Naypyidaw Aye-Lar Air Base Ah Shock Missile 5 A Tla I A Puak, Vanlawng Chianak Inn Telhin Inn Cheukhat An Rawk. SAC hmunpi Naypyidaw ah a um mi Aye-lar air base cu dothlennak ralkap hna nih nihin April 11 zinglei slm 4:50 tluk ah khan Shock Missile lung 5 in an kah caah vanlawng chiahnak inn a rawh leng ah SAC bawizik Min Aung Hlaing nih kawl titawihpuai a hmannak ding maandat zong a rawk tiah theih a si.
Naypyidaw Ayelar air base ah tuah dingmi titawih puai ah hin kawlram hlasak thiam Yone Lay,G Fatt,Ice Cool,Su Paan Htua hna telh in midang hlasa le lemcang thiam tampi an sawm hna tiah theih a si.
Nihin April 11,zinglei slm 4:45AM tluk ah Naypyidaw um SAC Ayelar airbase cu 107MM shock missile lung 7 in kah a si i SAC airbase rianngei tu le ralkap cheukhat an thi i hliam tuar an tam.hi kahdohnak cu Brave wirriors for Myanmar MWM hruainak in Mountain Knights Civiliance defense Force (MKCDF) phu nih an doh mi a si tiah BWM phu nih cun an chim. CBN Daily News
Thawngpang dang: Thailand-Myanmar Ramri Um Myawaddy Khuapi Hngaktu SAC Sakhan Cu KNLA Nih An Laak. Thailand-Myanmar ramri, Karen ramkulh, Myawaddy hrambunh SAC ralhrang Khah-Lah-Yiah 275 battalion cu Karen National Liberation Army (KNLA) le PDF ṭangṭi phu hna nih an laak cang, tiah KNU in chimnak nawlngeitu Pado Saw Toni le Thailand ram thawng zamhnak hna nih nihin April 11 ah an chim.
“2024, April 10, zan suimilam 10:00 tluk ah Khah-Lah-Yiah 275 battalion cu an laak, SAC ralhrang Commander in Chief le a kuttang thazang 200 hrawng cu No.2 Chit-kyi-yi hleidonh lei ah hnulei an tolh” tiah Karen National Union (KNU) in chimnak nawlngeitu Pado Saw Toni nihcun a chim.
Atu hi Kawkareik le Myawaddy lei lampi cu SAC ralhrang nih thazaang an chap i an rak kai ṭhan caah kahdohnak a faak kho, SAC ralhrang nih Kawkareik le Myawaddy lei cu luhhnawh an timh ṭhan, tiah theih a si. “Nihin April 11, zing suimilam 5:00 tluk ah Hpa-An 201 battalion in SAC ralhrang motor 30 hrawng cu Asian lampi panh in an kai” tiah Hpa-An News nih a chim ve.
Karen National Liberation Army (KNLA) hruainak in Karen National Defence Organistion (KNDO) le dothlennak hriamtlai ṭangṭi phu hna nih Myawaddy khuapi ah a hnu bik taang mi SAC ralhrang Khah-lah-Yiah 275 battalion sakhan cu April 11, zing suimilam 4:20 tluk ah tlamtling tein an laak khawh cang i hriamnam tampi zong kan laak chih, atu hi zohfelnak le thianhliamnak an tuah cuahmah lio a si, tiah KNU nih phungning tein an thanh.
SAC ralhrang nih chun suimilam 11:00 tluk ah raltuknak vanlawng in pound 500 tluk a rit mi bomb cu Myawaddy khuapi pawng ah a thlak, tiah an langhter chih. Lungmili Post