Thawngpang cheukhat: atu zanlei suimilam 8:30 PM

Thawngpang cheukhat: atu zanlei suimilam 8:30 PM
=================
Yangon khuachung, nihin cu “a puak” thawngpang nih a khat. Atu zing suimilam 8AM ah Shwedagon Pagoda Lam le Ziwaka Lam, Yaw Min Gyi hmunhma tiah theih mi ah a khuainak, puaknak thawng pahnih a um. Alan Pya pagoda i Ralkap compound lei lam an phih. Chun suimilam 12 ah Sanchuang GAD hmai ah voihnih a puak than. Zanlei sang ah Sanchuang Myone chung, Baho Lam, Yangon ramthen Parliamnet thlang lei i a um mi, Tilawng ralkap umnak pumpak inn ah a puakkho mi thil pahnih an hlawt.

Zanlei sang thiamthiam ah Pansodan Lam, Tilawng dinhnak riantuan tu hna zung pawng ah puaknak pakhat a um. Zanlei thiam thiam ah, Myanmar Plaza Shopping center ah puaknak a umthan, mah ka zawn i a puakmi hi kut tuahmi a si tiah an langhter, cheukhat nih stove explosion, a si lo ah a dang pakhat khat a si kho tiah an ti. Nain dawr vialte cu an khar chung lai tiah an langhter. (Mah ka zawn hi a tu chunk an zungah ka hoipa nih Saya Van, nihin hi Myanmar plaza ah pakhat khat a puak kho ti thawng a lengpah, tiah nihin ah bia kan i ruah, a cang taktak hoi, nain mah ka zawn hi, ATM a tamcemnak hmun, ATM in phaisa an chuah cemnak hmun, cun duhlonak alanghter mi hna, ralkap le palek nih an then chue hna tikah an i thuh cemnak hmu a si tikah Mipi lei nih an puak cu a si kho lai lo tiah a ruahdammi tam deuh an si)

Cun, Botahtaung Myone ah, mino pawl nih ralkap nih thimnak sang hruaitu upa sin ah “eh sazin tiang” lo ding in “Non guest campaign” an tuah. Thaketa, Hlaing le Kyauktan Myone ah cheukhat lamzawhnak tete a um rih. Cheu khat Alone Myone ah Taluk thantar mei in an khangh. Cun taluk thil chuak le Xi Jinping hmantlak pawl in duhlonak an langhter. Taluk huatnak thisa a lutngai.

Yangon khua leng Thawngpang cheukhat. Sagaing ramthen, Kalay khua, Tahan i lam an khamnak ah Ralkap le Palek nih an thencheu hna nak ah “live round le grenades” timi an hman i minung 5 an thi, 20 leng hliam hma an tuar. Bago ah atu zing lamzawh ding an i pumkhawm lio ah ralkap le palek nih an then chua hna i pahnih an thi, pali hliam hma an pu Mandalay ramthen, Mattaya Myone, Lon Taung khua te ah, a tu zing Palek nih an luhhnawh hna i, mipi tampi an tlaih hna.

Sagaing ramthen, Taze Myone ah, media nih an langhter ningah ralkap motor tampi le ralkap 100 leng thazang an chamh i,lamzawh mi, mipi lei panga hrawng hma an pu, cun media nih a langhter ningah Taze Myone chung internet zong an phih dih tiah a langhter. Mandalay ramthen, Mandalay, Myingan, Kachin ramkulh Myintkyina le Sagaing ramthen Katha ah lamzawhnak tete a um rih.

Zahan zan Thawngpang cheukhat. Zahan zan ah Hlaing Tharyar Myone, Seikanthar Lam i Industrial zone No.2 i a ummi Garment factory pakhat a kang, level 4 a phan. JOC Galaxy Apparel Co.Ltd nih an chimh ning ahcun Taluk mirum pa nih a ngeihmi a si tiah a chim. Alone Myone ah Ralkap motor si tiah ruah damh mi motor pakhat mei a kang.

Shan ramkulh, Nyaung Shwe khua ah, tourism hmunhma tiah theih hngalh khua, palek sakhan hmai ah mipi an tlaih mi hna thlah piak than ding an au i, cu ahcun buaibai nak a um i, mipi lei pakhat a thi, pahra leng hma an pu. Shan ramkulh Kengtung khua ah, eh sazin an checknak ah eh sazin a taing lo mi pakhat an tlaih. Zahan zan suimilam 10:30 hrawng ah Tamwe Myone, Kyaukmyaung sang ah Sang Uktu Zung mei nih a kang. Cheukhat media nih an langhter ning ahcun electric shock, failure a si tiah an langhter.

North Dagon, Sang 30 Nak, Ward 30, zung zong mei a kang. Myanmar Labour News nih a langhter ningah, Mandalay ramthen, Kyar Ni Kan palek umnak zong mei a kang tiah a langhter. Nizan CRPH nih thawng an thanh ningah cun, “wide scale abuses of human rights” timi evidences 180,000 kan khawmh chuah, i cucu IIMM he legal tuah dingin kan i ruah ti lai tiah an langhter.
Note: Hi Thawngpang ka langhter mi hi, nihin keimah khuachung ka chuah vahnak ka hmuh mi le, 24/7 thawngzamh mi hna sinin cheukhat ka langhter mi a si. Source a fehmi in cheukhat ka langhter mi a si. By – Van Lian Thang