KIA Ralkap Pakhat Cu SAC Sin ah Hriamnam He a Lut, Tiah SAC Nih Thanh!
============
Kachin ram, Banmaw peng, SAC ralkap hrambunh battalion pakhat ah KIA ralkap pakhat cu May 22 ah a hriamnam he a lut i phaisa kyats sing 56 kan pek, tiah SAC nih a thanh. SAC ralkap ah a lutmi KIA ralkap hi a mui langhter loin a nupi le a fale an langhter. Cun, KA 22 zuun khat, kuan 70, kutcheh bomb 2 le kuan bawm 3 le kutkhihnak 2 tiin an langhter.
https://www.facebook.com/photo/?fbid=619755273508932&set=pcb.619755333508926&__cft__[0]=AZX5jVJn42Wz_tIiKM8Y_VfCIRiAqWDJuxeCKDOoV5_hWvyxKJ8ok2c0M3BJkKxHLPWPMiZ2rXfxZ0-PS_2WB0j3Pgo5PVvThA78n8kUY1N8OAMjbL01ix1m1l1XjWgrrlukbcMDZBFDpA9X3PWuEm3LpkSjZSuqOcEQHU06dsP4uuGCYHi2XDH8WnsO2u7WKtQ&__tn__=*bH-R
Rakhine ramkulh, Punakyun peng, Tawphiachaung hmunram um Sinte khua cu May 14 lio a hrangmi Mocha thlichia nih a den ruangah a khua ning tluk in a rawk, tiah tualchung mi hna nih RFA ah an chim. Inn 535 a umnak Sinte khua cu thlichia ruangah inn 494 a rawk i inn 41 cu laak awk um loin a rawk cikcek. Khuami 200 leng cu umnak inn le lo ngei loin an vai i, phungki sianginn ah an i dor chung, tiah RFA nih a ṭial.
Tawphiachaung hmunram hi a hlan tein internet le phone line a hman khawh a si lonak hmun a si i, khuapi he aa hlat ngainak ah a ummi a si. “Khuami hna cu lothlawh le kuva cin in aa cawmmi kan si i, Mocha thlichia nih kan inn le lo a hrawh ruangah kan inn sak remh ṭhan ding cu chim lo nunnak ca ah eidin tirawl hmanh a har tuk cang,” tiah khuami hna nih cun an chim.
Tawphiachaung hmunram a ummi Pushwepin le Pauktawpin khua telh in khuate 6 le khuate dang hna zong thlichia nih fak ngai in a den ve hna, tiah tualchung mi hna nih cun an chim.