Thawngchia Lakah Thawngṭha

Thawngchia Lakah Thawngṭha
==============
Kan ram buainak ruang ah awlokchong in kan um dih lio a si. Zei khua taktak hmanh kan ruat kho hna lo. Kan thin a lin, kan si a vang. Kan hathi a thak. Hi tluk lungsivaang i kan um lio ah kan US cozah pi nih avoi 3 nak COVID-19 bawmhnak pek ding i an tuaktanmi cu Senate le House ah fehter (passed) a si cang i President Joe Biden nih minthut ding i kuat ding lawng a taang cang. President Biden nih min a thut khawh in bawmhnak hi kuat colh a si lai.

Tutan avoi 3 nak COVID-19 bawmhnak ah zapi (chungkhar ca i a ṭhahnem bik dingmi cu minung pakhat ah $1400 cio bawmh dingmi hi a si. Nihlawh (income) $75000 tang asiloah ah nuva nihlawh $150000 naak tlawm a simi poh nih $1400 hi hmuh dih a si lai. Chungkhar minung 10 hna a simi cu $14,000 bak an hmuh lai. Laimi lakah fa 7 hna a ngeimi cu “lawm tuah, lawm tuah” timi hla i sak i fufuut lawng tum dawh an si.

A dang bawmhnak ai telmi unemployment tbt. pawl kong cu ṭial lem ti duh hlah ning. Mikip nih $1400 cio hmuh khawh dingmi hi a biapi cem cu a si ko. COVID bawmhnak hmuhmi chung in a tlawmbik 10% cu CDM caah thawh/pek cio hrimhrim ding a si lai ti khah philh cio hlah usih mu. Credit: Vanceuuk Khenglawt