Tutan US Thimnak Cu Micheu khat cu phunghrampi nih a tleih hna lai in thong an panh te lai, mi cheukhat ve zong biaceihnak an phan ve te lai.

2020 Election Keimah Tahnak; Mi tampi nih ca an tial tikah, Mifim catial ciami cauk tampi chunghna le an chimmi in fonhtonh peh in an tialthan tikah catial thiam kan ti hna. Keimah cu keimah ruahnak le hmuhmi ca katial ve cucu kaiuar taktak ve mah sining tluk I lunghmuih hi a nuam ka ti. Micheu nih thiamlo tlinlo an ti ko lioah, Pathian Kutzung sermi dawhte in le thluak le ruahnak a ka ngeihter cucu kai uarbik nak Pathian ka thangthatnak bik cu a si.
Kha ka bia a sau.

Tutan thimnak cu state dihlak, Arizona, Georgia, Michigan, Pennsylvania, Wisconsin le Nevada pawl hi hitihin ka hmuh hna. Democratic nih 2019 in timhtuahnak tha taktak an rak ngeih cang I tutan thimnakah lih hrawkhrawl in vote kan tuah lai tihi tha taktak in timhtuahnak an rak ngeih cang. Republican party nih an lih le hrawkhrawl an timi hi Democratic caah cun anmah timhtuah tha taktak in an sermi cu a si fawm cu. Trump teinak caah.

Cu caah phaisa tawr le Cheng in an hmannak hi a si. Mirum tampi nih an chawva dih in Trump thlakkhawhnak lam an kawlnak caah phaisa an pek hna ti cu a fiang ko. Cun tutan state pa 6 chungah hin an phaisa hi tambik an hmannak cu a si. Gov. Pawl zalchungah State biaceih zung hna zalchungah le vote reltu lutlai zal chungah hin , $$$$ tampi a lut lai ti cu a fiang. Cu ruangah Pennsylvania state ah cun election phunghrampi hna an rak remhnak chan kha a si ko. Biaceihtu nih biatak a dirpi ve hna. Mi tampi biaceihtu zong an rian in dinhter an tawng te kho. $$$ hi thil a tikho bik a si ko.

Cun teh tutan thimnak ah Joe Biden teinak an pek cangmi state nih Trump teinak an pe than lai maw? An pethan lailo, ziah an zal chung $$$ nih an hngawngin a dih cang hna lai. Mipi theih lo in an hro cang hna lai caah, sobul le cengceh karlak ah an um cang lai. Biatak le phunghrampi nih an hnu a dawi hna tikah, lih le hrawkhrawl vote cu anmah tuahmi a si ve tikah an thlah lailo. Micheu khat cu phunghrampi nih a tleih hna lai in thong an panh te lai, mi cheukhat ve zong biaceihnak an phan ve te lai.

Kha ka bia fun cang lai, tutan thimnak cu a donhnakah Trump le a tanti pawl nih hnutawn an I tim lo caah, Democratic caah cu harnak taktak cungah an dirve cang lai. Joe Biden nih president a tuan kho lailo cucu phunghrampi nih a tleih te lai. Adonhnak bia cu biadik nih teinak a co te lai. Mi tampi cu an tuhmi an zun te lai. D pawl an si ah R pawl an si ah, phunghrampi tangah a hohmanh an luat lailo. Credit: Joseph Thawng Z Ting