Trump Caah Thawngpang Tha Tuk Pakhat, Trump Sihni Pawl Nih Zei Bia Dah An Chim Than Cang

Tuzing Thawngpang Tawi. Covid_19 khamkho tu sii, Vaccine cu state 50 chung cu phatzamh a si cang. Trump Sihni pawl nih kan I zuam cuahmah teinak kan hmuh lai an ti. Trump nih dohnak a hram kan awtka te long a si rih a ti. Thildik te in vote zoh ah cun fawituk in kan tei hna a ti. Keimah caah president ka tuan lo, ka miphun le ka ram caah ka nihlawh laklo tiangin ka dawt. Atuzong zeitik hmanhah ka ram le miphun, mipi vialte caah hnu kan tawn lailo I, lih ithimnak zong kan cohlan lailo a ti cang. An tang zong kan kum fawn lai lo.

USA cazah kan bia lo I, Pathian longlong kan Biak. USA ramah dinfelnak hmailei a kal khawhnak ding caah cun a herhmi kan tuahte ko lai. Mi pakhat hmanhhi USA ramfa a simi an biapi dih. An vote nanhlonh kholo I, nanhrawk kho lo. Atu bantuk lih hnu kan tawnpiak hna ah cun hmailei kan ram caah a tha lailo. USA Supreme court justice cu duh anung nak zeihmanh a um lo. Georgia ah vote minthutmi Governor Kemp nih zoh sehlaw fawi tuk in teinak kan co kohnga.

Supreme court nih Texas tazacuainak cu an hnawn ruangah a dih naisai lo. Caan tamtuk lam tamtuk a um. Thildik le thiltha kan kawl lio. Hnu tawn kan I tim lo. Tulio zawtnak sii cu state dihlak hmanhkho dingin min kathut cang nan caah khuaruah har tiang khamthotu sii sihram seh. Sii long damnak a si lo, damnak tak cu Pathian sinah a um.
Merry Christmas lawmhnak deihnak nan cung um ko seh. Credit: Joseph Thawng Z Ting

Hi thawngpang zong relchap khawh a si. President-elect Biden le a Vice President-elect Harris cu The Time nih “Person of the Year” a pek hna ni bakah Minthang German news magazine Der Spiegel zong nih Thursday ah khan Trump cu ‘Loser of the Year’ a pek ve, tiah theih a si. An tlangtlar mi hi German holh in ‘Der Verlierer des Jahres’ ti a si i, a sullam cu “The Lose of the Year” tinak a si. “Trump hi zeitik hmanah ah zapi ca i thiltha a tanh lo tu, pakhat te lawng a tanh zungzal tu a si – cucu amah zawnlawng hi a si” tiin magazine an chuahnak Washington ah bureau chief Roland Nelles le Berline-based correspondent Ralf Neukirch nih an chim.

“Trump kuttang ah cun zeihmanh hi punghman, ti a um kho lo. Sunghmi ai a cohlang (admit) duh lo. Tehte pakhat hmanh a um lo bu ko zong ah cun, ‘Electoral ah dehhlennak a tomtom in a um’ a ti tualmal lehlam rih. Hi a sining vialte hi khuaruahhar awk a um lem lo. A president sinak cu ai thok ning bantuktein khan zoh ai remnak le teihkhaa (dignity) pakhat hmanh um lo tein a dong ve ko lai,” tiin capar an tial.

News outlet ngan tamdeuh nih cun Biden hi president ah thimmi a si cang, tiin Nov. 7 tein khan an thanh cang ko nain, nihin tiangah Trump nih a lung a thum duh lo i, ‘Democratic pawl nih kan sinin election fir an duh caah vote peknak kongah dehhlennak a tomtom in an tuah’ tiin hrihhram um lo piin tu le tu a chim tualmal peng ko rih.
Election ni thokin khan, election results cohlan duh lo ruangah le vote thlak ning kongkau ah thil ai ningcanglo mi a um, tiin Trump a legal team nih state tampi ah tazacuainak an kalpi. Tehte pakhat hmanh nan hmuh khawh tung lo, tiin biaceihzung pawl nih an tazacuaimi a tamdeuh u cu an hnonpiak cang hna.

The Time nih an tuah tawnmi kum khat chung mi liannganbik thimnak ah Biden le Harris cu Thursday zanlei ah khan an thim hna. An thim hna nak a ruangbik cu, rian an tlaih le cangka US pumpi cuul in a karhtuk cangmi Covid-19 hi ai hmaithlaak colh ding an si. Cun, Harris hi tuanbia chungah African American chungin le South Asian American chungin a hmasabik Vice President a tuan dingmi nu a si caah, a tu bantuk in minthatnak pek hi an sinak a si. Cu ti i The Time nih a pek hna le cangka a tu bantuk in German magazine lei zong nih a capar an tial hi a si.

Germans pawl nih hin Trump hi an uar lo ngai ti a lang. January i the Pew Research Center nih poll a tuah ningah, German minung 4 lakah 3 (asiloah cu nak tamdeuh hmanh an si lai) nih cun American president cungah zumhraihnak an ngei ti lo, ti a si. Cu bantuk thiamthiam cun Sweden, France, Spain, le Netherlands zong an si ve, ti a si.
2016 lio i the Time sinin “Person of the Year” a co hlan ah khan Trump nih co duhnak a rak langhter bal cang. Cu kum cu German Chancellor Angela Merkel ‘Germany chiatchuahtu’ timi min an pek hlan kum a si.“An uar taktakmi ka si ko nain, the Time Magazine nih an “Person of the Year’ caah an ka thim lai lo. Cucu kan chimh ngam bak hna” tiin 2015 lio ah khan Trump nih a tial bal. Credit: Chelsea Bawi