Tu Thla 21 Ah Thil A Cang Ding Mi Scientist Nih An Phunan Chung Cang Mi Cu Tih A Nung Ko

December 21 ah thil a cang ding mi Scientist, Fimthiamnak lei nih an phuan chung cang. Vawlei cung hi thil a phun phun theih bal lomi le hngalh ballo mi an chuak cuahmah cang bantuk in, Bible in vun cuanh ahcun Pathian rat lainak a nai cang an kan ti, vawilei fimthiam nak lei bel in zeitin dik an va ti ve hnga, thawngpang phun kip, zawtnak phun kip le ruahruahhar thil an tam chin cang caah minung kan lungthin kan ruahnak zong hi a pial chin ve bantuk in a um ve, Pathian hngalh buin nun ahcun lung a fim chin ve lai tiah ka ruah.

luan cia mi kum 800 ah a rak cang balmi Jupiter le Saturn’s nih van cung pi khi a rak ceuh bal i, cucu “Christmas Star” or “Bethlehem Star” tiah min an rak pekmi an si, cucu a ra laimi December thla 21 ah a ceu than lai tiah scientist lei mifim hna nih an chim mi a si. cun 2080 le 2400 ah a cang than lai tiah thiam sang lei nih an langhter fawn. cu bantuk cu a um bal lo bantuk in December 21 cu vawlei in nih hmuh khawh a si lai caah, kawlram lei hi chun ah maw zaan ah dik a si te lai. kan nun chung chan khat ah a cang mi thil a si lai caah 21 ni cu rak ngiat ve te u. Ref: The Chin Theitlei

Thawngpang dang relchap lo cu a pam tuk. December 1, 2020 ni ah khan US ramchung we the People convection (WTPC) pawl nih President Donald Trump sinah limited Veto Power hman dingin le ralkap nawlngeihnak tangah thimnak tuah than dingin hal an tuah hi a si. Press release an tuahmi cu Washington Times thawngzamh catlap khat bak in an chuah i phawtzamh a si. Legislation pawl, Court pawl le congress pawl hna nih constitutions an rem duh lo ahcun Vote Power hi hman hrimhrim dingin ca chung ahcun an langhter. Tukum thimnak hi buaibainak tam bik le US tuanbia ah hi bantuk vote buaibainak a ngan tukmi hi US mipi nih kan cohlan kho lo tiah an tial. Ralkap nawlngeihnak tangah thimnak thianghlim tein tuah than dingah President Trump sinah halnak an tuah hi a si.

Nihin ni tiang ah US thimnak kongkau ah zeihmanh result zong fiang tein a chuah kho rih lomi hi mipi pawl zong a simhtuk cang hna. President kan duhmi le mipi kan thimmi hi kan covo hrimhrim a si. Democratic Party pawl nih hi bantuk vote firnak le buaibainak an tuahmi hi mipi kan tuar kho hrimhrim lo an ti. Democratic party pawl ningcang loin cawlcanghnak pawl cu WTPC pawl nih cun Abraham Lincoln nih civil war lai ah an rammi himnak caah nawlngeihnak sang bik a ngeihchun mi extraordarny executive Power a rak hmanmi bantuk in President Donald Trump zong nih a kutchung ah a ummi Veto Power hi hman dingah forhfialnak an tuah hi a si. Cu bantuk in President nih a nawlngeihnak hi rak hman chung ahcun constitutions phunghrampi hi caan zeimawzat chung hman rih lo in an chiah chung lai i, thimnak an tuah than lai.

US officers le politicians pawl zong mipi nih aho hmanh an zumh kho ti hna lo. Hi thimnak hi tha tein le tluang tein tuah than khawhnak ding ahcun mipi pawl nih ralkap lawnglawng hi an zumh cang hna. Cu bantukin thimnak cu an tuah than ahcun computer hman ti loin paper vote of law lawnglawng an hman lai i, party pahnih palai pawl nih zohkhenhnak tangah vote tha tein an rel lai. Vote nak nawl covo a ngeitu register a tuahtu lawng nih an vote khawh cang lai. Hi thianghlim tein vote nak an tuah than i, Joe Biden a tling ahcun kan cohlan ko lai, nain vote fir nak le lih le hrokhrawl in an tuahmi in Biden a tling mi hi cu kan cohlan kho lai lo an ti. Mipi pawl nih nawlnak an tuahmi le an halmi hi President Donald Trump le White House lei nawlngeihtu hna nih cun zeihmanh bialehnak an tuah rih lo.

General Michael Flynn nih Trump nih hin tu lio caan te ah vote Power hi hman a herh bik caan a si tiah interview an tuahnak ah a chim ve. Democratic party pawl nih cun Veto power hi a hman sual lai ti hi an rak ruah cia mi a si tikah a rak soisel cia cang mi a si. Phunglam ning tein thimnak hi an tuah ahcun Donald Trump hi kan tei lai lo ti an rak fiang tuk cang caah a phunphun in an cawlcangh hi a si, tiah an langhter. CUn, vote diklo paper pawl a deu zong hi China kutchuah a si timi report zong an langhter chih cang. US tuanbia ah a um bal rih lomi vote firnak fakpi tiang a phan mi hi a poi taktak khi a si. Democratic pawl nih teinak le nawlngeihnak an hmuh ahcun US constitutions zong hi anmah duh ningin remh dih le biaknak lei zalonnak le speech of freedom timi pawl zong hi hloh dih an itimh tiah theih a si.

Democratic party nih nawlngeihnak an tlaih ahcun US rampi cu anmah duh paoh in an hruai lai caah, tih a nung tuk lai i, cheukhat cu um ngam hmanh a si ti lai lo, tiah an chim. Cheukhat nih cun tukum thimnak buainak hi second Evolution ti tiang in an auh cang. US ram chung media ngan pipi zong nih party pakhat lawng dirkamh in thawng an zamh mi le buaibainak an chuahter peng mi zong hi WTPC nih an nawl hi a si. A bikin US state 7 chung ah vote firnak le buainak kongah Pennsylvania state ah mipi hmai ah thawng fianternak an tuahmi nih vawleicung mipi khuaruahhar in a um ter dih hna. Arizona state chung zongah Pennsylvania state bantuk tein vote firnak le buainak an tuah ve hi a si. Georgia state zongah mipi hmai ah thawng fianternak an tuahmi ah hin Trump nih a tei thiamthiam ko. Media ngan pawl CNN, BBC le New York Time ti pawl nih hi bantuk in an cawlcangh tikah ngaihthiam khawh lo tiang in thawng dik lo cu an zamh peng. Joe Biden caah White House cu a hlat chinchin ko lai, tiah an langhter. US cu Civil war rim a nam deuhdeuh cang ti khawh a si. Donald Trump nih Veto Power hi a hman sual i ralkap pawl nawl peknak tangah thimnak maw an tuah than lai Civil war maw caan zeimaw chung a chuah lai ti hi thinphang a si cang.