Trump Caah Thawngpang Tha Taktak A Si. Computer Thiammi Tampi Nih Trump Cu An Dirpi Cang!

US Thimnak: Computer Thiammi tampi nih Trump cu an dirpi cang! Trump ca ah cun teinak cu aa nai chin lengmang cang ko. CNN, ABC, CBSN, NBC, MSNBC tbk nih Trump legal team cu an sung, zei hmanh that hnemnak an chuahpi kho lo, ti in ni chiar an chim. Chim len ve ko hna seh. An media a nun nakhnga an chim peng ve pei a herh cu. Atu cu Pennsylvania biaceihnak zung ah Pension a la cangmi Ralbawi Phil Waldron zong nih tehte a khan ve cang. Amah cu Cyber Security Expert a si i thok-hlan-zi le konglam hlathlainak (intelligence le information) ah kum (30) a tuan cangmi a si.
A chimmi cu a tawinak in hitihin a si: “Pennsylvania ah hin mee 1.2 million hi an thlennawn khawh men. Zeicahtiah hi mee relnak seh hi ningcang lo in mee relnak hrimhrim ah an tuahmi a si. Hi mee relnak seh kong hi kan hnu August thla thawk in Ted Cruz he ti in kan rak chekhlat cang.” (Ted Cruz cu 2000 kum thimnak ah Bush le Gore an buaibainak a rak chektu hna lakah aa tel vemi a si.)

Waldron nih cun Cuba ram sungtthok bawi i a fapa kha bia a hal tikah Venezuela ram president hlun Hugo Chevez i a chungkhar hna nih an chimmi kha a rak chimh. Hugo Chevez chungkhar hna nih an chimmi cu: “Mipi kong ah lungrethei ding a si lo, zeicahtiah kan pa nih SGO mee relnak seh a cawk cang,” ti a si. Hugo Chevez hi Venezuela ram ah 1999 in a thih tiang (2013) tiang president a tuanmi a si. Dominion mee relnak seh kha aa cawk i mee a fir lengmang ti a si. Waldron nihcun, “Mee rel ni (Nov. 3) i mee rel an thawkka hrawngah Biden lei ah mee 330,000 hrawng an rawn. Cu hnu ah voi tampi an rawn rih i a zapi ah 600,000 hrawng an rawn.

Trump ca ah cun 3,200 te lawng an rawn. Hihi ni (22) chungah kan hmuhchuahmi a si. Thil dang tampi chekhlai ding a um rih. Keimah le ka team lawng si loin team dang tampi zong nih anmah lungtho tein an hlathlai cuahmah ve. Atu le atu “kan hmuh cang hi” ti in alan an thlir cuahmah,” tiah a chim. Cucaah Trump legal team lawng si loin computer lei thiamsang tampi zong nih Trump lei ah an dir cang ti a lang. Trump ca ah teinak cu a nai chinchin cang. Zarh hnih/khat ah cun a fiang ko lai. Biden mifirpa tu cu a ke ruh a kiak caah boot he atu cu aa chawk ko.

Thawngpang dang relchap ding, Trump Thawngpang Thar Deuh Pawl, 2020 Trump Nih Teinak Puanzar A Thlai Can a ra lio. Trump nih USA mipi 74,000,000 million nih nan ka vote. Hnu kai tawn lailo, keimah caah ka doh hna lailo, nanmah caah ka doh hna lai a ti hna.
USA Citizenship a ngah lomi (Alien) nih Joe Biden an votemi zong kan theih dih cang hna an ti. Mithi cia le minung pakhat nih vui tampi a votemi pawl. Wisconsin nih kan tazacuaimi tehte a um lo tiah an kan hnonpiak nain nihkhatni nihnihni ah cun phungning lo vote an tuahmi fiang kan hmuh chuah, hi bantu thil diklo an dirkamhmi hi khuaruahhar cu an si ko a ti.

Nevada, California le Pennsylvania ah cun vote minthutmi le ID anminthut mi an zohti hna i, Joe Biden an votemi tampi cu a hohmanh an (pekmi vote) ti ko usih. An um lo Joe Biden pakhat long an thim i a dang cu a long in an chiah dih. Joe Biden pakhat zawnte long an zah an ti. Lih votemi cu an hmuh chuah taktak cang. Catlap pakhatah Joe Biden long vote an pek i min an thut. Cun minthut zong ai lomi longte 100, ti bantu cun a tam deuh ti bantuk in an um hna an ti. Cun vote thlaknak caah Register an tuahmi address cu Post Office hi a tam taktak an ti cucu an hmuh chuahtharmi a si. Tutan thimnakah hin Post Office hi biatak tein an rak cawlcang ve ti an hmuh. Inn ngeilo a tuahpiak tu mi tampi an theihchih cang hna, Cun an zohchihmi cu barcode an zoh fel chih cang.

