Trump Hi A Mak Lawlaw, Vawlei Daihnak Bawi Taktak A Si

Trump Hi A Mak Lawlaw, Vulei deihnak bawi taktak a si. Vulei pi dai tein a chiah khotu le ramkhat le ramkhat remnak serkho tu bik cu Pathian thimmi pa Donald J.Trump hi a si. Atu zongah Morocco le Isreal cu ramhnih karlak remlonak chung in remnak bawi Jesuh chuahlai thengteah a remter khawh hna. Hitluk vulei cung President tha hi kanmit in kan hmu bal rih lo, Obama chanlio he cun Hellram le Vanram bantuk an si ka ti. A hohmanh nih an ti lo keimah nih ka ti. Thatlonak a huatu le thilthup a hmu kho pa a si.

Tuzing Thawngpang; Tlawmpal long ka tial rih lai ka vun pehthan te lai. State 19 nih Supreme court justice ah an chuahpimi tazacuainak cu hmaipanh te in an cohlan. Cohlan cangmi cungah 90% cu I ruahchih a si cang. Trump nih Supreme court biaceihtu a rak thimmi hna minung pathum nih hmaipanh te in an don cang. Mike Pence cu ai lunghmui kho tuk cang.Pathian nih Texas thluachuah ko seh a ti. Kha tuzing cu Wisconsin ah zapi theih in lih vote an chimmi pathum te in kan chimh hmanh hna lai. Kum 3 hngakchia pa te nih Joe Biden cu vote a pek. Zeitin dah hi kumthum pa te nih vote hi a vathlak a nu le pa nih an zulh fawn lo.

Pahnihnak, Germany tarnu september hlan te ah a thi cangmi nih vote a thlak, Joe Biden. Hi nu hi mirang holh a thiam tilo an ti. A zawtnak in a sau ngaicang, sizung I mahtluk a zawmi nih zeitin dah mail in vote nak hi a tuah khawh tiah a chung le an khuaruah a har. 3. Mithi cia tarnu nih vote a thlak a thihnak in thla 14 a si cang. Muithla nih computer an ngeive ko rua. Joe Biden a vote.

Joe Biden Caah Thawngchia Taktak A Chap Chin Lengmang Ko Cang. US THIMNAK: Republican pine (19) vs Democrat pine (24). Texas nih taza a cuaimi cu Republican pine (18) nih an dirpi. Atu tan tazacuainak ah aa tel lomi Republican pine hna cu Idaho, Alaska, Wyoming, New Hampshire, le Kentucky an si. Alaska governor nih cun Supreme Court nih ni a tukmi aa naih tuk caah state attorney general nih ca a tuah manh lo a ti. Supreme Court nih December 14 hlan ah biakhiahnak a tuah ko lai tiah ka zumh. Cu a biakhiahmi zoh in bia kan leh te lai a ti.

Republican Ohio Attorney General Dave Yost tu cu zei lei hmanh ah a ttang lo. Phunghram ning tein Supreme Court nih election results kha siloin state legislature pawl tu kha teitu a thimter awk a si a ti. Idaho pine Attorney General Lawrence Wasden tu nih cun kan nih cu khua zei lei hmanh ah kan i tel lai lo a ti. Texas nih taza a cuaimi cu Republican house representative minung (106) zong nih an dirpi ve. Khattelei ah, Georgia, Michigan, Pennsylvania le Wisconsin cu Democrat pine (20) le peng (2) nih an dirpi ve. Democrat pine hna lakah Iowa pine pakhat lawnglawng hi aa tel lomi a si.

Trump campaign le Missouri, Arkansas, Louisiana, Mississippi, South Carolina, le Utah pine hna nih cun Texas nih taza a cuaimi hi Supreme Court nih dirpi ko ti in ca an ttial. Hi kap hnih pine hna nih an buaipi bikmi cu: “Phunghampi nih hin pine biaceihnak zung hna le pine bawi hna nih Phunghrampi hi an thleng khawhnak nawl a onh hna maw?” ti hi a si. Hitihin Phunghrampi an thlen ruangah 2020 thimnak hi a buainak a si an ti. Democratic attorneys general association nih cun Phunghrampi cu pine biaceihnak zung hna le pine phungsertu hna nih thlennak nawl an ngei lo, asinain CCP (Chinese Communist Party) virus asiloah (covid-19) ruangah mah lung hngalh tein kan thlenmi a si an ti. Supreme Court nih cun zeitindah a ti te hna lai ti cu thlacamnak he hngak cio ko hna u si.

Michigan phungsertu nih Dominion CEO kha Biaceihnak zung ah a auh. Antrim county ah Trump mee 6000 kha Biden leiah an ttialmi kong rak fianter dingah mee relnak Dominion CEO a auhmi cu a rak chuak duh lo. Cucaah a voihnihnak an auh tthan i a rak chuah than lo ahcun dantat ding in nawl ka chuah lai a ti.

President tthutnak Biden pek an timhmi cu khap a si cang. President tthutnak pek ding in timhlamhtu minung (6) ummi committe meeting ah Biden kha president tthutnak pek ding in Democrat lei nih an chuahpimi cu Republican lei minung (3) nih an duh lo caah Biden cu president ttuan dawh a si ti lo rua. Electoral College cio nih mee an pek dih hlan ah cucu thuah phung a si lo tiah Republican lei nih an ti.

