Ttha tein ai tthi-um taktak komi, nu le ve taktak asi ko mi cu!

Good News: US Ram ah Nupi/pasal laak duh tikah theih a herh ngaimi pawl!
========
Nupi/pasal ilaaknak (spouse petition) tuah tikah immigration lei nih an zoh bikmi cu: mah hna nuva hi, chungkhar dirhtti dingin, ttha tein ai tthi-um taktak mi an si maw? Silole, US rat duh ruangah; green card ngah duh ruang ahdah, ai tthi-um chommi an si, tihi an zoh taktakmi asi. Mah kong hi, an i ralring (strict) chin lengmang cang.
Nu le va innchunkhar dirhtti dingin, ttha tein ai tthi-um taktak (a sit kan ti lai cu), US in laak khawh thai lo phung asi lo. An laak khawh hrimhrim hna nak ding a lam a um peng ko.

Ka nolh tthan: Ttha tein ai tthi-um taktak komi, nu le ve taktak asi ko mi cu: a voikhatnak laaknak an tuah ii, a tlaamtlinlo sual zongah, a hnu ah, appeal tuah maw; silole zeimaw ti-in fight tthan khawh peng asi; a tlaamtlin tiang a lam um peng ko.

Na nupi/pasal tlaamtling tein laak na duh ahcun, tehte (evidence/proof) a herh ngaimi pawl: 1. Biakinn (silole) zeimaw hall phunphai ah, ttha tein tthit-umnak (wedding) tuah a ttha. A tlukkiahnak in, inn ah thlacamnak sawhsawh phun in, tthit-umnak tuah cu, hrial a ttha. Aruang cu, a hnu ah, thil a buaithlaakmi le donkhantu tete a um duh ngai.

2. Immigration nih an pom khawh dingmi Marriage Certificate ttha tein tuah ding. Cun, i tthit-umnak photos (wedding photos) ttha tein ngeih ding. 3. US in nupi/pasal tthit/ngeih dingin a tlungmi poah cu, ttha tein nan tlun/kalnak vanlawng ticket (air ticket) i chiah ding. Cun, nan Passport (silole) Travel Document ah, nan tlawnnak ding ram nih, Visa stamp (visa seal bantuk an cumhmi), tibantuk pawl zong ttha tein copy i chiah ding.

4. I tthi-um hnu ah, khat le khat i pehtlaihnak (phaisa i kuatnak — WesternUnion Receipts) tibantuk pawl, ttha tein i chiah ding. Ramdang in nupi/pasal au dingmi cu, “ngui hluai” rumro in phaisa kuat lo a ttha. Aruang cu, na nupi/pasal phaisa na kuatnak proof/receipt a um lo. Cucaah a caancaan ahcun WesternUnion/MoneyGram, tibantukin anmah min tein phaisa kuat kha a ttha.

5. Na nupi/pasal he, Viber/Messenger/Whatapp/Zoom, tibantukin muilang (video) nan i chawn ahcun: nan pahnih nan mui kha, screenshot in hman i thlaak pah a ttha.) 6. Catlaap (documents) a dik lomi (a ttuh) hman lo ding. Chuahnak cazin (Birth Certificate) na ngeih lo ahcun, siizung lei maw/ttuanvo ngeitu/nawlngeitu — sin ah ca ttial ter a ttha.

7. Hlan ah nupi/pasal a ngeimi/UN case ah telhmi an um ahcun, nai ralrin taktak a hau lai. Hlan na case ah, na khumhmi na nupi/pasal he ii tthennak (dirvoce certificate) tuah kha, nai ralrin taktak a hau. Mah zawn hi, nai fimkhur taktak a hau. A diklomi (a ttuh) cu, Yangon tanzung le-bang nihcun, an theih tuk. An in theih ahcun visa an pe lai lo. Ai mihmi an um pah ngai cang.

Atu hrawng hi, ka Fb messanger in immigration lei (nupi/pasal laaknak/fale laaknak/nu le pa laaknak/asylum soknak/ visa (F1, B2 visa) tibantuk kong bia (question) aa ka halmi an um ngai. A tam deuh cu, ka let thiam hna lo.

Aruang cu, caan ka ngei thiam lo. (Zerhkhat ah a tlawm bik ni 9 hrawng um sehlaw, caan kai phazo hnga nain, ni 7 lawng a um ii, caan kai deih deuh lo.) Nain, nupi/pasal ai au dingmi pawl ca-ah theih a herh ngaimi a tawite ka vun ttial te lai.

Bawipa nih siaherhnak le zawnruahnak lungthin he na kan ttial piakmi thluachuah nak kan pek piak koseh law. a herhmi pumpak nunnak caah nawlzul te le nawlngai tein tuah khawh cio nak thinlung thar kanpe cio koseh. Na rian tampi lakah dawtnak Le zawnruahnak he thawng nan kan thanh caah kan i lawm tuk e. Na manh caan te ahcun rak kan zuam piak lengmang ko law. Credit: Van N Elizabeth

US ah Laitlang um na unau auh na duh hna maw? Na umnak USA ah na nulepa, nupi or pasal, fale le unau auh na duh hna maw? Yangon kan zung nih biatak tein immigrant visa service kan pek cang. 2015 thawk in immigrant visa kong hi tampi ka kherhhlai i theih hngalh bawmh aka halmi tete ka rak bawmh tawn hna. Sihni cu ka si lo, nain kum 7 leng ka experience a um cang caah immigrant visa he aa pehtlaihmi cu tlamtling tein kan tawlrel khawh.

