Tulio zeidah a cang Ralkap pawl Lam an tlau cang

Tulio zeidah a cang Ralkap pawl Lam an tlau cang- an hnabei a dong cang lai. Mipi cawlcaanghnak a thawng chin, CDM an khamh kho ti lo, Hruaitu kawl khawh lomi rampumpi cawlcaanghnak, Sanction a ra chin, Social punishment a thawng chin, Global Arms Embargo, A dir mi rampi sipuazi, Ruah baan lomi UN dir hmun, Aw-aan a dangmi ASEAN ram, Ruahdam a harmi CRPH cawlcaanghnak.

Ralkap pawl lam an tlau cang, Kan tei cang lai. Mipi kan zapi Lung i rual usih, thluak hman in fimkhor i zuam hna usih, Ralthatnak he thazaang zapi te in phun kip lam kip in Ralkap Dictator do hna usih! Bawipa Bochanbu in.

Relchap, Social punishment hi ram thanchonak a dawntu, ram a hrawktu “corruption” dohnak hriamnam a si bantuk in, Tulio caan ah “social punishment” kemh chih zong hi a biapi ko. Ram le miphun caah ka ttuan ve lai tiah aa pumpe balmi vialte, tulio bantuk caan ah daite in a um i, aa thupmi vialte kha rak iching chiah hna ulaw, Federal Democracy kan hmuh tuk zong ah ithup thai te hna seh!

Tulio bantuk caan ah Mipi lei ttang loin, Ralkap, terrorist lei a ttangmi hruaitu paoh kha, rak iching chiah u! An techin fapar chan tiang miphun zuartu ah chiah leng awk an si lai. Abik in Ralkap Terrorist lei a ttangmi paoh hi, mi zei an si fiang deuh in Mipi nih kan theih khawhnak hnga, phozar ko hna u! Cu lo ahcun, hmailei ah tthutdan tthatha, ram dawtu savo kha, anmah nih an tingco sual lai.

Chap: CDM a tuahmi lak ah a thli tein um in, CDM upa hna an khuakhanmi le an thil tuahmi thli tein police le Ralkap sinah report a tuahmi spy an um lengmang. Mahbantuk minung hrim kha zoh sawhsawh awk an ttha lo. Laimi/ Chinmi hrimhrim nih Ralkap caah spy ttuan le miphun hawi fahnak pek kha ithim ding a si lo.