Trump Caah Thawngchia Taktak A Si. A Ruahchantuk Mi A Tling Kho Lo

TIME nih tu kum 2020 caah Joe Biden le Kamala Harris cu PERSON of the YEAR minthatnak a pek hna. Mi cheu nih zeihmanh an tuah-áš­uan mi um rih lo mi ah tiin a soisel mi tampi an um ve. President Trump pek ding asi ati zong an um i Dr. Anthony Faucci or viruses lak ah Essential Workers pakhat-khat zong peng ding mi nan hngal rumro lo maw tiah a ti mi zong an tampi ve. Nang zeitin na hmuh ve ning? A tanglei ah hin Trump an pek te men lai tiah an i ruahchannak kong an vun langhtermi a si.

Thawngpang Thar; Time Magazine nih kumkhat chungah minung uarbik kan ti lai cu, a larbik thil tikhobik, mining a hruai khobik ti mi cu Trump an thim cang. Cun election kongah biatak chuah in an tang cuahmah, state pa 6 Chung vote diklo cu hmuhchuahnak lam an kawl cuahmah. Democratic pawl nih tha taktak in lih hrawkhrawl in mithiam tampi he Trump teinak lam an rak kawl .Anmak cinh, An za ve taktak, boxing sisehlaw an hmai an I veng bak ve.

Cu lioah Republican party zong an mak lawlaw ve, Democratic nih boxing ithonh lio an hmai an I even bantuk in an I ven lioah, Republican nih a siar lei an biangah an thuat hna. An vun kun pah ahkhin an lubik bakah an thonh rih hna, an lung a mit an tluk lo longlong a tang cang an ha cu a him ko. Republican party hi an thiam taktak. Republican zong nih khawika zawn kan khen ti ai hngal ve rihlo, an mawh lo Democratic party pawl iphet pei maw an thiam tuk ve cu.

Thawngpang Tawi. Nihinah kan President Trump nih Covid-19 khamkhotu sii cu zapi chunhkhawhnak min a thut cang. Vuleicung mi vialte hlanah USA minung hi a pakhatnak pek an si lai a ti. Texas State nih phungbuar pawl state pa 4 cu Supreme Court ah a chuahpi cang hna, Georgia, Michigan, Wisconsin le Pennsylvania. Trump nih a chimmi cu caan raulo te ah thil liangngan nan hmuh lai a ti. Hihi President Nawl ngeihnak sangbik a hman khawh ko tiah USA ralkap lutlai pawl le USA phunghram zohthiam pawl nih an ti ve. A nawl ngeihnak sangbik a hman zongah sual phawt a si lailo an ti ve. Texas i bochanmi Ted Cruz nih a hruai hna lai i state pa 8 nih kan ni dirpi lai an ti cang. USA Supreme Court luhnak caah. Mipi tampi nih an auhnawh i Ted Cruz cu Pathian nih dirpi ko seh an ti. Pathian nih thluachuah koseh an ti, Jesuh nih umpi koseh tiah an au cang mipi aw cu. A thangchin lengmang ko cang aw.

1. Louisiana, 2. Arkansas, 3. Alabama, 4. Florida, 5. Kentucky, 6. Mississippi, 7. South Carolina, 8. South Dakota le 9.Texas hi hna hi atu hmunkhat a tangtimi cu an si cang. Tutan thil hi ai thawkka te ah ka rak tialmi cu ramchung ral atho kho tiah ka rak tial cang. Culioah mi tampi catial thiam hna nih, Trump a tuanka Democratic pawl au khuang bantuk men a si lai an ti. A tha te ko lai an ti. Kha a tu hi a hram long ai awt rihmi a si i, hinak sangdeuh an phan cang lai. Tuzarh nirukni ah Washington D.C ah Republican part le Trump a dir kamhmi pawl cu mi (thawngzating) ti cu minung a thong a za a ting tinak millions tinak , an i tawng cang hna lai.

Trump dirkamhtu an karh i, hnu kan tawn lailo,hmaiah kan kal lai. 2020 Teinak cu kan co lai an ti cang caah, thil pakhatkhat cu a cang te ko lai.Thildik le USA mipi caah hnu katawn lailo hmai kan kal lai a ti ve cang Trump nih.
January ni 5 ah khin Congress nih cohlanmi president cu phuan asi te lai. Cuhnu zongah thil a pehthanmi buaibainak a chuakve te lai. Ai thupmi thilpawl an lang chin lengmang cang. Dinnak ceu nih muilak lih a lanh cerh. Ruahawk tampi lakah kan dir, zei dirhmundah kan phakte lai kanthei kho rih lo. Republican pawl le Trump nih hnutawn an tim lo caah le a hnuzul mipi nih an aw a sang deuh chinhin caah. Zeidah a cang te lai hngak ko rih usih. Trump nih teinak a co ah cun a dai lai. Trump teinak an peklo a si ah cun ramchung ral a tho kho. Ralkap nih an dirkamh cang caah. Democratic pawl leiah a tangmi hrawkhrawl pawl an tamtuk cang caah thil pakhat khat cu kan hmuh te ko lai.

State pa 6 Michigan, Arizona, Georgia Pennsylvania, Wisconsin le Nevada hna ah vote diklo a um timi le vote fiarmi a tam tuk, vote dikte in cu ka teituk a ti. A dik November 3 zinglei 4am tiangah Trump nih a teituk. Sinain a thaizing vote fiarmi nih Joe Biden cu teinak a pek. Culong hlah, Supreme court justice ah. Vote diklo a um hihi a si tiah Trump sihni hna nih tehte he an dir tikah, an hlawnh piak dih hna. Vui pampi an kalpi than. An lung a dong rih lo, Trump le Republican party le Trump sihni pawl le USA Phunghrampi zohthiam hna nih a dik lomi vote tamtuk a um a ti len hna nain ,State Supreme court nih a cohlan duh lo i, dinfelnak a duh lo a si ah cun tiah. Trump nih ralrinak bia a chim cang. Caan raulo te ah thil Lianngan nan hmuh lai a timi hi a si. Ralkap he naiah tawnnak an ngei cang caah ralkap le mipi nih a dirkamh caah a tuah dingmi a um zongah, atuah te zongah an dirpi ko lai. Credit: Joseph Thawng Z Ting