Tuhi Kawlram chung a ummi nih thawng fiang an theih kho ti lo

Tuhi Kawlram chung a ummi nih thawng fiang an theih kho ti lo. Internet le social Media an block viar caah. Cucaah, Ramleng a ummi nih thawngpang fiang thanh khawh an biapi tuk lio caan a si. US nih an kan dirpi ko. UN zong nih an kan dirpi ko. Vawlei cung kakip ah dirhnak sandah piah a um. Aung San Suu Kyi an thlah rih lo tbk in ram chung lei he communication ngeih khawh Peng hi biapi taktak si dawh in a lang. Tulio caan ahcun thachiaitnak bia paoh hrial in thazaang thawnnak bia hi tam deuh vahpi khawh izuam cio hna usih!

Tulio Kawlram buainak ah khuakip le ramkip in sandah an piah cio. Anmah le thiam ningin cio in an cawlcang ciomi hmuh tikah lung a hmui ngai ngai. Vawlei cung news headlines ah Kawlram kong a khat. US senate ah Kawlram kong ah chuahpi cang. UN lei nih fakpi in kan izuam lai an ti ve. Ram chung lei pawl taktak tein sandah an piah ve cang.
Ram chung lei cawlcanghnak a biapi. US cawlcanghnak a biapi, UN Cawlcanghnak an biapi, Ramleng ah Kawlrammi vialte cawlcanghnak a biapi, Pathian sinah thlacam a biapi. Kan umnak hmun le khua cio ah cawlcanghnak an tuahmi paoh ah lungtho tein iteltum cio caan a si. Credit: Zasang Cinzah

Kan chuahkehnak Kawlram komh caah hmunkip in rally kan tuah nakah effective a si deuh nak hnga tuah ding ka duhmi hna: 1. Rally lawng siloin statement tha tein chuahin kan umnak district US House of Representatives hna le State senator vialte kuat ding. Cun Congress le Senate i Foreign Relation committee ranking member vialte. 2. US Senate le House nih Kawl ralkap coup hi an condemn nak resolution an chuah ding kan target a tha. 4. President Biden, Foreign Secretary, Defense Secretary, le adang powerful department lutlai pawl ca kuat khawh an si ahcun kuat ding

5. US bantuk ram ahcun citizen pakhat nih kan Representatives le senators pawl ca kuat khawh hi a biapi ngai, anmah hrim nih biapi ngai in an ruah. Na’n zapi cu mirang ca le catial kan thiamlo. Cu caah organization pakhat khat nih tha tein ca kan tial piak uhlaw zip code or address tbk hmeh in automatic in kuat khawh ding phun kan ser piak uhlaw ka duh (kan hman tawn mi a si). 6. China le Russia Embassy or Consulate a umnak khua ahcun an office hmaiah va kal khawh a biapi ngai. 7. Cun mah thil hi caan saupi a kal te ding a si caah rally tuah kha voikhat lawng siloin aherh ningin a tu le tu tuah itim uhsihlaw a tha. A um len rih ko lai, ka bia sau ai. Kaa lawm. Credit: Salai TK Lyan