Trump Nih Martial Law Hi A Hman Tak Sual Lai Maw?

Trump nih Martial Law a hman tak sual lai maw? β€œMartial Law” timi cu a fawinak in Ralkap/Army kha caan karlak nawlngeihnak pek chung khi a si. 1958 lio, U Nu chan ahkhan Burma ram a rak buai tuk ruang caah U Nu nih Burma πŸ‡²πŸ‡² Ralkap/ Newin cu caan karlak nawlngeihnak a rak pek bal. A fawinak in Martial Law a rak hman ve ti khawh a si. Cun, Ralkap nih uknak cu an lak i, 1960 election an tuah i U Nu cu PM ah a tling tthan. Asinain Newin/ Ralkap nih Kum 2 chung uknak/nawlngeihnak a rak tlaih kha a lem i, 1962 ah amahte in Martial law declared a tuah i, Kum 12 chung, 1974 tiang Martial Law in a rak kan uk.

Trump cu Michael Flyn nih Martial Law declare tuah dingin ruahnak a pek i, a lung ah a lut ngaingai tiah nihin news ah a chuak. Nihin ah a top advisors pawl cu, Martial Law declared tuah khawhnak lam a um maw? tiah a hal hna tiah biavaivuan a chuak. Whitehouse lei belte cun chim-phuannak a um rih lo.

Trump cu Joe Bidden nih electoral vote lawng siloin, popular vote hrim in, 7 millions bakte in a tei. Nain Trump nih fir le ningcanglo vote ruang ah a si tiah a chim. Asinain, Joe nih a tei tuk palia i election result thleng kho ding a si lo. Trump nihcun mailed/cakuat in vote mi, election Ni hnu ah a phan mi paoh rel lo dingin aa zuam nain, a hlawh a tling lo. Cucaah, Martial Law declared tuah in, a thar in thimnak/election tuah tthan lawng hi lam a ngeimi a si i, sungh a nautat tuk caah, Martial Law cu a declared tak sual hnga maw?

Relchap ding thawngpang dang, Tuzan cu US politics kong rel le Dalai Lama live biachim zoh in caan ka hmang. Dalai Lama nih a chimmi chung in ichingchiah awk ah ka ruahmi cu:- β€œCleverness is better than honesty” a ti. Cun, β€œenemy is the best teacher” a ti. US politics ahcun Electoral colleges nih Joe Bidden teitu a sinak an fehternak le Trump nih U.S. Attorney General William Barr a phuahnak kong ka rel.

Trump nih amah dotu news paoh fake news a ti viar ning, FBI pawl a dohning, a cabinets pawl tuletu a phuahning hna le, atu US Justice Department nih an tanh lo ruang ah a dohmi hna zoh tikah, US Ram hi an constitution le an system hi rak ttha tuk hlah sehlaw, Hitler nih German le Vawleipi a hloh bantuk in US Ram hi a nonnawk cikcek lai hita ti hna a von ka ruahter ngai.

US democracy traditional ning cun, election zan, vote an rel dih hlan ah sung le awng aa fiang cun, teitu le a sungmi karlak ah conglawmhnak le teinak biachim a um zunzal. Asinain Trump cu, Nihin electoral colleges nih teitu an fehter tiang ah a sung a cohlang duh bak lo. Lawsuit 50 renglo a files i, Supreme Court voi 2 a phan. Asinain an hnawn piak dih. Lawsuit a files mi vialte hi sungh aa nautak tuk caah a si ko.

Trump hi 4-6 billions hrawng a ngei lai tiah an tuak. A rumnak Phaisa hi a pa nih Trump family business in a rohmi one million/ property in a si. A pa nih one million a ngeihmi hi a pu/grandfather nih inn le inn hmun a rak cawkmi/ property business in a von karhmi a si. A Grandfather nih Phaisa a laknak hi Canada ram gold mine ah Arnu inn/ arnu zuar business in a hmuhmi Phaisa a si. Cucaah, Trump family tuanbia zoh tikah an ithawk ning hi aa dawh lo. Casino a tuahmi tbk tax a file ning tbk zoh tikah, a Pu keneh a zul pah ko. Cun, Trump hi amah pumpak miaknak, hlawknak le teinak lawng a ruatmi a si tiah an ti tawnmi hi 2020 election nih a von fehter ngai.

Trump nih US Supreme Court ah judges 3 bakte a thim hna. Cucaah, ka ruahmi cu 2016 ah teinak a hmuh hi, US Supreme Court ah Conservative judges thimtu ding ah Pathian nih a remruatmi a si kho i, 2020 election ah a sungh tthan hi US le vawleipi caah Pathian remruat thiammi a si ko lai ka ti. Credit: Zasang Cinzah