Twitter nih President Trump lawng si loin Conservative Right wing radio host a tuanmi

Twitter nih President Trump lawng si loin Conservative Right wing radio host a tuanmi, Rush Limbaugh, General hlun, Michael Flynn zong twitter nih account an thah piak than hna. Conservative le Republican party a ttanhmi pawl account cu duhsah tete in thah an timh cang hna ti a fiang ko.

President Trump nih ” twitter nih hlanpi in freedom of speech timi hi phih khar an rak timh cangmi a si. Twitter company minung pawl le democrats le racidal left wing pawl nih conservative aw-an vialte thah an kan timhmi a si. A rauh hlan ah US minung minllion 75 nan aw-an zong hi an in phih khar piak hna lai” tiah a chim.

Democrats nih President Trump Impeachment an tuah than ahcun atu nak faak in thenhmal nak le buainak a zual chin lai. President Trump hi US mipi 75 million nih vote an pek i an dirkamh timi hi faak deuh in an ruah ding a si.

US ah Freedom of Speech, freedom of express timi khoi ah um cang? Technology le Social Media nih maw an duh paoh in an kan nawnnok cang lai? Bias Media nih maw an duh paoh in an kan laamter cang lai? US hrawh dih a duhtu Iran President hmanh Twitter nih an phih tung lo?

US ah Freedom of Speech timi khoi ah um? Technology le Social Media nih maw an duh paoh in an kan nawnnok cang lai? Media nih maw an duh paoh in an kan laamter lai?

Sualnak, “crimes” phun 8 tiang a tuahmi, minak pa, George Floyd Palek nih an thah ahcun Democrats pawl nih HERO bantuk in an hmuh. Asinain Capitol Hill ah palek nih an thahmi US ram caah nunnak thap in ram a dawtu, ralkap nute, Ashli Babbitt [ Kum 35 ] cu ahohmanh nih an thei in an hngal duh lo, media zong nih an chim duh lo. A thih lai te ah a chimmi cu “ka nunnak ka pekmi hi a phu ko” it’s Okay” tiah a ti. Minung kan lungput hi cu ngaihchia tuk a si.

Washington DC Capitol Hill i buainak a chuahpi tu ah aa ttang bikmi le aa telmi ah dawr bauh, thilfir le inn khangh a hmangmi, Black Lives Matter activist pawl an rak i hrolh ti si ko. Ka zumhning te a si. Conspiracy Theory timi cu mah bantuk hi an si. Trump bawmtu bantuk in a umter i Trump melnang a nehtu an si. Credit: Lairamthang