Tuluk Nih Kawlram Buainak Kongah Zei Bia Dah An Chim Than Cang

Tuluk nih Kawlram buainak kongah Ton Biaruahnak Ngeih dingin An Forhfial Hna
=================
Tuluk cozah ramdang lei pehtlaihnak zung nih thawng an thanh ning ahcun Kawlram buaibai nak kongah an lungretheih nak le an thinphang nak kongah a rang khawh chungin ton biaruahnak ngeih ding le a tha bik in daihnak a chuah khawh nakhnga thazang an peknak le forhfial nak an tuah hna.

Kawlram cu harsa taktak in Democracy lamthluan pi kan rak zawh i, tutan ah ralkap nih uknak an lak than tikah Democracy phungning tein kal than dingah Tuluk nih a ruahchannak kong an chim fawn. Hi kong he pehtlai in Tuluk ramleng lei pehtlaihnak zung chimphuannak nawlngeitu Hua Chunying’s nih atu bantuk in a chim hi a si.

Kawlram hmailei thanchonak lei caah zei bantuk phu ti loin a rang khawh chungin ton biaruahnak tuah khawh dingah kan i ruahchan ko tiah an langhter. Kawlram chung cu Democracy phung in caan zeimaw chungte uk hruainak ah a kal bantuk in tutan zongah pehzulh in phunghram tha tein tuah le upadi tangah zei bantuk buu paoh nih ton biaruah nak ngeih kho dingin a chim fawn.

Kawlram chungah ralkap cungah Tuluk cozah nih biatak tein kan thin a phang ko. Hi bantuk tuahsernak hi zei bantuk mipi cungah hmanhah thathnemnak a chuah pi lo. Hi tuahsernak hi a tak in a tongmi le a tuar ingtu taktak cu Kawlram chung um mipi thiamthiam an si ko, tiah an chim.