Thawngpang tha taktak asi ko Thantlang ah thil dawh ngaimi pakhat tuah asi

Thawngpang tha taktak asi ko Thantlang ah thil dawh ngaimi pakhat tuah asi
A thatuk hrinhran mah bantuk in hin tuah ding asi ko khuapi pakhat asi ve mi cu tuah ding hrimhrim asi.2019-2020 kumkhat chungca Thantlang Market sa thahnak hmun hnih ah License cawkzuarnak cu August 16, zinglei 10 in sipin zung ah an tuah than lai tiah kan theih. Hi sa thahnak License cu ramchungmi le kum 18 a tling cang mi hna paoh nih sok khawh a sinak le August 15 zanlei suimilam 4 tiang soknak ca chiah khawh a sinak kong thawngthanhnak an tuah.
Cawk zuarnak chungah sipin nih ri a khiahpiak ning hna cu; Sa thahnak market hmunkhatnak (Biakinn sang) Sasen (Ks.6,755,000), hmun hnihnak (sianginn sang) (ks. 2,850,000), Vok hmun khatnak (ks.11,210,000), hmun hnihnak (ks.6,600,000), khualuh man (bi-khun) (ks.700,000), sipin ngeih mi dawr kip ah ngunkhuai halnak (ks.1,510,000) le Saphaw lak duh tu caah (460,000) an si.
Hi Sa thahnak License cawkzuarnak cu ni kumnak in tukum ah (sa thahnak hmun khat ca) Sasen ah 5,000 le Vok ah 10,000 an kai pin ah sipin ngeih mi dawr kip ah ngunkhuai halnak caah 10,000 tiin an kaiter deuh.
Kum khat hnu kum khat Sa thahnak License a kai deuh caah a luancia 2018 kum khat ca sa thahnak License rikhiah piakmi a tamtuk caah Sianginn sang Sa thahnak hmun cu an rak khar, Cu bantuk in Biakinn sang sa thahnak hmun zong rikhiah mi man a fahtuk pin ah le cuai tling in zuar a si lai.
Ruangah an rak ngamh lo i License aho hmanh nih an rak la duh lo. Asinain Sipin nih sacuai (Tickle) an thumhpiak than hna caah kaphnih hnatlaknak in an rak lak than hnu ah, Sa zuartu hna nih ningcang lo in sa an zuar caah voi hnih hrawng ralrin pek le ks. 40,000 dantat an i huah bal cang tiah kan theih.
Credit: Thechinlandpost.info

 

admin

Leave a Reply

Your email address will not be published. Required fields are marked *

error: Content is protected !!