The Time nih Kid of the Year an Pekmi Gitanjali Rao nih Vawlei nih a Tonmi Buainak Tawlrel ai Hmaithlak

The Time nih Kid of the Year an Pekmi Gitanjali Rao nih Vawlei nih a Tonmi Buainak Tawlrel ai Hmaithlak
==========================================================================

Time magazine nih a hmasabik Kid of the Year roca an pekmi scientist zong a si i, thil ser a thoktu zong a si mi tleirawlnute nih vawlei nih a tonmi buainak tawlrel khawhnak idea ngei kho dingin midang a dirkamh khawh hna lai ai ruahchan. Dinti chung i cirikeimi bantuk i hnawmtam a um le lum lo a thei khotu seh le cyber in midang hnahnawhnak a tlai khotu app pakhat telhchih in Rao, 15, nih technologies tampi a ser. Roca pek dingah US ah minung 5,000 an tar hna i, amah hi an thim. “Keimah nih ka tuah khawh ah cun, nan tuah khawh cio ve ko, mikip nih an tuah khawh ve ko, tinak a si,” tiah a chim.

Time magazine caah mintami zong a si i, mihar bawmtu zong a si mi Angelina Jolie he interview an tuah. “Zaran scientist he an i lo ruam lo. TV i ka hmuh tawnmi hna cu upa an si ngawt, a zungzal ti awk in scientist pawl hi vunrang an si deuh ngawt,” tiin Jolie nih a chim. “Vawlei nih a tonmi buainak tawlrel dingin seh ser kai tinhmi lawng si lo in, keimah bangin tuah ve cio dingin midang thazaang peknak ngeih khawh zong hi kai tinh mi a si, zeicahtiah, ka pumpak hmuhtonmi chim ah cun, nanmah bantuk minung pakhat te tal na hmuh hna lo ah cun cawlcangh a fawi lo,” tiin Rao nih a chim.

Rao hi Colorado ah a ummi a si i, tawlrel a haumi thil tampi a um, tiah a chim. “A tu kan chan nih hin cuhlan kan ton bal lo mi buainak tampi a tong cuahmah. Cun, khat lei kap ah, a hlan tein a um cangmi buainak zong kan tong ve thiam rih. A tu le bang cu, vawlei pumpi a cuultu pulrai karlak ah tartahaak in ka um hna. Cun human-rights kongkau zongah buainak kan thong cuahmah, ti khawh a si fawn. Climate change, cun technology ai thok le cangka cyberhnursuannak, hei ti bantuk, kanmah nih kan ser lo nain, kan tawlrel a haumi buainak tampi a um,” tiin Rao nih a chim.

The Time roca hi Ms Rao caah nehnungbik an pekmi a si. Cuhlan ah khan dinti chung hnawmtaam a hmu khotu test tuahnak seh cu mandeng tein a ser khawh caah, Ms Rao hi “America’s top young scientist’ tiin min an rak pek bal.
Time magazine nih Man of the Year pek a thok hi 1927 khan a si cang i, nehhnu ah cun Person of the Year, tiin an thlen than.

Nikum ah khan, Sweden sianghnakchianute, Greta Thunberg, nih climate change dirkamh in vawlei pumpi ah karhlannak a thawhter khawh caah Time magazine nih a thim ve i, vawleicungah kum a nobik a thimmi a rak si bal. Kid of the Year roca thar the Time nih a ser hnawhchan cu, America i kum a nobikmi chanthar minung lakin hruaitu hrinsor an duh caah a si. 2020 Person of the Year cu hmai zarh ah thanh dingin nithla an tuk cang. Credit: Chelsea Bawi