Trump nih phungning te in teinak cu aco lai an ti cang. Tutan thimnakah Democratic cawlcanh cu mihrut cawlcanh, firhmang le lih chim cawlcanh a si caah phunghrampi nih Trump teinak apek lai an ti cang. Kazohrelmi hi mi tlawmte tialmi a si lo, mi tampi an chim relmi dihlak fonh in ka tialmi asi. Na zoh duhve a siah cun Twitter ah lutve cun Facebook le washington post ti bantuk an tialmi a dikmi kha zohve te. Anmah le an state cozah officer tialmi hna kha relve te. Trump nih taza acuaimi pawl zong an hnawnpiakmi atampi nain a tu cu a thar in atuahthan rih , a hmuhmi tehte tha he hmai an kal caah state cheukhat caah cun tihnung a si cang an ti. Cun Trump vote an hlonhpiak hna nih a hlawnhtu minung tampi nih cuti cun nan tuah lai an kan ti i, kantuah a timi tehte tha he an dir cang caah, Joe Biden caah cun ruahchanawk zei a um ti lo.

Joe Biden atanhmi pawl le thil atuahtu pawl hi khuachia tiah an ti hna, keimah timi a si lo. Joe Biden nih sianginn kainak leiba a ngeimi ngeihthiam nan si lai tiah, a rak lem soi hna i, leiba tampi angeimi nih cucu an duh ruangah Joe Biden cu Vote an pek. Atu cu hi bia hi a ho nihdah hi leiba hi a chamthan lai, Joe Biden nih a chan than lai. Cozah phaisa a hmang kho lailo i, ngeihthiam khawh asi lailo tiah an ti cang. Cucu Joe Biden nih an chim sual an ti cang caah zeidah alawh te lai, ai fiang lomi bia cu a si rih. Arizona State cu mipi hmuhbak in an lihnak kan pholang lai an ti cucu a tinung taktakmi a si. Mizapi nih Democratic hi an zum ti hna lailo caah an party hi hmailei zeidah a cang kho cucu an caah tihnung a si cang lai. Credit: Joseph Thawng Z Ting

Relchap ding thawngpang dang, Election Thawngpang Pehtawnh, Nihin Arizona I mipi theih in election lio Democratic an cawlcanh an chimmi cu a mak. Cu lakah pakhat cu Trump vote lawnhnak caah cabuai an sermi nih ka khuaruah a ka har ter. Joe i vote cu an tian hna I relnakah an chiah, Trump vote tu cu hlawngnak cawbawi tangah an chiah zapi hmuh lo dingin minu pakhat nih ka hmuhmi hi atlawmbik la Lawi hlanah thongkul tenglo a si lai a ti.

Cun Georgia state ah vote relnak seh cu Reset kan tuah lai an ti hna, Democratic party nih a sullam cu vote kan fiarmi le Trump vote Biden lei kan thialmi hmu hna hlahseh ti khi a si ko. Na phone kha reset na tuah ah cun a chung ummi a hlawnh dih bantuk in tuah an duh. Trump lawyers nu nih computer a thiam bakmi ai hlan hna I a tuhi an kawl lio cucu Democratic nih an tih bikmi cu a si. Vote relnak seh reset nan tuah kho lo, a herhmi zoh kan duh caah an ti hna. Trump lawyers hna nih.

Tampi thawngpang a um mirang holh hi kathiam lotuk I ka letthlu kho lo, nikhat chungbak an hmuhmi an chimmi a tampi lakah pahnih te long ka tial rih lai. Kan tei hrimhrim hna lai. Kan tei lo le an kan tei ko lai. Teinak cu a ra lio, kei cu Lehmah pakhat hmanh kaithawn kho lo hmaiah ka kal peng. Credit: Joseph Thawng Z Ting

Relchap ding thawngpang dang, Google nih thimnak ni (Nov. 3) ah mee 6 million renglo kha Biden lei ah a thial. Milwaukee ah thimnak ni ah mee tlami an tam tuk i mee thla khomi milu nak tam 105% nih mee an thlak. Georgia ah mee relnak seh reset tuah an timhmi an khap hna. Trump legal team nih an pheomi Sidney Powell cu amah te in fund a kawl i computer a thiam taktak mi hna he an cawlcaang cuahmah ve. Powell hi mi menmai a si lo. Nai te ah Trump nih a ngaihthiammi Flynn kha FBI rap chung in a chanhchuahtu cu amah hi a si.

