Trump Caah Ruahchannak A Um Ti Lo, Tiah An Tial. Cucu A Dik Lomi A Si

Khawidah Kan Dir, Catial hi kathiam lo nain catial hi ka lung a chuak ve. Cucu hitin hin chimta ka duh. Laimi cathiam deuh le catial kho deuh pawl nih hin anmah duhnak le hmuhnak le ruahnak deuhin kalpi an kan timhve. Cucu hitin hin ka vunlanhter ve hnik seh. Tutan Election kongah Joe Biden a tanhmi pawl hi catialthiam bochanmi le khuatlang nih, laimi nih bochanmi deuh le khuaza ruatkho deuhah vulei mit in cun catang ngeihah kan ti hna. An catial zohtikah lung a tling lotuk. An biachim zohtikah, cathiamlo le kanmah pawl caah kantha an kan batter chinchin.

Thildik tanhlo in an tanhmi hi thilthalo a uarmi tu khi an tanh hna. Joe Biden an tanhhnawh chan hi hal tuahkhi va sisehlaw zeipipa khi an chimawk a um lai ka zum lo. Ralzam adaw ti hrawnghrang khi a si ko lai. Kawlram abuailio, Lairam ah Rohinya pawl kai an i timh lio kha an catial ka zoh tawn hna i, tulio Trump a huami ko hi an ha a ling.
Trump kan tanhnak hi kan hal ve hna sehlaw, chim cawklo an hmailei zawi cu chimlo an hnulei hmanh in an phor kho lailo, cutluk cun thiltha atuahmi le chimawk kan caah kan ngeive ko hnga. Tanhmi Fialtu thlarau i dan cangah cun a si awk cu a si ve ko e.

Trump caah ruahchannak a um tilo, tiah an tial. Cucu a dik lomi a si. Caan tampi an ngei rih, January ni 6 tiang caan tha tampi an ngei. Supreme Court long teinak a si lo, Rudy Giuliani nih lamdang kan kawl lai a ti. Jenna Ellis le Sidney Powell zong nih lamdang kan kawl cuahmah an ti. Chim duhmi cu a dih naisai rih lo caantha tampi an ngei rih ti hi chim ka duh. Pathian nih lungtakep hmanh ka auter lai a ti kha, catial thiam lomi hna ca kantialve le kan au ve hi Pathian khuakhan a si kho ko.

NEW LAWSUITS! IT’S NOT OVER! a ti. Caan tha tampi a um rih. Pathian nih kan tinhpiakmi hna cu keimah longlong nih ka hngalh cucu van chiatnak silo in vanthatnak tu a si lai a ti. Tutan thimnakah a dih naisai rih lo, tihi thazang pek kan duh hna. Lih le hrawkhrawl in vote afiarmi cu ngaisailo hnu kan tawn lailo an ti cang. Khuruahhar thil tu hmuhdawh deuh kan si ko rawh. Credit: Joseph Thawng Z Ting

Hi Thawngpang relchap lo cu a pam tuk hringhran, US Supreme Court le Pres. Trump: Pres. Trump lei nih thimnak a dik lo tiah US. biaceih zung sangbik Supreme Court ah Texas Suit in an chuahpi mi cu nizan ah Supreme Court nih an hnawn (reject) piak diam cang. Pres. Trump legal team nih chuahpimi diklonak cu chirhchannak a um lomi (baseless) asi tiah a rannak in an hnawn piak colh.

Tutan thimnak boruak he zoh in US. Supreme Court biachahnak hi uar a um ngai. US. Supreme Court ah Judge pa 9 an um i, hi chungah 6 hi conservative an si i, pa 4 hi liberal an si. Conservative judge- 6 chungah pa 3 hi Pres. Trump nih a khanhmi hna an si. Nain, tutan ah an dihlak (unanimous decision) hnatlaknak bak in Pres. Trump legal team nih chuahpi mi – Georgia, Michigan, Pennsylvania le Wisconsin state ah Biden nih a teinak hi pom lo dingin an halmi cu an hnawn piak. Pres. Trump nih rian a khanhmi Judge pa 3 zong nih a dang judge 6 he lungrual tein an hnawn piak dih.

2000 kum US thimnak ah Bush le Gore zong Florida electoral vote ah an i rak tluk tuk. Rel piak tthan dingin Gore lei nih timi cu Supreme Court nih rak hnawn piak ve asi. Asinain, cu lio ah Judge pa 9 chungah 7-2 in mi tam deuh ( majority decision) biachahnak in a rak si. A tu bantuk dihlak biachahnak (unanimous) a rak si lo. Cu nih a langhtermi cu Pres. Trump thil ti ning hi pom awk tlak lo (baseless) asi zia kha a langhter ngai ngai. Tei duh lo le sual kawlnak (Allegation) tu a rak si deuh zia Supreme Court biachahnak nih a langhter ngai ngai. Hi ti supreme court sin a phanh hlan zong ah anmah le State cio a sang bik Federal Court nih an rak hnawn piak dih cang ciomi asi.

Tutan US thimnak boruak ah US democracy system a thatnak pakhat a lang. Cucu, ‘Power Check and Balance’ asi. Congress (Legislature), President (Executive), le Court (Judicial) an nawlngeihnak le dirhmun fiang tein tu tan ah a lang. Ram uknak le ihruainak kongah President ( Executive branch) nih a nawlngeihnak ningcang loin (power abuse) asiloah phung ning loin ( unconstitutional) in rian ttuan tikah – Court le Congress nih tlaihkhihnak lam an ngei. Tutan boruak ahcun Congresss cu D le R ah an ttan tuk nak nih ram caah a ttha bikmi thil dik ah dirhmun chia lo in party politics ah an pil tuk caah Congress hmual an ngei lo ngai ngai. Court an biapitnak le nawlngeihnak tu tutan ah fakpi in a lang.

Biaceih zung sangbik Supreme Court nih an hnawn piak cang caah President Trump caah cun phung ningin duhlonak khinnak lam a um ti lo. SC nih fiang tein Biden tei ah an pom cang caah, Electoral College nih Biden cu nikhat ni Dec 14 cun avoi (46)nak US. President a tlingmi in an thanh cang lai i Jan 20 ah President riankhinhnak (inauguration) cu tuah asi cang lai. Credit: PlatoVanRungMang