Thongtla Pawl Cu An Hngawng Ah Molhnak Le Ralthatnak Sii An Chunh Ter Hna

Breaking News: Min Aung Hlaing Nih Thongtla Pawl Cu An Hngawng Ah Molhnak Le Ralthatnak Sii An Chunh Ter Hna
=================
Kawlram kong ruah ahcun lung a fak tuk ko e. Thongtla pawl an chuah hna. Mipi sin an chuah hlan ah an hngawng ah molhnak le raltthatnak sii an chunh ta hna. Hmunkip ah an vahter hna. Inn an khanghter hna, mipi eimi Ti ah thih sii an peihter hna. Kawl ralkap pawl hi minung lungthin taal an keng hnga maw? Hi bantuk lung put lawmmam hi.
Ralkap long si ti lo, USDP zong an i tel ve. Chinmi chungin USDP vialte nan lung fim cang seh. USDP in chuahnak ca (statement) rak chuah cang uh. Phaisa thong (20) kan in pek hna lai i ralkap dirkmahnak sandah piah uh tiah USDP nih mipi an lemsoinak video vialte mipi sinah a phan cang.

USDP cu ralkap he kan i peh tlai lo ti tihlah uh. Cung lei nan pule an thil tuahmi vialte video he a um dih cang.
Tutan Rangon khuachungah vahter in mipi eimi ti ah thih sii an peihter hna, inn an khangter hna, mi thahding in an vahter hna, hi vialte hi Ralkap le USDP thil tuah long te a si. Laitlang USDP vialte nan lung fim cang seh. Mipi temtuarnak le lungfahnak vialte hi tuak ve cang u law, USDP in ka chuak cang timi cathanh (Statement) chuah cang uh.

Relchap, Ka vun thangtthat ta ko hna lai, phundang in ka ruat hlah uh. Ralkap nik uknak an lakmi cu, a ho paoh kan umnak hmun cio in kan ngaih a chia, kan lung a fak, kan thin a hung cio. Mahle ti khawh ning cio in cawlcangh cio a si. Australai, Canada, US le Europe e.t.c. um, kawlram mi vialte nih duhlonak langhter cio a si. Cu lio ah kanmah Sweden cu kan hawile Kawl pawl tawlrelnak in nihin February 8 ah Sweden ram khuapi Stockholm ah duh lonak langhter a si. Sweden Chinmi zong kal kan duh cio nain Covid-19 ruangah cozah nawl ngeitu lei nih minung 8 long duhlonak langhternak nawl pek a si.

Cu ruangah minung tampi cu kal ding kan tthulhtthan dih. Nain Pu Sui Thawng Vung Cinzah le a fanu Dawt Sui Chin Cinzah cu an va kal ve. An khua in Stockhlom hi limit speed 120 km/h in suimilam 4 hrawng mongh a si. Cucu an pafa in an va kal kho ve. Kawlmi lakah kanmah Lai thilthuam te he an vai i tel khawh vemi hi kai lunghmui tuk pinah ka thangtthat tuk hna. Sweden Kawlmi lak ah Chinmi mithmai an kan hngalter. Cucu um rih seh. A pa Pu Sui Thawng Vung Cizah hi a lam hlat in CNF member a lut ve i kumchiar te CNF caah phaisa a thawh tawn. (Chinland Club chim duh mi a si lo). Cun a fanu Dawt Sui Chin Cinzah hi hlan lio pi khan Chinland club ah phaisa a rak thawh peng pinah amah pumpak zong in CNF caah phaisa hna a rak hlu. Sweden Chinland Club zong nih mintthatnak rak pekmi Chin nusalttha a si.

Chinland Club ah phaisa an thawh peng le CNF/CNA an ttanh long siloin, tutan ralkap nih uknak an lakmi duhlonak langhter dingin kan hawile Kawl pawl nih tawlrelmi zongah Chinmi aiawh in an pafa pahnih te nih an va telpi ve mi hna cungah keimah pumpak in upatnak ka pek hna i, an cungah kaa lawmhnak cu Facebook hawile sinah ka vun phozar.
Hmailei an kawlhawlnak ah Bawipa nih thluachuah za he lam hruai chin ko hna seh. Credit: Salai Biak Tum Lian