Georgia ah mee relnak seh in voi (4) bak suimilam tlawmte chungah Biden mee van tawng in a kaimi kha a hmuh khawh cang. Cucu nawlngeitu hna nih an theih tikah a rannak in cu mee relnak seh cu November 30 ah reset an tuahter hna. Reset tuah timi cu company nih a serning in chiah kha si. Tahchunnak ah, na phone kha reset na tuah ahcun na phone chung ah a ummi thil (data) vialte an tlau dih lai i na phone cu na cawkka bantuk a thar palek sining, a chungah zeihmaha um lomi, sining ah a phan than lai.

Nawl ngeitu hna cu a thin phan lo awk hrim a tha lo. Hihi Powell nih biaceihnak zung ah a chuahpi ahcun Georgia ah Trump nih teinak a hmuh hrimhrim lai. Hihi upadi a thiammi hna nih teinak lam an timi a si. Hi kong hi a hnu ah tling deuh in ka tial te lai. Reset tuahter an timhmi cu an theih manh hna caah biaceihnak zung nih an khap hna. Sidney Powell nih taza a cuaimi cu December 4 ah bia an ceihpiak te lai. Hihi mi tampi nih a hnabeiseimi a si. “Ka tuah khawh lo dingmi ka chim bal lo,” tiah Powell nih cu atu le atu a chim lengmang. Kei zong nih hi nu hi ka zumh ngai ve. A hnu ah hin mirum tampi nih phaisa he an dirpi. Teinak a hmuh nakhnga a ca ah thlacampiak hna u si.

Biden nih Thimnak Tahfung Vialte Lonh in Teinak a Hmuhmi hi a Si Kho Lomi a Si! Atu lio ah J. B. Shurk nih a tialmi 5 More Ways Joe Biden Magically Outperformed Election Norms timi capar hi a laar ngaingai i media tampi nih an chim cio mi a si. Cucu a tang ah ka taarmi video le cu capar zoh chih in a tawinak in ka tial. Joe Biden nih teinak a hmuhmi hi zumh a har ngaingai. 2012 ah Barack Obama nih a hmuhmi nak in mee 15 million renglo tam deuh a hmuhmi ah si seh, 2016 ah Hillary Clinton nih khua pi kip ah mee a hmuhmi mee nakin tlawm deuh a hmuh ko nain Georgia, Michigan, Wisconsin, le Pennsylvania ah a teimi ah si seh, Democrat lei nih house le state legislature ah thutdan tampi an sungh lio ah amah vial nih teinak a hmuhmi ah si seh khuaruat khomi ca ah cun zumh a har hringhran ko. Cucaah 2020 thimnak ah Biden nih teinak a hmuh timi hi a si khomi a si maw? Kan zohti hna lai.

1. Mee 80 Million a Hmuhmi Hi Zumh a Har ko. Media hna nih Biden nih mee 80 million a hmuh tiah thawng an thanh. Sihmanhsehlaw Obama nih 2008 ah mee 69.5 million, 2012 ah mee 65.9 million lawng a hmuh. Hilliary Clinton nih 2016 ah mee 65 million a hmuh. Biden hi Obama le Clinton nakin maw a laar deuh? Cun atu tiang ah Trump nih mee 74 million hrawng a hmuh cang i 2016 thimnak i a hmuhmi nakin mee 10 million renglo a hlei in a hmuh chap. Cucu US ram ah president a tuan liomi hna nih a term hnihnak thimnak ah an hmuhmi lakah a tambikmi a si. Cucaah Trump nih hi tluk mee tampi a hmuh ko na bu ah Biden nih a tei rih mi hi milung a hrin lo awk hrim a tha lo.

2. Teinak a Chuahtertu (bellwether) County Tam Deuh ah a Sung Ko nain Teinak a Hmuh Thiamthiammi Hi Zumh a Har Ko. Ohio state le Florida state ah teinak a hmumi nih president a tuan lai tiah a luan ciami kum (60) chung cu ruahdamh khawh a si tawn ko nain cu state pahnih ah–Ohio ah 8 point, Florida ah 3 point nak tam in–a sung ko nain zeitindah Biden nih teinak a hmuh khawh hnga? Hi bantuk hi 1960 ah Mafia nih fimzer ngai in an rak bawmh ruang ah John F. Kennedy nih Richard Nixon a rak tei tan lawng ah a rak um bal.

