THM Nih Sizung Ummi Mizaw, Sibawi Le Nurse Pawl Christmas Laksawng An Pek Hna

Thantlang Healthcare Ministry nih thantlang Sizung um mi Mizaw hna le Thantlang Siibawi le Nurse pawl X’mas Laksawng peknak kan ngei hna. Thantlang Healthcare Ministry a dirhtu le a ngeitu Cu CEBCindy (USA) Khrihfabu an si. A herhning in a tawlrel pi tu hna Cu JMBC( thantlang) Khrihfabu an si. Thantlang Healthcare Ministry nih Sizung Mizaw hna caah siseh, thantlang Sizung pi caah siseh, kan sikhawhtawk in an dirhmun, an harsatnak kan hrawmpi hna i, a herhning in bawmhnak zong kan ngei lengmang. To God be the glory”.

Thantlang Healthcare Ministry (THM) tuanvo a la tu le a tawlrel tu JMBC Khrihfabu Pastor te nih thantlang Sizung ah Mizaw Thlacaam piak nak le Calsome bawmkhat cio pek nak an ngei. Thantlang healthcare Ministry a dirhtu le a ngeitu, sponsor atuahtu cu CEBC-INDY (USA) Khrihfabu an si i, tuanvo ala tu le a tawl rel tu Cu JMBC (thantlang) Khrihfabu an si.

THM Caah Pekchanh Khawh a si. Thantlang healthcare minister Cu May 1, 2018, in thokmi Ministry a si. Hi riantuannak a thoktu le a ngeitu Cu CEBCindy (USA) Khrihfabu an si i tuanvo a la tu le a tawlrel tu cu JMBC (Thantlang) Khrihfabu an si. Hi riantuannak nih ai tinhmi cu Sizung ah Lungrethei in a um mi hna,bawmhchanh a hau mi, a li a lengmi, a zawfak mi hna zohkhenh le bawmh hau in a um mi, titsa in a damlo mi hna nih Jesus khrih cu taksa, thinlung, thlarau damtertu le bawm chantu tha a sinak kha an nunnak in an tin co khawh ve nak hnga le zungzal nunnak tiang a kan pe khotu a si ti mi an theihkhawh nak hnga le Pathian sunparnak a langh khawhnak hnga caah tinhmi le tuanmi a si.

Tuhi thantlang sizung hmunhma ah Chapel sak cuahmah a si. An tluan ahcun 2021 feb. ah cun an lim khawh te lai. A dihbak in hmancolh ding mi a si.Hi Chapel hi Sizung mizaw hna caah siseh, thantlang Sizung riantuantu Le thantlang khuachung Le thantlang peng pumpi nih a herh ning in, Kan hman khawh cio ding mi le Mizapi kan ta cio a si. Hi Chapel Cu CEBCindy USA nih sing 1000 dih in an sak mi a si. Sihmanhsehlaw Chapel chungah Chiahding mi thilri pawl hi tampi a herh rih. Cucaah Pumpak in Siseh, A bu in Siseh, Khrihfabu min in Siseh, thilri min kan langhter mi hna hi pekchanh khawh a si.

1. Thantlang peng khua—88 a um. (A) le (B) in a um mi khuapawl khuakhat ah chiah in rel asi. 2. Thantlang cozah siizung hi ihkhun 50 a si. 3. Doctor te hi cozah nih minung Pa (9) pek ding in an ti, asinain tutiang cu minung 4 lawng pek rih asi. Minung chap an si than te lai. 4. Ihkhun hi 200 tiang in chap than asi lai tiah zumh asi. Chap asi te tik ah cun, specialist zong tamdeuh chap asi te lai tiah zumh asi. 5. Buaktlak in thlakhat ah mizaw. OPD-(ai piah mi) -600/ hrawng an si. Admit(Sizung it mi) 100/ hrawng an si.

Hi Thantlang siizung hi Thantlang peng caah cun, kan tohmi le kan fuhmi sizung pakhat asi.Cucaah hi Thantlang peng khuasa mi miphun vialte hna caah le Pathian sunparnak caah tiin…( THANTLANG HEALTHCARE MINISTRY-THM) timi ministry cu Chin Evangelical Baptist Church, Indianapolis khrihfabu nih adirh mi le atuanmi ministry asi. THM ah hin Johnson Memorial Baptist Church, Thantlang he partnership in tawlrel cuahmah asi. THM nih atimh mi cu; Pathian sunparnak caah. Taksa, thinlung, thlarau thanchonak caah. Miphun thleidannak, biaknak thleidannak um lo tein i ruang tein zohkhenh ding.

1. Siizung ah siizung pastor ( Chaplain) fulltime riantuantu chiah asi cang. Saya Thawng Tha Hmung asi. Nikhat ah voihnih peng in siizung ah visitation atuah. Thlacam piaknak, bible relpiak ak, pumhnak, counselling tuahnak, phaisa in harsa i bawmhnak tiin phunphun in cawlcanghnak angei kho. 2. Chaw le va in thlakhat ah minung 20-30 renglo tiang chaw le va in aherh deuh tiah ruahmi hna bawmhnak kan pek hna. Azat cu chimtlak lo te khi asi ko rih. Hmailei ah tam chinchin in kan tuankhawhnak hnga thla kan cam cuahmah. Ramchung ramleng i bawm in kut kan samh cio ding zong in kan in sawm hna.

3. Chapel Hall : Ting 1000 reng lo in, chapel hall dot-2 sak in sak cuahmah asi. April 2021 ah cun kan lim lai. Hi hall hi mizaw hna pumhnak ,ruak i suannak, Meeting , zeidang herh nak ah itonnak le cawlcanghnak, zungkainak, counselling center tuahnak caah asi. Mikip ,organization kip nih herhnak poah ah hman ding. Hi cozah siizung ah thlacamnak , chaw le va, thinlung ruahnak dihlak chuah in rian tuanti hna usih. By, Pastor John Za Thleng, Indianapolis, USA.