Tlaih hram an thawk hna. CDM cawlcanghnak ah hrihhawhtu zungbawi, do-aunak hruaitu tiah

Tlaih hram an thawk hna. CDM cawlcanghnak ah hrihhawhtu zungbawi, do-aunak hruaitu tiah an ruahmi phun deuh pawl tlaih hram an thawk cang hna. Yangon khuapi chung lawng si loin, Tachileik, MDY tbk khuapi dangdang zong ah ralkap nih zan tlai hnu ah an va tlaih hna.

Nihin cu an tam bak ko lai… Khua kip ah hopaoh an chuak ngam. Upa he ngakchia he, zung kip in chuah dih dawh an si. Nizan kha an kap hna lo. Kah lo cangah cun hopaoh nih duhnak langhter ngam si ko hih. Mi an von tam chinchin cun mipi an thin lin chin lengmang te lai. A puah sual cun tutan cu a puah ning fah te dawh.

Palik nih rii an chiahmi. Do-aunak i tel duhmi mino hna caah santlai men lai. Nihin Sule City Hall congtu palik le doautu umtuning zok tikah, cozah palik an fiim ngai ko ti a lang. Live thlahtu pate nih Palik cu a hei fak pah hna. An hnuleipi a cunglei varandah ralkap pawl a soi hna. Mipi kan ral cu Palik an si lo. Khika ralkap pawl khi an si, an ngamh cun anmah nih pei hmai ah rak chuah ding an si cu, a ti hna. Palik cu daite in hnachet bang an dir ko.

Palik nih rii an chiahmi khi lonh lo paoh cun kah a ngah lo, an ti. Hlaydan ah cun pakhat nu nih ai tlekter ngai. A ttap, palik a sawh len hna. Zuan hnawh tim phun in um nain Palik nih zei an ti lo. Doau lei in pa pawl tu nih minu cu hnulei ah an kalpi. Kan Laipa nih Hlaydan hrawng cu Live a thlah ve. Laiholh le Malay holh cun Palik cu a lang hlat in a volhpamh ngai ve hna. Naih tuk bel in a awnh hnawh ngam hna lo. Nihin cu minung an tam ngai. Thaizing khi minung an tam chinchin lai.

Kawlram pumpi in rianttuantu pawl nih doaunak tuah ding ti in an ihrih. Thaizing ah Palik le ralkap hraan ding an zum hna lo. UN envoy nih raap cozah sermi minung an rak ton hna tiah thawng a leeng. UN minung an um chung cu raap an cawl rih lo kho men. Nihin tiang mipi cawlcangh ning zoh an dawh. Minung an von tam chimchin tik, an baat pah cang hnu, baat dawn thilnu haang idinh pah in an au tikah cun, Kue te cu khuachia biami an lo.Ai tel huam nih itel awk si. Nain ralring tein mit i-au, hna itun cu hau lai. Palik rii lonh phung si lo ti philh hlah. Kahnak nawl pekcia an si, tiah thawng a thang. Pekcia si pek si lo pekah, palik rii lonh kahmi cu thilak in kah phung a si. UN zong nih tazacuai khawh si lo, ti si. Lungfim tein. Ramleng phan Laimi mi sopaw cheukhat tukforhnak ah izumh hlah uh. Credit: Salai C Alexander