Trump Caah Van Ai Aawng Chin Lengmang Cang Lai

Trump Caah Van Aiawng Cang lai. Pakhatnak ah Trump dirkamtu caah cun kan nihlawng a chuak ko cang an tuhmi thei cu zunawk a hmin cang kan ti khawh. Michigan ah cun vote an relthanmi ah adik lomi , tamtuk an hmuh cang I Trump nih tamtuk in a teithan kho, Wisconsin zong Dominion seh cu zohthan a si ruangah, a dik lomi tamtuk an hmuh cang caah state 6 cu a dihlak zohthan a ai cang lai. 2020 Census kha zohchih a si cang lai. 2020 milu relnak an rak kan tuahtermi kha a fiannak caah.

Kha News hi rakrel cio tuah u. Democratic le tangpawl nih nan tialmi hi lih longte, phuacawpmi nan ti ti fawn. Joe Biden te caah cun ruahchannak lam a um ti.lo man tikhawh. An tuh bantuk an vun taktak cang lai. Democratic caah an hmailei lam mim a cim canglai. Georgia cu tha taktak in zoh a sirhan cang lai. Mining pa zeizat dah dinhter an ai rak zoh chih. Trump caah cu van a dirthan cang lai. Ka hawi le katheihmi thawngpang rang taktak in Democratic party nakin a let rangin kan thanh lengmang hna lai. Ithimnak a dih hlan cu.

Relchap a duh mi caah, Georgia pine pumpi i mee cung minthutmi an chek cang lai. Georgia pine secretary Brad Raffensperger nih Georgia pine pumpi i mee vialte cu minthut chek ding in December 17 ah thawng a thanh. Cu minthut cu University of Georgia’s School of Public and International Affairs he tin an chek lai. Cu hlan ah cun a pathumnak mi an chah biknak Cobb County i mee cheukhat lawng kha minthut a chekter hna. Amah hi ziknawh 106 million a ei ti in a min a thang. Georgia cu Republican pine a si i pine secretary le governor zong Republican an si. Asinain mee ningcang lo in an tuah tiah Republican a tanhmi hna nih an puh hna i 2021 January 5 i senate thimnak zong mee thlak lo ding tiang in aa forhfialmi zong an um ti a si.

Cucaah Georgia pine thimnak hi hmailei ah mipi nih an zumh nakhnga minthut cu a chekter hna nak a si. December 5 ah Trump nih, “Georgia governor le secretary nih minthut an chekter hna ahcun Georgia ah fawi tein teinak ka muh ko lai. Hi Republican pahnih nih zeicadah cucu an duh hnga lo,” tiah Tweeter ah ca a taar. Cu cangka cun governor Brain Kemp nih, “Minthut chek ding in voi thum tiang (Nov. 20, 24, Dec. 3) ka chim cang,” tiah a leh colh. Nizan nai ah Georgia i mee aa ningcang lomi ka hmuh tiah biathli a chimtu minung (3) cu an rian in phuah an tong. Pakhat nu cu mee relnak ah kum (20) tiang rian a ttuan cangmi a si. Cakuat in a rami, aa bilnak zong a um lomi mee hna cu an thar tuk, 98% cu Biden ta lawngte an si a titu a si. A dang pakhat cu kum (7) tiang mee relnak ah rian a ttuan cangmi a si i Fulton county warehouse hi ttha in an kilveng lo.

Mi pakhatkhat nih a thli in mee deu an print khawh ko. Experience a ngeimi tu siloin zeihngallomi mino tete tu kha mee relnak ah rian an pek hna a titu a si. Hi Georgia pine Fulton County ah Nov. 3 zan ah mi vialte an ttinter dih hnu ah minung (4) an taang i suimilam (2) chung a thli in mee an relmi CCTV in an tlaihmi kha cu nan rak hmuh cio ko lai dah ka ti. Georgia ah Biden nih mee 11,977 in teinak a hmuh. Atu ah cun hi pine county (196) ah mee cung minthutmi an chek cang lai. Pine secretary nih cun minthut kan chek zongah November i a sining te in a si tthan ko lai tiah a ti. Trump nih cun minthut an chek ahcun fawite in ka tei ko lai a ti. Aho chimmi dek a dik deuh hnga?

