Tuzan Cu Kawlram Pumpi Cozah Zung Riantuantu Caah Thinphang Tuk A Si Cang

Tuzan 1:00 in thaizing zingka 9:00 tiang internet line a phih lai tiah MRTV nih a thanh caah hi kar ah CDM i aa telmi cozah zung riantuan le lamzawh hruaitu pawl a tlaih hna lai tiah ruah a si. A hlei in Bank vialte palek nih an hngah dih mi hi tuzan ah bank riantuan pawl tlaih in thaizing riantuan ter i ttin ter ti loin Bank ah hren khawh a si. I ralring cio usih. Kan khuallam a sau rih kho.

Hakha AYA Bank ah Police pawl nih an kan hngah. Thaizing Riantuan tu pawl kai kan i tim lo.Hakha khua a si lo mi CDM ah a tel mi kan pu le hna zung ah an um ko. Bank on ding in Police an bawi le nih kan duh na lo in, hramhram le tlerhkhonh in an kan on ter lai kan phang ko. Zinglei Zung on caan a phak tik ah Dawtmi nu le pa, U le nau hna Pakhatkhat a si sual ah cun nan kan ttan pi nak lai zaangfah kan in nawl hna. Mizapi theih ding in

Relchap, CDM abiapituk! Atutiang ah CDM bawmhnak caah thazaang chuahmi hna hi theih khawh tawk ah; 1. Mame Ministries, 2. CBCUSA, 3. CBCUSA Youth Department, 4. CCI (Indiana), 5. CBANA (Falam), 6. Than Tlang organization, 7. Pumpaak (Plato Van Rung Mang, Za Sang Cinzah, Rem Hniang) tiin (7) hrawng an si. Ka theihlomi an um kho. Asinain a tlawm tuk rih ka ti. Adang organization pawl CYO, MID America, Senthang Organization, Zophei Community le adangdang organization zong cawlcaangh aherh ngai ko. Thazaang chuah aherh ko. Cun ram dang mi sinah mah le organization cio in bawmhnak hal zong biapituk asi.

Cun Khrihfabu kip nih mahle Khrihfabu cio ah CDM caah cawlcanghnak ah tuah cio aherh ko. Kan zatein kan áš­an ahcun kan tei lai. CDM hi kan teinak hriamnaam a biapitukmi asi. Caan saupi kal khawh aherh! Biataktein CDM a cawlcang ahcun fawitein thla (3 ) hlan ah kan tei lai. Izuam ko hna usih! Kan Ram le Miphun caah ramdang kan herh lo. Nangmah le Keimah a kan herh! Adih dongh tiang thazaang chuah ko hna usih!