Uk Thang nekding in le thleidanh ding in manager pahnih fialtu an um kho men, hnulei phen ah

Uk Thang nekding in le thleidanh ding in manager pahnih fialtu an um kho men, hnulei phen ah
=================
Uk Thang nih minung 15 a kahnak ruangah mi tampi cu lungfimnak a pek hna lai i Laimi zong kan mit a kan ceuter deuh lai tiah ka ruah, thilttha cu a si lo nan. Aruang cu i hnahchuahnak ruangah le i neknak ruangah le i thleidannak ruangah a chuakmi a si ko, a hawile chimmi a hman ahcun.

Uk Thang nih a tuarmi thleidannak le neknak le hnahchuahnak khi palik bawi pawl le miphun dang sinah Laimi upa te nih ttha tein chim hna seh law a ttha tuk lai ka ti. Store manager le Deli manager nih an neknak le a cungah thilttha lo an tuahmi hnulei phen ah rian a ttuantu pawl an um kho ve.

Manager pahnih cu Uk Thang nek ding le thleidanh ding in a fialtu an um kho men tiah ka ruah keicu. Aruang cu Laimi (Chinmi) zonghi thil pakhat kan hlawh a tling tik ah i hnahchuah riangmang i midang kha thiltthalo tuah fial a hmangmi kan um ttheu ruangah a si.

Tahchunhnak ah Uk Thang nih a tuahmi sushi cu a hlawhtling tik ah mah cu kanmah Chinmi lila nih hnahchuah riangmang in manager pahnih kha phaisa pek in Uk Thang cungah neknak le thleidannak tuah ding in fial khawh a si. Mah bantuk phun hi ka ton vemi a si. Keicu mah phun in a si lai ka zumh ngai.

Laimi zong pakhat le pakhat kan i hnahchuah tik ah maw siloah kan i rem lo tikah miphun dang pawl cu phaisa pek riangmang in thilttha lo tuah kan fial hna awk a si lo. Pathian zong nih a duh lo. Khrihfa rian zong a si fawn lo. Mah nih khin tthat lonak dang tamtuk a chuahpi khawh timi hi philh hlah u sih. Van Tum

US Ah Chin Tlangval Pakhat Nih Minung 15 A Kah Hna, Pakhat A Thi. Zahan chun September 22 zanlei 1:30 hrawng ah Uk Thang-29 timi pa nih hin Collierville, Tennessee Kroger dawr ah minung 15 bak meithal in a kah hna i minung 1 a thi. Amah zong meithal in ai kap/that colh ti a si. A kahmi minung 15 ah hin 10 cu Kroger i rianáš­uami (employees) an si hna i 5 cu thil cawmi (customers) an si an ti.

Uk Thang hi Kroger ah hin third party vendor a si an ti i kanmah Chinmi Kroger dawr ah Suhsi dawr a ngeimi a si kho men. A suhsi dawr an chuh ruang hna ah lungtlin lo le thinhun tuk ruang ah a kahmi hna si kho tiah Indianapolis ah a ummi Pu Van Ceu Uk nih a Facebook ah a tial.

A ruang hi an theih pah ko nain hlatainak an tuah cuahmah rih lio a si cash an chim/phuang duh rih lo. US mass shoting cazin hna i Chinmi kan itel ve dingmi hi cu a poi kho taktak, a poi ti pin zei chim ding hi a um lo khi si ko. Asian lei minung huatnak zong a karhter chin hoi te lai maw ti zong phan a um ko, tiah Pu Van Ceu Uk nih cun a tialchap!

A POI TUK NING HI CU MU; Zahan chun September 22 zanlei 1:30 hrawng ah Uk Thang-29 timi pa nih hin Collierville, Tennessee Kroger dawr ah minung 15 bak meithal in a kah hna i minung 1 a thi. Amah zong meithal in ai kap/that colh ti a si. A kahmi minung 15 ah hin 10 cu Kroger i rianáš­uami (employees) an si hna i 5 cu thil cawmi (customers) an si an ti.