Trump nih veto nawlngeihnak hmang in Defense Bill chuah a timh cang. 2018 thimnak ah ram dang lei in US thimnak ah an rak i thlak caah Trump nih Defense Bill a rak chuah bal cang. Sihne Sidney Powell zong nih cu bantuk veto nawlngeihnak cu Trump nih atu ah a hmang a herh than cang tiah atu le atu a chim. (Defense Bill cu ram kilhhimnak ca ah hmanmi phaisa ti a si.) Atu cu Trump nih cucu hman taktak a timh cang. Tweeter ah, “Miphun humhimnak Defense Bill ka chuah lai. Tuluk cu aa nuam lai lo. An duhmi pei a si cu,” tiah a taar.

Cozah sungtthok (National Intelligence) nih atu tan thimnak kong an chekhlat tikah president nih hi veto nawlngeihnak hi a chuah a herh ko cang an ti caah Trump nih hitin a tinak a si. Sungtthok lutlaitu nih cun December (18) ah an chekhlatmi report pek ding a si nain an liim khawh rih lo caah min a thu rih lo. “Kan chekhlatmi kan liim cikcek tik lawng in min ka thut te lai,” tiah sungtthok lutlaitu nih cun a ti. 2000 kum thimnak ah hin Tuluk aa thlak ko timi hi tuan tein Sidney Powell nih cun a rak hmuhchuah cang. Mee relnak Dominion seh a ngeitu hi Venezuela mi a si ko nain Dominion manager cu Andy Hung timi Tuluk mi a si. Hi pa hi Tuluk ralkap sungtthok a tuan balmi a si. Hi pa rian a tuannak US ah hram a bunhmi Telecom company zong kan hnu kum khat/hnih ah US humhimnak a hnursuan ti in an rak hrawhter cang hna.

Tuluk nih cun Trump nih president a peh ttham ding hi an duh lo ngaingai. Cucaah 2020 kum thimnak ah Trump sunghter le an hawipa Biden teiter an i zuam. Atu tiang ah cun mee relnak Dominion seh hi hmun hnih hrawn lawng ah biatak tein an chekter hna. Ni zan nai ah Michigan pine Antrim county ah Dominion seh nih mee a relmi an chektermi ah cun hi seh nih mee a rel ning hi 68.05% a palh kho ti an hmuh. Hi seh audit a tuahtu hna cu kilhimnak lei rianttuantu mibu pakhat (Allied Security Operations Group) a si i ralkap (military), a thlithup ngiathlaitu (Secret Service), sungtthak (intelligence), van lei thil–arfi, thlapa tbk hlathlaitu (NASA), le a dangdang hmun kip i mithiamsang tampi an i tel tiah CBN news nih a ti.

Cucaah Amistad Project of the non-profit Thomas More Society nih cun aathuimi pine i mee relnak Dominion seh pawl i data pawl cu hloh lo ding in a chimh hna. Trump nih veto nawlngeihnak a hman lo ahcun hi mee relnak seh pawl hi an dihlak in chek an sianh hna lai lo. Cucaah Trump nih veto nawlngeihnak a hman a herh. Hi mee relnak seh a chekhlat cuahmah i taza a cuaitu Sidney Powell hmanh kha a lingtelet in tazacuai an timh ve cang. Cucaah Trump nih veto nawlngeihnak a hman taktak ahcun zeidah a cang lai ti hngak rih ko hna u si. American president Abraham Lincoln zong kha cakuatnak in a rami mee in ningcanglo in thlak an rak timh bal ve. Cucaah veto nawlngeihnak a rak hman bal ve ti a si. Trump zong hi Abraham Lincoln a lo chin thluahmah ve cang ko hi.