Tuluk Cu Tihnung Tuk A Si Cang, Vawleipi Khuaruahhar In An Um Ter Dih Cang Hna

Ralthawh Dingah Tuluk A Ready. Tuluk President Xi Jinping nih Tuluk ralkap pawl cu a herh caan poah ah raltuk kawh dingah ready tein um dingah tuchun ah an ralkap cu order apek cang hna. Tuluk cozah nih US he ituk sual ah tiin ralrin ah nuclear bom le hypersonic Missile rianrang in a chuah chin lengmang ti a si. The Bulletin of the Atomic Scientist nih an chimnak ah nuclear kuanfang an ngeihmi hi a hlannak a karh chin lengmang tiah report an chuah. Tuluk nih Nuclear Warheads a ngeihmi hi 250 in 350 renglo ah a karh cang an ti.

Tuluk ser DF-16 timi cu a speed hi hlan lio nak in a let 18 in a rang deuh. Din lo bak in khan 2000 a zuang kho. Cucaah US ramchung Guam tikulh hi a phak khawh ti a si. Tuluk cozah nih an ralkap budget cu billions tampi an karhter i, atu bantuk in ralkap thazang thawnter an timhmi hi US ralkap dir onh khawhnak caah an tuahmi a si an ti.
Tuluk le US cu covid-19, Taiwan le South China tilulh i cuhkalh ruangah US he an i rengh lio te a si.

Tuluk communist cozah nih an ngaknu dawhdawh tete kha nitlak lei ram an an kuat hna i Tuluk cozah caah Nitlak leiram thilthup le biathli an firter hna an ti. Atu hi UK cozah zong ralrinnak an ipe ti si, California Democrats House Representative Eric Swalwell zong Tuluk spy nute Fang Fang nih a lem i a ihpi hnu ah US cozah thilthup le biathli tampi fir dawh a si, Investigate an tuah liote a si.

President Donald Trump nih Attorney General William Barr cu Joe Biden fapa Hunter Biden nih a pa min hmang in phungning loin Ukrain Bresma gas company sin in phaisa a hmuhmi le Tax a pek lomi kongah tazacuainak le hlathlainak a tuah duh lo ruangah nizan ah a rian dinhter dingah biachahnak a tuah cang. News cheukhat an tialning ah Joe Biden nih a fapa Hunter Biden a hmuhmi.chung in 10% hrawng co dawh si an ti.

New York Democrats Governor Guomo cu a zung riantuantu Lindsay Boylan nih tlaihhrem a rak zalhnak le a tuaitamnak kong a twitter ah a phuan. Asinain Governor Guomo nih zeihmanh a chim duh lo caah a cungah lunghrinhnak a zual.
Mah bantuk thswngpang cu CNN, New Yourk Times le Washington Post tepawl nih cun an thuh piak i an chim duh lo ti si Guomou a naupa Christ Guomo cu CNN ah riantuanmi a si ve. Credit: Salai Lairamthang

Thawngpang dang relchap ding, ๐“๐ซ๐ฎ๐ฆ๐ฉ ๐ง๐ข๐ก ๐„๐ฅ๐ž๐œ๐ญ๐ข๐จ๐ง ๐š ๐Š๐ก๐ฎ๐ฉ๐ญ๐ก๐š๐ฅ ๐‹๐ž๐ก ๐š ๐“๐ข๐ฆ๐ก ๐๐ž๐ง๐  ๐‘๐ฎ๐š๐ง๐ ๐š๐ก ๐Œ๐ข๐œ๐ก๐ข๐ ๐š๐ง ๐‚๐จ๐ง๐ ๐ซ๐ž๐ฌ๐ฌ๐ฆ๐š๐ง ๐ง๐ข๐ก ๐†๐Ž๐ ๐š ๐‚๐ก๐ฎ๐š๐ก๐ญ๐š๐š๐ค. โ€œ๐—ญ๐—ฎ๐—ฎ ๐—ฟ๐—ฒ๐—บ๐—ฟ๐˜‚๐—ฎ๐—บ ๐—ฐ๐—ฎ๐—ป๐—ด ๐˜€๐—ฒ๐—ต,โ€ ๐˜๐—ถ๐—ถ๐—ป ๐˜๐—ต๐—ถ๐—บ๐˜๐—ต๐—ฎ๐—ป ๐—ฎ๐—ถ ๐˜๐—ถ๐—บ ๐—น๐—ฒ๐—บ ๐˜๐—ถ ๐—น๐—ผ ๐—บ๐—ถ ๐—ฅ๐—ฒ๐—ฝ๐˜‚๐—ฏ๐—น๐—ถ๐—ฐ๐—ฎ๐—ป ๐—ฅ๐—ฒ๐—ฝ. ๐—ฃ๐—ฎ๐˜‚๐—น ๐— ๐—ถ๐˜๐—ฐ๐—ต๐—ฒ๐—น๐—น ๐—ป๐—ถ๐—ต ๐—ฎ ๐—ฐ๐—ต๐—ถ๐—บ. President Trump nih election a khupthal leh a timhmi Republicans pawl nih an dironh lo caah Republican Party in ka chuak lawlaw cang, tiah Rep. Paul Mitchellnih Monday ahkhan a chim. Biden nih buan a co mi Supreme Court ah chuahpi i a khupthal lehpiak dingin Republican House member 100 nih min an thut ruangah a tu bantukin Party a chuahtaknak hi a si tiin CNN he interview an tuahnak ah a chim. Vote a tomtom in an fir, cucaah battleground state 4 nih vote thlahnak an kalpi ning hi an state laws ralchanh in an tuahmi lawngte a si, tiin hrihhram ngei lo piin an chimmi a cohlanpi khawh hna lo caah a si.

