“THAU KHUA CAPO BANTUK BIA NEKNAWI”
========
Thau khuami chungin mifim tampi an um ban tuk in capo neknawi achim thiammi an tampi ve.Kan vun langhter hmanh lai. 1.Vulei cung ahhin ka khuaruah aka harter cem mi cu Calendar hi asi.Cawn nikhat ni, thla cuvial asi cang nan timi hi ka khuaruah ahar cem ko.(Pu Rung Luai)
2. Tangka a um.paoh ahcun zeithil paoh angah ko nan timi hi nan lih.Vulei cungah a um bak lo mi a um ko.Cu cu ” Dawng le sin. ah cakuat tialcia in a um lo eh,”( Pu Ngun Hngak). 3.Minung cu Zia kan timi hi Zakhat a um ti asi le, cucu Ziaza”,kan tinak asi.(Sayaci Do Heng)
4. Sahngar hi mibia an chim angaih ko zongah, arsa rumro ai hmawtchih le an bia adongh bak ah khin Ar e ‘, ati hna, ti asi.(Sayaci Buan Ling). 5.Ka lung amih tuk ahhin, thingkung an hau i apurlio mi ka hmuh hmanh ah khin ka lung amit.(Pu Mang Sui)
6. Ahngal loh e ka ti fuh hlah uh.Ka philhcia mi hmanh nan hngal leh lo hih.(Pu Hme Thang). 7.Facang cu zeiti paoh in tuh ko uh.Țotho ahung hrang,ruahpi ahung sur le nan khurcio ah zaam u law an ti hna le an khurcio ah an lut dih ko.( Kapu Hram To)
8. Kawomciar le buhcawh na ei ahcun nan kut kha achungpi hei pur ulaw facangbuh na ei ko lai( Pu Lal Mang). 9. Sangraphut le buhcawh nan ei ahcun acungpalang te khan nan kut hui ulaw facangbuh nan ei ko lai.(Pu Lal Mang)
10. Kan khua ah Pu Hmun Uk (That Hai pa) ralkap in ahung tlung.Zeidang seh ka phurh hna ti loin” Na kok tuk”,timi biafang avun tlunpi le nunu papa in. Na kok tuk,” ti rumro arak leeng/laar.
11.Sung Thluai oa nih leikuangah facang arak ciin.Ațha i achuak ngai ti asi.Amin an hngalh lo caah Kapmang”, tiah ka sak ko hme cu. Pu Kap Mang)
12.Kio Vung nu ke Siang Lian pa bia an i ruah. Kio Vung nu: Acozah nih kan sianginn cu alaak na timi cu zeitin hme an phurh khawh lai? Sianglian pa:.Ka maw nu,na hruh le na ngaat hih.Acozahpi si nalak ah mi an fial luaimai hna lai le awl tukin an kalpi ko lai hme cu.(Pu Phunthang..Bungtlang) Kha vial kha sirih phot seh. Umharpheen rel cio awk ah muh.
CENTENARY LIO AH KABIA; Krifa kan sinak kumzaa atling cang i hlunghlai ngai in dong/tuah usih tiah comittee an rak ser i an rak kan hruai. Inn khat nih thawhvo cuvial nan thawh lai i mah le sangcio in hmunkhat teah rawldumținak ngeihcio asi lai. Hi Centenary philhlonak ah thlacamnak inn sak ding le lungphun zong tuah siseh tiah comittee nih bia an khiah. Tuah ding hrimhrim ah caihmi le chahmi atampi nain keimah kai telnak zawn lawngin ka langhter.
Rev. Biak Kam le kei hi lung phun dingmi akawltu ah țuanvo an kan pek ve. Mino nih an hri kawl ko i aphungmeen in min kan pu. 1999 kum, kumthar thokka teah sianginn sang Lal Luai certual ah khuapi tein mah le sangcio in hmunhma rak laak cio asi. Arak hlunghlai i anuam lawlaw khi arak si. Hlaremhnak aphunphun le hi Centenary nih ai hmaithlak hnga dingmi biachahnak zong tuahchih arak si fawn.Pehzulh in tuah taktak zong arak si. Lung ahmui tuk.
Hilio caan hi Thantlang cu ohsuh pakhat lawng asi lio caan asi i,khuabawi pakhat lawng nih a uklio caan asi.Cu lio caan ah cun keimah cu khuabawi țuanvo an ka khinh lio asi. Aharsaling te asi tining law ka palh tuk leem lai lo dah. Arak har taktak. Țhohhlanzi( MI) an hraan liote, an duh paoh in an kan tuah liote asi. Lungler sakhan in Major Khin Maung Yee nih Thantlang peng cu pipian thui in akan thui salingte, aduh paoh in țhudir akan tuah salingte arak si fawn. Cutluk mițhalopa cu CNA/F nih an rak kan zoh sawhsawh ko mi kha atutiangin ka lungah ataap. Zeicadah kha minung ațha lo tuk ti hngal ko na rawraw in an luatter hnga ti khi asi.
Centenary cu kan vun hmantikah thangthar mino hna nih hngalh peng ding le chinchiah dingah tiin Video thlaaknak zong an rak tuahmi a um.” CUSU PA IH” timi Thantlang hauka ahkhin Kumzaa Bung kan phun lai an ti i khuabawi pa nih phunseh ti asi caah ka rak phun nain, zohkhenh a um ti lo caah a lotlau thai cang. Kan Centenary pi adonghnak zanah, biatawi chimnak caan an rak ka peek i ka chimmi cu hihi asi.
Bible: Țahnak Hla 5:11 in ka thok. Zion ah nu kha tlaihhrem an si,Judah ram khua hna ah ngaknu thiang hna kha tlaihhrem an si, Bawi hna cu an kut in thlai an si i, upa nih upatnak an hmu lo, Facang rialnak ah tlangval cu an ba i, An thing phor nih a neh hna caah pa ngakchia cu an ril, Upa nih hauka i an biacaihnak kha an ngol i, Tlangval nih țingțang hri kha an pet ti lo, Lawmhnak nih akan zaamtaak cang i, Kan laamnak kha țahnak ah an cang cang.
Pangpar țhirual cu kan cungin an tla cang. Harnak nih akan khuh cang,misual kan si caah.Hi ruangah hin kan lungthin azaw i, Hi vialte ruangah hin kan mit kha amui. Zeicatiah Zion Tlang cu atiao i, Acungah cenghngia kha an i chawk. Maw Bawipa, nangmah cu zungzal in bawi na si ko.Na bawi thutdan cu chan khat hnu chan khat a hmun. Na kan hlawt rumro asi lo i, tah cawk loin kan cungah na thin ahun asi lo ahcun. Maw Bawipa nangmah leiah kan hruai țhan ko, hlan lio kan sunparnak kha kan pe țhan ko, tiah hi Bible ca caang hi ka rak reel
Caan ahung liam.Ka luat hlei lo.CNA/F na bawmh hna ti ruangah ” Unlawfull Act Association No.17/1 in 5/9/1999 zan ah MI ” nih an ka tlaih i Kalay mawleikkale ah thong kumthum ka tla.Ka nun lamthluan hi muihnak nih arak khuh ve.
Atu zong Thantlang cu anuampah cang rua kan tilio ah chimbu le cenghngia riahnak hmun ah acang cang ko rua. Ruah țhan tikah thinlung a nuam lo. Maw Bawipa,na kan hlawt rumro asi lo ahcun, nangmah lei ah kan hruai law hlanlio kan sunparnak kha kan pe țhan ko. Careltu nan dihlak cungah kai lawm. Sanglian Ham pa. Dated the 19 July,2023, Lawngtlai.