Thihdar; Pi Len Par (Ngun Can Iang Nu) Kum 72 Nih Mual A Kan Liam Tak Cang Ee.

Pi Len Par (Ngun Can Iang Nu) Kum 72 Nih Mual A Kan Liam Tak Cang Ee.
=====================

Ka far Pi Len Par ( Ngun Can Iang nu) kum 72 cu Kaal, Cuap, Zunthlum zawtnak can saupi Hakha Hospital ah a zawtnak in December 3,2020(8:30 am) ah mual a kan liam tak cang. Kan unau tta far pa 9, pa pa 2 , nu pa 7 kan um i pakhat hnu pakhat in a kan liam tak, kan tta far pa 2 le nu pa 2 lawng kan taang cang ee. Can te nu dam te in zungzal a hmun mi na Pa Pathian sin ah i din cang law. Dawt a thiam tuk mi, tlaihchan a thiam tuk mi ka far ka mitthlam ah na cuang zungzal ko lai. Tantak mi tta far, na fa le an ngaihchiatnak Pathian tu nih kan hnem se law hnangamnak kan pe hram ko seh. Credit: Lian Iap

Bawipa dawtnak kong zong hi rak relchap hmanh thazaang tampi na lak lai. Bawipa zeitlukindah na lianngan! “Bawipa, na sermi thil hi an tam hringhran ko! An dihlak in fimnak in na ser hna. Vawlei cu na sermi thil in a khat” (‭‭Salm‬ ‭104:24‬).‬‬ “A dohtu a tung pipi hna cu zei cungah dah an dir? Deirel arfi hna cu hmunkhat ah hla an sak i Pathian fapa vialte hna lunglawm in an au tikah khan, Ahonihdah a killung kha a bunh? Vawlei hram ka rak ser lioah hin khuazei ahdah na rak um? Na hngalh i na theih ahcun ka chim tuah. A hmet a ngan zeingaw siseh ti kha ahonihdah a khiah? Cucu na hngalh awk asi. Asiloah, tahnak hri kha a cungah ahonihdah a zam? Vawlei a kauhning hi na hngal maw? Hi vialte hi na hngalh ahcun, ka chim tuah. Khuazei ahdah ceunak umnak hmun i va kalnak lam cu asi? “Hawhra khonnak inn kha na lut bal maw? Rial khonnak inn kha na hmu bal maw? Mah cucu harnak ni caah ka khonmi an si i idoh le ituk ni caah ka chiah hna.

Ahonihdah ruahpi kha kahcham a cawhpiak i Ahonihdah ṭotho caah khan lam a sial? Ruah nihhin pa a ngei maw? Dapti dor hi tah ahonihdah a hrin? Aho paw chungin dah tikhal cu an chuah i van in a tla tawnmi hawhra hi aho nih dah a hrin? Ti cungah khan lung bantukin aa phah i a thukmi cungah khan a khal. Van a uktu phung hna khi nangmah nih maw na ser hna? Vawleicung thil umtuning a uktu phung hna hi nangmah nih dah na chiah hna? Nangmah cu ruahpi ban ngaw nih an surh nakhnga, khuadawm khi nawl na hun pe kho hnga maw? Nimtlau cu, kal tuah, tiah na ti ahcun, ‘Ka kal lai,’ tiah an ti hnga maw?

Ahonihdah khuadawm chungah khin fimnak a chiah i minmei cu hngalhnak a pek hna? Vawlei cu thir bantukin a hah i leitlang hna cu pakhat le pakhat an i sengh dih tikah, Ahodah ruah kha kawh khawhnak dingah le vancung ti khonnak cu phongh khawhnak dingah, fimnak a ngei? Aho nih dah khuadawm chungah khin fimnak a chiah i minmei cu hngalhnak a pek hna?” (Job‬ ‭38:4-7, 18-19, 22-23, 25, 28-30, 33-35, 36-38‬).

“Bawipa cu a lian a ngan i fakpiin thangṭhat awk asi; kan Pathian khualipi chungah le a tlang thiang cungah thangṭhat awk asi. Lianngan Bik Bawipa kan Pathian khualipi chungah, Pathian nih a tuahmi thil cu a theih in kan rak theih. Asinain atu cu a hmuh in kan hmuh cang; khuapi cu himtein a zohkhenh zungzal lai. Pathian cu a zungzal in kan Pathian asi i hmailei i a ra ding caan vialte ah a kan hruai lai, tiah nan chimh khawh hna lai” (Salm ‭48:1, 8, 14‬).

“Maw Bawipa, kan Bawipa, Na lianhngannak cu vawleicung dihlak ahhin a lang ko! Nangmah thangṭhatnak hi van tiang a phan i; Nangmah na sermi van le an hmun ciote ah na chiahmi thlapa le arfi hna khi ka zoh tikah, minung hi zeidah asi i na hnakkar ah na tenh? Minung menmen a simi hi zeidah asi i a zawn na ruah? ti hi ka ruat. Maw Bawipa, kan Bawipa, na lianhngannak cu vawleicung dihlak ah hin a lang ko!” (‭‭Salm ‭8:1, 3-4, 9‬).

“Bawipa, ahodah Nangmah ṭih loin a um ngam lai? Na lianngannak chim duh loin ahodah a um lai? Nangmah lawng a thiangmi na si. Miphun vialte nih na hmaiah an ra lai i an in biak lai, Thil ding na tuahmi kha mi vialte nih hmuh a si caah,” an ti” (‭‭Biathlam‬ ‭15:4‬). “Mi nih na sunparnak le lianngannak kha an chim lai, kei nih thil khuaruahhar na tuahmi kha ka ruat hna lai” (Salm ‭145:5‬). Credit: James Vanneilian