โ€œTutan zarh chung i national media kip i an ceihhmaimi le tutan minthutnak an tuahmi ka hmuh tikah le โ€˜election a dih cangmi a siโ€™ tiin Republican Party i thithruainak nih ralthatein dir in a thanh duh lo mi ka hmuh tikah Republican Party he i pehtlaih awk ka thatti lo nak a ruang fiangtein ka vun theihfian cang. January 20 hlan tiang paoh cu election hi a fiang rih lo, tiin Trump nih twitter ah a tial peng ko rih mi le, hi kongah pehzulh in tazacuainak tuah ai timh peng ko rih, ti hi fiantein ka hmuh khawhโ€ tiin Mitchell nih a chim. Party a chuahtaaknak kong cu Monday ah khaan capaar in Republican National Committee Chair Ronna McDaniel le House Minority Leader Kevin McCarthy, R-Calif. thawng a hei thanh hna.

Trump nih Election a teikha (integrity) a thumh caah le swing state tampi ah election results a khupthal leh ai timh peng ruangah Republican lei in minung tlawmte nih an soisel ngai ve. Electioral College nih Biden buan a comi namhneh dingin meeting a thut hnu zong ah election ka dohnak hi a pekzulh thiamthiam ko rih lai, tiah Trump nih a chim. โ€œA dih rih lo. Hmai kan fong cuahmah ko rihโ€ tiin Sunday i Fox News he interview an tuahnak ah Trump nih a chim. Voitampi ti awk in Trump le a cozah hi ka dirpi, vote zong ka pek bal cang, tiah Congress caah thim than ai tim ti lo mi Mitchell nih a chim. โ€œAsinain, hi party nih hin kan democracy siseh, kan Constitution siseh a hmasa thil ah a chia hna lo. Politics zawng zong a ruat lo, candidate pakaht kilven zong ai tim lo, political power thar cohlan hrim a duh lo. Cu vialte cu a tu i kalpi cuahmah mi thil an si, tiin kei cu ka ruah. Cucaah, zaa remruam cang seh, ka ti ko cangโ€ tiin Mitchell nih a chim.

US chungum state 50 ningin an state cio election results namhnehnak an tuah dih cang hna i, Biden hi avoi 46nak US president a si cangnak an fehter cio hna. Monday i Electoral College nih Biden vote an pek mi ko nih hin buan a comi hi official ah a canter khun. Election results chirhchan in Electors minung 538 nih an president caah vote an thlak cio hna. NBC News nih a chim ningah, California nih a electoral vote 55 he Biden cu vote 270 lonh in buan a coter hnu cu, avoi 46nak US president a sinak official tein fehter khun a vun si. โ€œElection le election officials an dohmi hi lungfim lo bia a si. Trump nih election a khupthal leh ai timhmi hi a nawlngeihnak ningcanglo in a hman
bia a siโ€ tiin Monday zaan i rampumpi sin biacahnak a ngeih lio ah Biden nih a chim. Credit: Chelsea Bawi