UK rampi cu Nu nih a uk ve cang lai! Prime Minister thar an ngeih than cang!

BREAKING NEWS: UK Prime Minister Ca Ah Conservative Party Nih Liz Truss An Thim!
==========
liz Truss cu Conservative Party hruaitu ah a tling caah, September 6 in UK Prime Minister a tuan lai. 2019 in UK PM a rak ttuanmi Boris Johnson cu covid phung a buar caah “phungbuar in sual an phawt. An party nih conservative party hruaitu ah aa tlak maw timi “Vote of confidence” me an thlak i, party hruaitu ah kan zumh rih ko timi nih a tei caah a rian a peh.

Asinain, nu lei ah a min a chia balmi, Chris Pincher cu, “Deputy Chief Whip ah a thim caah, an party cabinet chung in Minung tampi nih an chuahtak. Cucaah, Party hruaitu sinak in aa din hi a si. Conservative Party nih Boris John aiawh ah party hruaitu dang thimnak an tuah i, Liz Truss hi an thim. Liz Truss hi Cameron, Terisa May le Johnson Cozah tang ahhin riansang ngai a tlai tawnmi a si.

United Kingdom Prime Minister ah Conservative Party nih ramleng minister Liz Truss cu an thim. Keimah nih Prime Minister rian ka ṭuan ahcun runvennak ca ah Budget ka kaiter lai i ngunkhuai ka ṭumter lai, tiah vote kawlnak campaign lio ah a chim.

Amah he aa cuhṭi mi Finance Minister hlun Rishi Sunak nih cun vote 60,399 a hmuh i Truss nih cun vote 81,326 a hmuh ca ah Truss nih cun a tei. Truss cu thaizing ah British Siangpahrang nu Elizabeth nih phungning tein rian a luh lai, tiah theih a si. Liz Truss nih hin Boris Johnson cu UK prime minister sinak a chan lai.

US nih 2010 ah an chuahmi M142 HIMARS/ a sau in, High Mobility Artillery Rocket System an timi cu Ukraine an pek hna i, Ukraine 🇺🇦 nih Russia 🇷🇺 Ralkap cu an nam tthan thluahmah hna.

HIMARS hi unit/ tank pakhat ah US 3.8 millions a si an ti. A dik i target thate in a khen khawh pinah hlapi a kap khomi a si. Ukrainian nih a hman an thiam ngai i, Games changer a si kho men tiah an ruah. “Tampi in kan bawm ko u”tiah an President nih US cu a hal chap.

Myanmar dirhmun zoh tikah Min Aung Hlain nih a uknak cu, “All cost” in a ven. “Zeizat paoh dih ko seh, ram chung chawlehnak zong rawk viar ko seh. Ka uknak a hmun ahcun a za” tiah a cawl. A cawlcanh ning zoh tikah, tha a ngei ti lo. PDF le CDF hi biatak in hrawh aa zuam peng. A phun phun in ideas a chuah nain, aa deih ti lo. Cucaah, PDF le CDF nih hriamnam ttha deuh an ngeih ahcun, an nam thluahmah ve ko lai timi a fiang chin lengmang.

Dictators pawl nih Mipi an Uk khawh hi, play book an ngei cio i, an play book ning in Mipi an hruai khawh chung an uknak a hmun. Asinain Mipi an lung a fim ahcun, an tlu colh cio ko. Cucaah, Myanmar Junta pawl an play book nih Myanmar Mipi a hruai kho ti lai lo timi a fiang ngai cang caah, an tlu cang ko lai.

TATA Sons Chairman Hlun Cyrus Mistry Cu Mawṭaw Cangsual Tonnak In A Thi! India ram ah Company ngan bik pakhat a simi TATA Sons Chairman hlun Cyrus Mistry cu mawṭaw cangsual tonnak ruang ah nizan september 4 ah a nunnak a liam. Cu mawṭaw cangsualnak ruang ah cun midang 1 zong a thi ve i, minung 2 hliam an tuar tiah theih a si.

Cyrus Mistry thih cu India ca ah chawlehnak lei sungzawtlaknak nganpi a si, tiah Prime Minister Modi nih cun a chim. Kum 54 a simi Cyrus Mistry cu a rianṭuannak ah ceihhmai a rak ton ngai caah 2016 ah khan TATA Company Chairman sinak in an rak dinhter.

TATA Sons cu Cite, Steel, software le thil phunphun a chuah i vawlei cung ram 100 reng lo ah a cawlcang cuahmah mi an si. Mawṭaw khawndennak an tonnak hmun hi Maharashtra ramkulh chung, Palghar khua, mumbai in km 100 hrawng ah a um mi a si. Credit: The Chin Post, Zasang Cinzah