Cun US ram pumpi ah hin a luan ciami kum (40) chung ah aho dah president a tuan lai timi a langhter kho tu county ngan bik (19) an um tiah The Wall Street Journal le The Epoch Times nih an ti. Cu hna lakah county (18) ah hin Trump nih buaktlak in 16 points in teinak a hmuh i Clallam county lawng ah a sung. Cu Clallam county pakhat te ah cun Biden nih 3 points hrawng lawng in teinak a hmuh ti a si. Cun a kau deuh in kan lak ahcun county (58) nih hin president a chuak dingmi a thluamthlam hi an langhter tawn ti a si. Cu a biapi tukmi county (58) chung ah county (51) ah hin Trump nih buaktlak in 15 point in teinak a hmuh. Biden nih cun county (7) te lawng ah 4 point in teinak a hmuh. Cucaah Biden nih Trump a tei ti hi khuaruat deuhmi nih cun zumh a har ko.

3 Hilliary Clinton hnu hmanh phan kho lo in Bawh le Ceh in a Dawi ko nain Thimmi Khua Tlawmpal ah Teinak a Hmuhmi hi Zumh a Har Ko. US ram a hriang lei kap ah a ummi khuapi hna, Democrat nih tei tawnmi state hna, ah Clinton tluk hmanh in teinak a hmu kho lo nain Democrat nih ukmi Milwaukee, Detroit, Atlanta le Philadelphia tbk khat lei khat lei ah aa thui tawnmi state vial ah cun teinak tor le cheng in a hmuh khawhmi hi cohlan a har ko. Hi state hna ah hin mee a thla khomi milu nakin mee an thlakmi a tam deuh ti a si. Cucaah Biden nihteinak a hmuhmi hi cohlanpiak a har ko.

4. Hmun dangdang ah Democrat pawl an sungh tuk lio ah Biden nih mangtara in teinak a hmuhmi hi cohlan a har ko. Amah lei party nih house ah thutnak an hmuh cuahmah lio ah, president tuan lio ah a sungmi cu Trump lawng a si lai. 2020 thimnak ni ah The Cook Political Report le The New York Times nih house thutnak (27) cu aho lei nih dah a co te lai ti hngalh a si rih lo an ti. Sihmanhsehlaw atu ah cun cu thutdan (27) a dihlak in Republican lei nih laak dih dawh in a um. Republican lei nih New Hampshire ah house he senate hi an ziah put i state kip ah legislature hmunhma an laak cuahmah lio ah Democrat lei nih cun zei state pakhat te taktak hmanh ah house thutdan a za tein an ziah khawhmi a um lo. Democrat lei campaign hruaitu nu Christina Polizzi hmanh nih, “Trump hi Republican legislature pawl a cawisangtu a si,” a ti. Cucaah Biden nih Republican lei vialte a cawiangtu Trump a teimi hi cohlan a har ko.

5. Primary vote tam deuh a hmutu Trump cu Biden nih a tei ti hi zumh a har ko. Kha hlan ah cun primary vote tam deuh a hmumi nih president an tuan deuh ngawt tiah Political analyst David Chapman nih thmnak hlan ah historical fact pathum a langhtermi a um. Pakhatnak, primary vote 75% a hmu kho tu president a tuan liomi aho hmanh an sung bal lo. Pahnihnak, Trump nih primary vote 95% a hmuh. Cucu president a tuan liomi nih an rak hmuh khawhmi a tam cemmi pali lak ah aa tel ve. A ngaingai ti ahcun, Dwight Eisenhower, Nixon, Clinton, le Obama nih an rak hmuhmi nak hmanh in Trump nih tam deuh a hmuh. 1912 hnu ah primary vote 90% cung a hmumi (5) hna lakah Trump hi aa tel vemi a si. Trump nih minority vote 27% hmanh a hmuh khawh rih ti a si. Cucu 2016 lio i minority vote a hmuhni nak in a let in a tm deuh.

Pathumnak, 2020 thimnak ni bak ah Trump kha mee pe ding in 18 million bak an rak chuakmi hi record pakhat a si. Bill Clinton lio ah 9 million lawng an rak chuak. Trump i zatceu lawng an si. Cucaah Biden nih Trump a tei timi hi Thimnak tahfung pawl a lonh tuk caah a si kho lomi a si. Khua a ruat kho deuhmi nih cun cohlanpiak a har hringhran ko. Rev. Biak Lian Vel