Chin Hriamtlai nih an Rak Laak Mi Rihkhawdar Atulio Sining.CDF-Hualngoram ukhruainnak tang ah a um mi India-Myanmar ramri Rihkhawdar khuachung ah mi choklet an tam i, a hlan bantuk in riantuan le tlonlen khawh a hun si mi hmuh khawh a si.Rihkhawdar cu CNA, CDF-Hualngoram le a dang Chin hriamtlai bu hna nih 2023 November thla ah an rak laak.
Good News :LIB-355 battalion laak kahdohnak ah SAC ralkap tampi an thi i hriamnam zun 140 an laak.Karen ramkulh, Myawaddy peng, Thingan Nyinaung hrambunh LIB-355 battalion laak kahdohnak ah SAC ralkap tampi an thi i RPG, machine gun tel in hriamnam zun 140 le kuanzen tampi an laak tiah KNLA nih a thanh.
March 7 zinglei sml. 10:19 ah KNLA Brigade-6 hruai mi phu komh nih OCH-12 kuttang LIB-355 cu kah hram an thawk i zanlei sml. 6:45 ah an laak khawh tiah theih a si.Cu kahdohnak ah cun SAC ralkap motor paruk, RPG, Nato machine gun hna tel in hriamnam zun 127; 60mm, 81mm miakpi zun 13, bombthei hna le kuanzen tampi an laak khawh. SAC ralkap tampi an thi i tampi hma an pu tiah theih a si.
Rak Rel Chih Hrim Hrim :TNLA nih Namhkam peng ah bing lo acre 1000 leng an hrawh.Shan ramkulh, Ta’ang hmunram, Namhkam peng ah a um mi bing lo hna cu PSLF/TNLA nih March 4 in 12 tiang an va hrawh tiah TNLA nih nihin ah a thanh.
TNLA nih an va hrawh mi bing cinnak lo hna cu khuate 15 ah a um mi an si. Bing lo 1,125 acres cu ni 9 chung ah an hrawh hna tiah thawngthanhnak ah an ášial.Bing cinnak lo hna cu SAC kuttang Panse Pyithusit nih an rak uk mi hmunram chung ah a um mi an si.
Cuka hmun ahcun TNLA nih bing lo voi hnin an va hrawh cang hna. 2017 February 17 le 2020 March 15 ah an rak hrawh hna i, an va hrawh lio ah Panse pyithusit pawl he kan rak i kap ti zong an langhter. Namhkam khua kan laak hnu March thla thawk in bing lo hrawhnak kan thawk i, a taang mi bing lo pawl zong pehtlai in kan hrawh rih hna lai, tiah PSLF TNLA nih a thanh.Credit : The Hakha Post