Laimi tampi caah sihni hlan man a fak tuk, cuhlei ah holh thiam lo kan tam caah theih duhmi hal khawh lo caan a tampi lai. Kannih cu sihni nakin kan man a let in a deng deuh, Laiholh tein na duh caan poah ah chawnh biak khawh lengmang kan si fawn lai.

Kei cu $1,000 lawng kan lak hna lai. $1,000 ah hin Myanmar lei document vialte translation(notary) tuahnak le birth certificate laknak ai tel dih lai. Myanmar lei a herhmi document kong ah nanmah buai awk a um ti lai lo. Visa hngah chung kum khat leng free consultation a si lai, a herh caan poah ah keimah pumpak biaruah khawh ka si lai. Sihni a ngei ciami nan si i nan case kong ah ruahnak pek nan duh ahcun kum khat caah $300 in hlan khawh kan si. Nan herh caan poah ah nan case kong ruahnak kan cheuh hna lai.

US citizen nih nulepa, nupi or pasal le fale kum 21 tang auh ah a rang bik. Kum khat hrawng lawng a rau. Citizen nih cun unau (kum rihkhiah um lo) le kum upa cangmi fale zong auh a ngah. Nain visa limit a um i a rau deuh, kum 2 kum 3 leng a rau kho.

Green card lawng a ngeimi nih cun nupi or pasal le kawp ngei rih lomi fale lawng auh khawh a si. Visa limit a um ve i a rau deuh, kum 2 leng a rau kho. Bawmh na herh ahcun keimah pumpak inbox ah ‘nupi auh ka duh’ tiin ca vun ka kua law biaruahnak ding appointment kan pek colh ko lai. Inbox cakuat a tam caah a herhmi tial chih loin ‘hi’ tibantuk cakuat cu ka reply lomi a tam caah a si. Phone number 09442000351 zong ah pehtlaih khawh a si lai.

Note: Sihni hlan ah cun I-130 form fill up nak menmen ah $1500 hrawng na dih lai. Suimilam pakhat consultation ah $200 leng na dih fawn lai. Kannih cu form fill up, herhmi document vialte lak piak le translation tuah piak, US phak hlan tiang (a kum in a raumi a si) free consultation a si lai.

Tulio hi US ummi tlangval India rak tlun in Laitlang ah nupi a rak ngeimi an um pah. Atu ai tim cuahmahmi zong nan tam rih men lai. Mah hi US cozah sin ah nupi auhnak sawk tikah harnak a um te lai, visa loin Myanmar ka lut tiah USCIS (US Citizenship and Immigration Service) zung ah chim awk a tha lai lo. Upadi he ai kalh caah cozah zung pakhat nih cohlan awk tha lo.

Phung ning tein nupi thit duh ahcun na nupi ding kha Yangon in India visa a sawk ve lai i India ah a ra ve lai. Delhi or Mizoram ah thitumnak tuah khawh a si lai. Asilole Thailand ah nan pahnih nan ra veve lai i thitumnak tuah khawh a si.

A tha bikmi cu April 17 thawk in Myanmar ram chung rak tlawn khawh a si cang lai caah ram chung rak tlun in thitumnak tuah khi auhnak caah a tha bikmi cu a si.

Australia student visa zeidah a lawh lai a fiang kho rih lo. Kannih zong visa kan sawk nak thlakhat leng a si cang nain result a chuak rih lo. Agent dang zong visa result a ngahmi an um rih lo. Zeihmanh a fian rih lo caah visa sawk a duhmi nih agent sin ah sianginn man pek rih lo a tha bik.

Sianginn man na pek cang ahcun zarh hnih chung ah CoE an in chuah piak hrimhrim a hau. Sianginn man na pek cang ko nain CoE na ngah rih lo cun na agent nih na phaisa kha free tein amah pumpak duh herhnak ah a hman chung a si kho.
Tulio thlachiat ruat loin mi hlen a hmangmi an karh tuk caah i ralrin ngai cio a herh. An chimmi poah kha tha tein kherhhlai hmasa loin zumh colh lo a biapit tuk caan a si.

Malaysia kalnak kong aka halmi nan tam ngai caah hika zapi theih ding in ka vun tial. Thaizing kip April 1 thawk in visa sawk khawh asi cang lai. Kanmah Yangon zung zong nih visa sawk kan in bawmh khawh ve. Covid vaccine chunh cia a hau, health insurance le vanlawng ticket (kir lei he) cawk a hau.

Ticket man ah $400 deng a dih lai. Kal hlan ah Covid test a hau fawn. Malaysia ah quarantine luh a hau ti lo. A dihlak a dih ding hi ting 15 hrawng a si lai. Kan zung nih retheiman agent fee ting 2 lawng kan lak. Visa ngah tiang a herhmi poah kan in tawlrelpi lai. Credit: Salai Lungthli Tum