U.S Embassy Rangon Nih Mipi Kan In Dirpi Hna Tiah Thawngthanh Nak An Tuah Cang

Yangon hrambunh U.S Embassy Rangon nih Kawlram Mipi kan in dirpi hna tiah thawngthanh nak an tuah taktak cang. Hihi thawngpang kong he pehtlaih in U.S Embassy Rangon ruahnak lawng siloin Presisent Joe Biden le (United States Secretary of State) Secretary of Foreign Affairs Antony J. Blinken nih Kawl ralkap nih hramhram in nawlngeihnak an lakmi cungah an ruahnak kong le riantuan ding timhtuahnak an ngeihnak kong zong thawngpang theih a rak si cang. Cucaah, tutan Yangon Embassy nih thawngthanhnak an tuahmi hi a sawhsawh cu a si hrimhrim lai lo.

Daw Aung San Suu Kyi le President Win Myint le hruaitu lutlai pawl an tlaihmi vialte zong a ran nak in thlah than dih dingin nawlnak an tuah chap. Cun, Kawlram chung internet line an phitmi le ningcang loin nawlngeihnak an hmanmi vialte zong mipi nih thimmi sinah nawlngeihnak pek than dingin thawngthanh nak an tuah hi a si. Kawl ralkap pawl cu U.S Embassy Yangon hrambunh nih hin biatak tein nawlngeihnak pek than dingah nawlnak thawngthanh nak an tuah hi a si.

Kawl ralkap nih hramhram in aana ting mi ruangah vawlei cung ram cheukhat an holh ve cang. UN zong nih statement an chuah khawh ve cang i, lawmh a um taktak. Thawngpang ttha pakhat a simi cu UN Security Council a holh. UN Security Council nih Statement a chuah. Aung San Suu Kyi, U Win Myint le adang vialte chuah dih hna seh, tiah a ti. China le Russia an i tel ve. A ttha ngai. UN Security Council ah members 15 an um. 5 (US, Britain, French, Russia, China) hi permanent members an si. Veto power an ngei.

Sen. Ben Cardin (kanmah senator a si) nih statement a chuah. Aung San Suu Kyi le adang chuah zokzok hna seh, a ti. Kawlram kongah Sen. McConnell a chonh. Kan lung a rual, a ti. McConnell nih Biden a dirhkamh caah tha a tho. Sen. Mitch McConnell nih President Biden a forhfial, Burmese military coup kongah, Kawl Ralkap Uknak Hrawh dingin US Congress nih a fialmi ah White House le State Dept lawng siloin Department of Defense atelh lai caah lung a hmui kho tuk hringhran.

Thawngpang tha tuk dawh a si, Vawleicung ralkap thazaang thawng bik le a ngan bik cu US lawng hi a si rih ko. Tha tuk US lawng hi Ralkap thla kho dingah bochan mi a si. Cunak thawngttha Kawlram kong ah a um bel lo. Tlamtling hramseh. Thawngpang tha si hram seh. Department of defense aa tel ding a si ahcun thil tha a chuahpi ko lai. Defense department aa tel lai ti mi nih ka hna a tun ter ngai.