Shwebo Peng, Myinchin Khua In A Rak Chuakmi Pyusawhti Motor An Kah Caah Khuabawi Pa Telh In Ralhrang 3 An Thi. Sagaing ramṭhen, Shwebo peng, Myinchin khua in a rak chuakmi Pyusawhti Motor an kah caah khuabawi pa Htun Htun Naing telhchih in Pyusawhti 3 an thi, AK meithal 1 an laak tiah
Shwe Bo Urban Guerrilla Force chungin ṭuanvo ngeitu pakhat nih Khit Thit Media ah a chim.
March 28, 2024 zing suimilam 9:40 tluk ah Shwebo peng, Myinchin khua in lahkhah thoh dingah Motor (raang) in a rak chuakmi Pyusawhti hna cu shwebo Crocodile၊ Young NI le ṭangṭi phufonh dang nih an rak kah hna caah khuabawi pa Htun Htun Naing telhchih in 3 an thi, tiah theih a si.
Kahdohnak ah a thimi hna ruak cu Shwebo khuapi, Myinchin, Yikone, Panyan khua Pyusawhti ralhrang tampi hna nih an rak laak hna tiah an langhter.
Kahdohnak ah aa telmi hriamtlai ṭangṭi phufonh hna cu Shwe Bo Urban Guerrilla Force, Shwebo pengkomh HG FIGHTRS (LPDF)၊ shwebo Crocodile၊ Young NI၊ le ṭangṭi phufonh dang hna an si. Lungmili Post
Thawngpang dang: Thailand Ram Ah Nu Le Nu, Pa Le Pa Phungning Tein Ṭhitum Khawhnak Phung An Ser Cang Lai. March 27, 2024 ah House of Representatives nih Thailand ramah (pa le pa, nu le nu) phungning tein ṭhitum khawhnak phung ser an timh cang tiah theih a si.
Thailand ram (nu le nu, pa le pa) ṭhitumnak konglam he pehtlai in nawlnak tuah mi ah hin cunglei ṭuanvo ngeitu hna (Senate) le Thailand ram siangpahrang pawmpinak minthut a herh tiah an langhter.
Phung sertu minung 415 lak ah 400 hna nih (nu le nu pa le pa) ṭhitumnak phung hi an cohlan tiah theih a si. Thailand ram (Nu le nu, pa le pa) ṭhitum khawhnak phung ser timh mi hi 2024; kum dongh lei ahcun a tak in kalpi a si khawhnak lai minung tampi nih an i ruahchan. Lungmili Post