Tuzan Lei Vanlawng A Mawngtu Pa Bogyi Hin Htet Aung A Ruak Vui mi cu A Fak Ko, Cei Hna Seh!

Tuzan Lei Vanlawng A Mawngtu Pa Bogyi Hin Htet Aung A Ruak Vui mi cu A Fak Ko, Cei Hna Seh!
=========
Nihin Ni ah Sagaing ramthen ah vanlawng a tla mi a mawngtu Bogyi Hin Htet Aung A Ruak Cu Vui A Si cang. A nupi he an thitumnak kum khat tlinnak ding caah zarhhnih lawng a duh ah a nunnak a liam hi a si. Vanlawng a tla mi hi Yemyatgyi tibual ah a tla hi a si. Bogyi Hin Htet Aung cu nihin zanlei suimilam 4:00pm ah an vui cang, tiah thawngpang theih a si.

Bogyi Hin Htet Aung cu a ruak cu a pum ningin an hmuh kho ti lo, a taksa tlawmpal le a ruh lawng an lak khawh cang. Cun, a ruh le a taksa tlawmpal cu Jet Fighter in an zuangpi ah Sagaing khuapi, Sang pakhat ah a ruak an vui hi a si. Ralhrang thawng an thanh ning ahcun vanlawng hi a tla mi a faktuk caah a ruak cheu lawng kan hmuh khawh hi a si, tiah an chim.

Bogyi Hin Htet Aung ngaihchiatpinak cu anmah umnak vanlawng lei pehtlai in an umnak sakhan pakhat ah an tuah. February 12, 2021 ni ah thitumnak puai an tuah hi a si. Thitumnak puai an tuahnak in kum khat a tlinnak ding caah zarh hnih lawng a duh rih. A Tantak mi a nupi he hi fa an ngeih rih lo, tiah thawngpang theih a si.

Ralhraang Jet Fighter a tla mi a mawngtu a thi i a ruak an char. Sagaing ramthen, Ohntaw khua pawng Yemyatgyi tibual chung ah a tla mi Ralhraang Council raltuknak vanlawng cu hmuh a si cang i a mawngtu ruak zong hmuh a si tiah theih a si.

Ralkap raltuknak vanlawng pakhat cu tuzing sml 10:43 hrawng ah Sagaing ramthen, Ohntaw khua Nichuah lei Yemyatgyi tibual ah a tla tiah Ralhraang thawngthanhnak lei hruaitu Zaw Min Tun nih Xinhua ah a chim. A tla mi vanlawmng cu minung pakhat nih mawngh mi phun a si tiah a chim. A mawngtu cu a thi i a ruak hmuh a si cang.

Hi raltuknak van lawng hi Tataoo Ralkap Vanlawng tual in aa thawh i cawnnak in a zuan lio ah a seh a rawk i a tla mi a si tiah Council Ralhraang lei nih cun an thanh.

Sagaing ramthen Yaymyatgyiinn ah Tuluk ser raltuknak vanlawng Nanchang A-5C Fantan cu a seh pakhatkhat that lo ruang ah a tla tiah ralhraang lei nih an thanh. Sagaing ramthen, Sagaing peng, Yaymyatgyiinn ah nihin zing suimilaam 11 hrawng ah raltuknak vanlawng pakhat a tla tiah tualchung mi nih Yangon Khit Thit Media ah an chim.

“Raltuknak vanlawng pakhat nihin zing suimilaam 11 hrawng ah Yaymyatgyi inn ah a tla. Puahkeh thawng voithum kan theih. A tlaknak Inn a lai hrawng ah a si ca ah kan hmu kho lo. A dang vanlawng pakhat nih aa hel i a kawl len” tiah tualchung mi nih a chim.

Tualchung mi pakhat nih “Sayee khua chak in mizaw phur motor le meithat motor an kal. Vanlawng a tla an ti” tiah Yangon Khit Thit Media ah a chim. Ralhraang lei thawnghram in Raltuknak vanlawng pakhat a tla. Engine pakhatkhat that lo ruang maw asiloah an kah mi dah si ti kan thei kho lo.

A tla mi vanlawng hi Tuluk ser Nanchang A-5C Fantan raltuknak vanlawng a si tiah a chim. Ralhraang lei nih nihin zing suimilaam 10:43 ah raltuknak vanlawng pakhat a tla i a khaltu chanhchuah ding kan tuah lio a si tiah an thanh.