Tu lio tih nung zawtnak ruang ah: Benjamin Sum Falam pawl nih an hmuh kho ti lai lo

Kan i ruahning in thil akal ti lo e, apoi taktak khi asi ko. Kan i hngah hlangmi March ni 27 in Ni 29 tiang tuah dingmi a voihnihnak Falam Run Inn Kum puaipi cu vawlei cung Laimi hna nih kan buaipi mi le kan i hngahlang taktak mi asi. Sihmanhsehlaw ruah lopi in thil a hung kal ruangmang ai cang mu.
Hi tluk nisunglawi hmannak dingmi kan i ngaih taktak mi cu tulio zawtnak phunkhat a simi Coronavirus ruangah tutan khawmpi cu let tthan dingin nawlngeitu hna nih biachahnak an tuah tiah thawngpang a leng cang.Hi thawngpang konghe pehtlaiin Falam tualchung thawngzamhnak Chinland Herald nih hitihin a langhter.
Ruun Inn Tlun Kum puaipi tawlreltu committe a simi GCO lutlai Pu Thawm Mang nih hitihin a chim. Ramleng sianginn kaimi hna an rak tlun caan November maw December tel ah tuah kho usih law tiah saduh kan that nain November thla ah hin rampi cawlcanghnak a um dingmi a si tikah a si thiam lo i hmaikum lawlaw ah siseh tiin biachahnak kan tuah tiah a chim.
Culawng siloin hi Ruun Inn Tlun Kum puaipi cu March ni 27 in ni 29 kum 2021 ah siseh tiah thawn a si tiin Pu Thawm Mang nih a chimmi CH nih alanghter.Cucaah Falam Run Inn Tlun Kum a voihnihnak Puaipi cu tukum chungah asi tthan lai lo i, hmaikum tu ah a si lai tiah an langhter chih tthan.
Hi puai konghe pehtlaiin a liamcia caan ah timhtuahnak rak ngeih ningah cun hlasak thiam Benjamin Sum zong a rak si i, amah zong nih biachahnak a rak tuah.Nain atu ah ruahlopi in a caan an vun thlen tikah Benjamin Sum zong a tel lonak ding a ruang bik cu asi.Tukum ah tlamling in puai sunglawi tuahnak dingah rak sawmmi hna tanglei bantuk in an si.
Hlasatu dingah hin sawmmi hna cu Salai Tawna le Salai Tuan Ling Thang cun Soloman Menrihai le BJ cun Israel VSL le JH Thang culawng siloin Dik le Fred cun Laldinthari le John Thanga le Benjamin Sum cun Mercy hna an si.Nain a tubantuk in vawlei cung thil a cangmi ruangah tukum tuah khawh lo dingin biachahnak an tuah hi asi.
Tukum chungah timhtuahnak tlamtling hmanh hlah sehlaw a ralaimi hmaikum tu ah sunglawi taktak in Chin miphun hna nih Hi ni le caan ah dawn khantu zeihmanh um loin caan kan hman khawhnak hnga zumtu kan dihlak tein thlacamnak ngei cio hna usih.
Chirhchan: TCT

 

Leave a Reply

Your email address will not be published. Required fields are marked *