Thilṭha chuak te lai tiin ka zumh ngai.

Thilṭha chuak te lai tiin ka zumh ngai.
================
Tutan ralkap nih Kawlram uknak an lak chung hi cu thilṭha chuahnak ah a si te kho men. Kum 5 chung NLD cawlcanghnak cuanh tikah, tlangcung hriamtlai phu pakhat hmanh an lung di a riamh khawhmi an um lo. CNF upa belte ah cite a liahmi pakhathnih nihdah an rak dirpi hna ti lo cun. Tlangcung ramkhel party pakhat hmanh lungsi diriamhnak an pek khawh hna cu chim lo. Tlangcungmi ruahchannak vialte an vaivuanh chinchin dih.

Party pakhat dictatorship phun in kal peng an rak itim. Adang thilṭha an tuah tiah mipi zaran hmuhmi khi cu a ṭhangcho deuhmi Asian Democracy ram sining kan theih rih lo bia si. Khuachung hmuhphiah ti hrawnghrang lebang kha Law Makers pawl rian si loh. Siipin rian dawh si ko cuh. NLD nih khua an tuak deuh cang lai. Tlangcungmi kong ceih lai paoh ah, ‘Ralkap nih an duh lai loh” ti phun an rak i-umtermi kha “Aw, kan rak zer i, kanmah he aa tluk ti in kan kaa in kan rak hlenmi hna kha, tu cu kan hlen ti hna lo a hau” tiah tuaktan caan an ngei cang lai. Anmah uknak hmunh ding kong tu ahcun, “Ralkap tehna, Phunhram ningah ralkap nih uknak lak khawh si lo,” an hei ti hna.

Kawlram thimfung thlaknak ah thurhnawmnak a um le um lo cu Laitlang zong nih a theih i a ton tuk ko. Nain, NLD timi min le Halleluijah le Amen deu pawl ruangah diklonak cu an rak phuang ngam lo khah! Trump diklonak he tahchun ding si loh. Tu hnu ah cun an iralring cang lai. Kum 5 chungah 2008 Phunghram remh dingin Ralkap lei pressure an rak pekmi hna um bal lo. USDP an lung tluan i Tlangmi hna ca lam an sialmi hmanh, an hna an rak icheh. Mutual respect, cooperativeness an rak ngei lo. Kanmah lawng in tinak lungput an ngei. A rak si lo. Remh khawh ding cu remh thluahmah colh ding, hmai ah fon peng ding ti an ifiang cang lai.

Hlan bantuk in tutan ah Pi Suu a onh tuk hoi belte cun, ralkap nih kum 1 an timi khi chan khat ah ai cang sual te kho. Pi Suu hi a fim ngai nain, Kawlram ramkhel kong ah cun,. Khah! Na ruah dingah ka thaimi si. Ikuaih leen hlah uh. Credit: Salai C Alexander