Uk Thang hi Kroger ah hin third party vendor a si an ti i kanmah Chinmi Kroger dawr ah Suhsi dawr a ngeimi a si kho men. A suhsi dawr an chuh ruang hna ah lungtlin lo le thinhun tuk ruang ah a kahmi hna si hnga maw ti ka ruat. A ruang hi an theih pah ko nain hlatainak an tuah cuahmah rih lio a si cash an chim/phuang duh rih lo.

US mass shoting cazin hna i Chinmi kan itel ve dingmi hi cu a poi kho taktak, a poi ti pin zei chim ding hi a um lo khi si ko. Asian lei minung huatnak zong a karhter chin hoi te lai maw ti zong phan a um ko.

Laimi sushi Kan i cuh Dan hi a caan ah cun adik tawnlo Cheukhat caah cun khua i ruahsual afawite. Tampi ka theih ve cang hna dawr Kan i zuarh Dan zong adik tawnlo. Dawr angei tunih a tuannak company si loin company dangnih chuh dingmi a theih le caangkaa in kanmah laimi sinah zei hmanh chimlo in zuarh kan hmangtawn.

Voikhat cu Pakhat pa nih a Dawr azuar $50000-100000 in a zuar a thla tlin hlan ah company dangnih a cawtu pa cu an chuh Zei tluk indah lungre theih a tuarlai, minutes Pakhat te khua i ruahsual cun nunnak dih zong Apoilo ti hi afawite ko.

Hmailei ah cu hna bantuk Minung kha Tangkaa leiah an tlamtling hmanhseh law Zeidah ah an tlin lomi tamdeuh in an bau te lai, Kan zia hi Pathian abia mi Kan si tak ko cun i ruah aphu cang. Kan Laimi chung zongin a chuak lailo ti hi chim chungawk tha lo. Fim chimtu si hram seh.

USA Sushi dawr leiba ceilak he $20,000 -$50,000 kar lak hrawng in cawk. Sushi te tuan. Kumkhat chungah nikhat te dinh caan nei. Nikhat ah dawr busy deuhmi si ahcun 10-12 hours chung riantuan. Thi deng in riantuan cu i Deli Maneger le deli tuanmi hrawng nih nek/ zawmhteih (Bully) ngai fawn.a fawi hrim hrim loh. Cu lak i dawr hna van chuh ton sual ahcun khuaruah a pit ko la.

U.S Chin Community nih ngaihchiaknak langhter ve ah a tha lai. Kan ram a buai lio ah, kan thi lai maw kan nung lai maw kan ti lio ah, hi bantuk mualphonak kan ngeih than mi cu Chin miphun Pathian lam in a pialmi kan tam caah a si ko lai. U.S ah Chin mino pawl choir an kai ti lo tiah anti bantuk a si.

Zuri le sitong mi zong an tam ngai, damiah zong an um cang tiah anti. Hi pawl hi an nu le pa zong nih an timhpiak mi hna cu a si lai lo dah. U.S.A kan phanh hlan, Malaysia le Thailand le India le Kawlram ii thla an cam bantuk, Pathian an duh bantuk khan Pathian an ibochan tilo caah, vawleinunning tithluan ah an kal ve ti khawh a si.

Zeithil poah hi a sawhsawh in a rak cang tawn lo. Aruang (reason) a rak um dih tawn. Hi thil zong hi pakhat khat ruangah a si ko lai a fiang. A lungfah ruang zongah a si kho mi a si ka zumh. Asiloah an nehsawh-zuam taih (bully) ruang zongah a si kho mi a si fawn. A ruang pakhat pakhat cu a um hrim hrim ko lai a fiang tuk.

Hi ti mithat Lai nawn hi Laimi kan phung ah kan duh lo tukmi a si. Amah Uk Thang zong nih mithah hi a duh hrimhrim lai lo 100 ah 100 in ka zumh. Nain hitin a thahnak hna le amah le mah a kah-thahnak hi aruang pakhat pakhat aum ruangah a si ko lai ka zumh. A RUANG cu a um hrim hrim ko lai.