Thawngpang Chia Pawl!
====================
Karen ramkulh, Moe Peng chung khuate cheukhat cu SAC ralkap nih hriamngan in an kah i ngakchia pakhat nunnak a liam pinah khua 9 chung in khuami 10,000 leng an zaam, tiah theih a si. May 18 zinglei suimilaam 8:00 hrawng ah SAC ralkap khah-ma-yiah (ခမရ) 599, 590, tatma 44 le kha-la-ya (ခလရ) 48 hna cu KNU-Moe peng chung Saway khua,
https://www.facebook.com/photo/?fbid=618197973664662&set=pcb.618198083664651&__cft__[0]=AZU4_L7nJrAVNzmFpIemU1ycH48pV2Tl35TMrE0bt7vUtmEXxTUtSjwKus5Sumz90eVXnlR2XLsOPgpE7Au67UlT-p_aKjxa2BClaVQBnRtQw19rNmj8yfnfvxHAwcUG62cLBlbSOaw4Xb_BzaxXpjLp2NjDdn7yf3yeOosznLrWTfqBUrIiKFe_2wOHzIGHEd4&__tn__=*bH-R
Kunetaw khua chung luh duh ah hriamngan pehtlai in voi 25 an kah lawng si loin Ngyionpinthar khua zong ah zuun 5 an kah i kum 14 ngakchia pakhat nunnak a liam, tiah KNU nih cathanh a chuah. Cun, kum 47 minung Daw Hlah San, Mg Myint Myat (kum 18) hna cu hriamngan in hliam an tuar i sii-inn lei ah an thlopbul cuahmah hna.
May 16 zong ahkhan Kha-la-ya 60 nih hnawngkung khua ah hriamngan zuun 7 le May 17 ah Taungsuh khua ah zuun 5 zong an kah tiah theih a si. Cun hi bantuk in khuachung ah hriamngan a kah peng caah khuami 13,991 cu khua chuahtak in an zaam dih tiah theih a si.
Ralkap nih uknak an laak hnuah NLD party MP hna cu SAC nih tlaih ding in a dawi hna i a himnak ah a ummi hna chung in minung 14 le an tlaih i thong an thlakmi hna chung in minung 2 hna cu sii lei tlamtling in an i thlop kho lo caah minung 16 an nunnak a liam tiah CRPH nih May 19 ah cathanh a chuah.
Thonginn chung ah a nunnak a liammi hna hi Okphu peng i Bagu ramthen MP U Maung Myint le Bilin peng i Mon Ramkulh Hluttaw palai U Kyaw Myo Min an si. Hi hna pahnih hi thonginn chung ah sii lei zohkhenhnak nawl an phih hna ruang ah nunnak a liammi an si.
A dang minung 14 hi cu Pyidaungsu Hluttaw Palai minung 5, ramthen le ramkulh Hluttaw Palai minung 9 an si i an zaamnak hmun ah an nunnak a liam tiah theih a si. Ralkap nih uknak a laak hnuah NLD MP 129 cu an tlaih hna i hi chung ah an thlah than mi zong an um. Atu hi thonginn chung ah MP 88 an taang rih. Cun, Pyidaungsu Hluttaw Palai a si mi U Yemon, U Lwin Ko Lat, Daw Zin Mar Aung le Daw Phyophyo Tin hna cu SAC ralkap nih rammi sinak on a hnawh hna tiah theih a si.