakpi in Russia cu lam phunkip nih (hriamnam tel rih lo) an den cuahmah cang hna.

Khatlei ah vawlei cung communist ram vialte lakah ram tthawng bik China, le North Korea hna nih fek tthup in Russia cu an dirkamh ve. Hi ram hnih lengah hin, Cuba le hlan lio ah Soviet Union chungtel ram a rak simi Armenia, Kazakhstan, Kyrgyzstan, Tajikistan le Belarus hna zong nih Russia an dirkamh lai i Middle east lei in anmah he lungput khat a kengmi Iran hna zong nih Russia cu an dirkamh ve lai.

Khah, tiva khatlei ral ah vawlei cung democracy ram vialte lakah ram tthawng bikbik lawng nih Ukraine cu an dirkamh i tiva khatlei ral ah communist/islamic ram tthawng bikbik nih Russia cu fek tthup an dirkamh ve. Cucaah hi ram hnih fak taktak in an i kah i diplomatic le sanction nih Russia lungthin a tthumter khawh lo ahcun, hriamnam in nun chimh a hau te lai.

Cu te cu vawlei ralpi thawhternak tawhfung te cu a va si ko hnga. Atu ah Russia nih Ukraine tuk ding in nawl a chuah cang i kap hnih lei ralkap nunnak tampi a liam cang. Russia nih a tei ko lai caah, Ukraine ram dihlak te lak ding in a tuk ko ahcun, NATO ram tampi him loin an um ding a si cang lai caah an cohlang kho lai lo. Mah thihnak cun mithih cu an i thim deuh te ko lai.

Zeitik poh ah a cang kho! 2. Cucu vawlei ralpi 1st le 2nd nak aa thokning he zong aa khatmi a si: Vawlei ralpi 1st nak cu Soviet Union nih EU chungtel Yugoslavia ram a rak tuk lio ah, US ralkap nih an hawi Yugoslavia a rak bawmhnak in aa thokmi a si. Cu ve bantuk in vawlei ralpi 2nd nak zong cu Hittler hruaimi Germany ralkap nih Poland an tuk i Great Britain le France nih Poland an dirkamh nak in a rak i thokmi a si ve.

Russia nih Ukraine ram hi NATO nih hriamnam ngan chiah i Russia ram cawlcang ngam loin tuah te nak ah hman an timh, tiah a ruah ve. NATO lei nih le Russia nih hlan lio Soviet Union ram chungah a rak ummi ram vialte kha thahrum in amah kut tangah chiah dih tthan aa timh caah Russia kut in kan i ven a hau, tiah an ruah ve fawn caah hi raltuknak meici hi vawlei pumpi a ttekdarh dih lai lo, timi chim khawh a si hrimhrim lo.