Tuzarh Nilini (Kawl ram ca ah cun tuzan) thok in US Supreme Court nih Texas ti ho in pine (17) nih Pennsylvania, Michigan, Georgia le Wisconsin taza an cuaimi hna cu an ceih cang lai. Pine (4) le pine (17) taza an i cuainak ah hin aho te nih dah an tei te lai tiah nang na zumh?

Trump ca ah a fiang tukmi teinak lam: Texas pine nih Georgia, Pennsylvania, Michigan le Wisconsin pine pawl taza a cuai hna. US Supreme Court ah hin fawitebai in phak khawh a si lo. Zaran tazacuainak cu peng biaceihnak zung in pine biaceinak zung, cun pine biaceihnak zung in US Supreme Court ti in a dotdot in kai a herh. Cucaah Trump sihne pawl zong US Supreme Court ah direct in phan khawh colh loin pine biaceih zung ah an hel peng nak a si.
Sihmanhsehlaw US Supreme Court ah direct in phak khawh colh nak lam pakhat a um. Cucu state pakhak khat i a bia ceihpiak a herh tikah a si. Cucaah Trump nih zokzok in teinak a hmuh colh khawh nakhnga Texas pine nih Georgia, Pennsylvania, Michigan le Wisconsin pine pawl taza a cuai hna.

Cucaah US Supreme Court nih cucu a cohlan colh i Georgia, Pennsylvania, Michigan le Wisconsin pine hna kha i kilvennak ca a tialter hna i an bia cu tu zarh Nilini ah ceih a timh. Hi Texas pine nih taza a cuainak hna hi theih a fawimite a si ko. Mee deu tbk, mee firmi tbk le mee relnak seh tbk zeihmanh aa tel lo. Sihmanhsehlaw hi taza a cuainak hna hi Democrat pawl nih an leh duh baklomi le an leh khawh bak lomi an si. Cu hna cu zeidah an si kan hun zok tti hna lai. (A tangah ka taarmi video clip ah Texas pine Attroney General Ken Paxton nih a chimmi le ca dang cherhchan in hi ca hi ka ttial.)

(1) Electoral college clause; Article II, section 2 ahcun pine phungsertu hna (state legislatures) lawnglawng nih electoral college hna zulh awk phunglam kha an ser lai,” ti a si. Sihmanhsehlaw Georgia, Pennsylvania, Michigan le Wisconsin ahcun biaceihtu ( judges) hna le bawi pawl tu nih electoral college zulh awk phunglam kha an ser. Hihi anmah nih tuahnak nawl an ngei lo. Cun cakuat in mee thlak a duhmi nih cun a MINTHUT he sawknak caa ttial hmasa lai. Cuticun cakuat in mee a thlakmi cung ah min a thutmi le sawknak ca ah min a thutmi kha an chek ding a si. Sihmansehlaw hi state pali ah kha bantuk in cakuatnak zung in a rami mee cung i minthut hna kha an chek hna lo. 2016 lio zong ah cakuat in a rami mee 750,000 cu an rak hlawt bal cang tiah ABC news nih a ti. Pennsylvania ah hin 2016 ah siseh, 2018 zongah siseh cakuat in a rami mee tampi an rak hlawnh bal cang.

(2) Equal Protection Clause; 2000 kum thimnak (Bush v. Gore) lio ah a voi 14nk phunghram an remhmi (14th Amendment) ah “mee kilvennak phunghram aa khatmi hman cio ding” timi a um. Sihmanhsehlaw 2020 thimnak ah cun hi pine pali nih hin hawi dang pine hna he a khat lomi phung an i ser. County pakhat le pakhat zong an phung an i khat lo.

(3) Remedy in the lawsuit; Texas pine nih cun US Supreme Court kha cu pine pali ah thimmi (electors) pawl kha pine phungsertu (state legislatures) hna tu nih thimter rih ding in ca a ttial. Kum 1892 lio ah McPherson le Blacker cu president tthutnak an rak i cuh. Cu kum ah cun mee aa ningcang lomi a um caah pine pumpi ah mee tam deuh a hmumi (popular votes) kha zoh lo in mee thlaknak peng (electoral district) ah teitu a hmutu kha zoh in teitu cu an rak thim. Cu bantuk in hi tazacuainak zong hi damter ve ding in Texas pine nih Supreme Court ah ca a ttial. A cungah ka langhtermi thil pathum hi US phunghrampi kal ning taktak cu a si. Cucaah Texas pine nih a chauhpimi hi Supreme Court ah cun teinak hmuh dawh a si ko. Atu ah cun Louisiana pine zong nih Texas leiah ttang in Georgia, Pennsylvania, Michigan le Wisconsin kha taza cuai a timh ve hna.

Atu ah Trump sihne Giuliani cu zaw ko hmanh sehlaw, Trump legal cu 2000 kum ah George W. Bush zong teinak a rak hmuhpiaktu sihne a thiam taktakmi Ted Cruz hruainak in tuzarh Nilini ah US ram ah a sang bikmi Supreme Court ah an hun phan ve lai. Cun Texas le Louisiana pine pahnih zong tuzarh Nilini yhiamthiam ah Supreme Court ah an rak phan ve lai. Supreme Court ah an i tong dih cang hna lai. Trump nih cun, “Tuhnu ni hnih/thum ah thil lianngan a cang lai,” a ti. Cucu zeidah a si hnga? Trump nih, “2020 zong ah Trump uknak (Trumpist Administration) a ra than lai,” a timi kha na zum maw? Kei cu Trump nih teinak a hmuh dingmi hi a fiang chin thluahmah cang ko tiah ka ruah. Credit; Rev. Biak Lian Vel