Thawngpang Tha Taktak; Hakha Rungtlang 266 Ralbawi PA le driver an zaam Timi Kongah!

Hakha Rungtlang 266 Ralbawi PA le driver an zaam
========
Hakha Rungtlang um 266 sakhaan in Deputy Commander Brigadier General (North-west Commander) Myo Htut Hlaing Personal Assistant (PA) le a motor khaaltu (driver) an zaam, tiah CHRO sin in theih a si. Mah hna pahnih an zaam hnu ah SAC ralkap pawl an lungrawk ngaingai i cu kong cu a leng chuahter hrimhrim lo ding in an rengh hna, tiah kan theih.

Cu hnu ah Chin Ramkulh SAC phu Chairman Pu Ngun San Aung le Rungtlang um SAC ral an nupile tiang in meithal an pek/tlaihter hna tiah kan theih. Rungtlang Ralbawi Motor Mongtu le Pumpak Assistant an Zaam. Hakha khua, Rungtlang 266 SAC ralhrang sakhaan ah a ummi Brigader General Myo Htut Hlaing i pumpak hnuzul/bawmtu (Personal Assistant) le a motor mongtu pa an zaam, tiah CHRO nih a ttial.

“A zaammi hna nih an chim ning ah SAC ralkap i an nupi pawl le an chungkhar pawl zong ralhriam pek an si dih cang. Pu Ngun San Aung zong ralhriam an pek. Ralkap chung ah lungput lei rawhralnak, ttihphannak le nawl zulh duhlonak zong a karh i cu thil sining cu SAC nih thuhnawh an i zuam,” tiah CHRO thawngthanhnak ah an langhter.

“Abiana ah, Sep. 10 ah Lungler sakhaan CDF nih an doh lio ah khan Deputy Commander nih ralkap thazaang chap ding in nawl a pekmi hna cu Thantlang ralkap nih an zul lo. Asinain, Brig-Gen. Myo Htut Hlaing nih cunglei (NW Command HQ) ah lih in report a kuat,” tiah CHRO nih an langhter chap.

SAC North Western Command Center (အနောက်မြောက်တိုင်းစစ်ဌာနချုပ်) ah Deputy Chief (luzik changtu) a simi Brig-Gen. Myo Htut Hlaing hi Rungtlang 266 ralhrang sakhaan ah a um lio a si.

MAH nih Sipuazi Athluk Cikcek Ning Le Sifah Harsat Ning Hmuhsak Nak: PG67. MAH kut ah Kawlram Eco 18% a tla. Kawlram milurel hi 54 million asi. MAH nih uknak a lak in, Sipuazi a tla tuk caah, 30 millions cu, mi sifah si colh asi. 20 million hi Sifah timi hna nakin a sifah deuh mi kan si (20 million are under Poverty line).

Kawlram mi sifak 30 million chanchuah awk ah, UN nih USD 220 million a hmuh cang. USD 300 million kawl chap a herh rih ti asi. UN GS Antoine nih kawlram mipi kan chan chuah khawh lomi tlukin ngaichiat a zual ter mi thil aumlo a ti. UN nih mipi kha direct pek an duh. ASEAN nih anmah ṭuan an duh.

SAC nih kanmah kut ah kan pe uh an ti ve. IDP capms le Covid19 response relchih rihlo asi. Eidin tirawl a chambau mi lawng te 30 million ti asi ko. WFP nih 3 million cu an chanchuah khawh hna. Tam deuh in chanchuah an i timh lio asi. Rampi phaisa hmuh nak, abik lam (3) hna cu: 1nk: Natural Resources in 60% (Lei cung, Leitang le Rili Chung Thil mansung hna zuarnak). 2nk: Tax Ngunkhuai in 20%. 3nk: Ramdang Investment in 20%.

Mipi nih Ngun khuai kan pe tilo (Kan CDM caah). Ramdang investment an kir dih. China Investment, SAC le Kharuni (Crony) (Ahlun + Athar) investment a um rih nain, Anmah caah asi, mipi caah asilo. China cu 60% aa lak i 40% cu SAC Luban le Crony thar (+ a hluan) nih an i lak, mipi covo cu (0%) an kan pe.

SAC luban le Crony hna Investment le Sipuazi vialte cu: UN, EU, USA le NUG hawikom ramhna nih an phih/an chat/ an phaisa an fim piak hna tbk hi, mipi caah asilo caah asi. Crony thar hna nih MAH cu Uknak lak awk ah an fial. Bombay Burma Co. Ltd nih British kha Kawlram lak awk ah, an fial btk asiko.

Lei Cung, Lei tang & Rili Chung chuak Thil mansung zuarnak cu SAC le Crony caah asi dih. SAC Luban/ an fale/ an tefa/ an minung/ Crony tbk lawng nih, Ṭuannak nawl an hmuh. Mipi sin ah cu ngunsawm cu a phan tilo ai. Civil luban & an Crony hna zong nih, he sector hi, anmah caah an hmang ve.

Hi sector hi mipi caah hmang sisehlaw, corruption aum lo ahcun kum 10 ah, kan rum tuk ve lai i, Singapore kan phan lai, ti cu asi! Mipi phaisa 60% firtu MAH asi hi zeitik hmanhah va philh hlah. Zeitik hmanh ah ngeithiam si ve hlah seh. CDF salam pek le paput langcuai an sinak hi tuak cikcek ve rawh. Abikin Ramkhel phatama le Hlawhhlang politicians Pastorte nih!

SAC luban le Crony hna miak nak caah thingram a phawng mi hi, kum (1) ah ting 13ac leng asi. Zawtnak tlangrai a tam chin i, kan chan a tawi chin chin ve. Tuksapur MAH Pulrai le Covid pin ah, pulrai tampi nih an kan hngak ko ti hi theih ah a Ṭha. Cu caah, MAH ukpen nak cu Chantawi nak kan ti hi volhpam sawh2 asilo, atak i adik fawn, va philh ti hlah.

Raldoh nak in an kan thah hlei ah, sifah in thah an kan timh. Covid19 in an kan thah rih cu mu. Kan doh lo zong ah an kan thah tho tho. Cu caah na duh i thim cang ko. Doh ah thih, doh lo zong ah thih dirhmun ah khuasa mi kan si. Hakha Pastorte btkin maw Ralhrang Ralkap he naa hawikom law law hnga?