Thantlang peng kan si ning kan i philh lo a biapi tuk!
=========
Tluk Ruan a hau. Thantlang peng kan si ning kan i philh lo a biapi tuk. A tu lio hi kan thazaang biatak tein kan chuah a hauh lio caan a si. A tu lio ah kan herh mi hna: 1.Raldo tu dingah minung kan herh,i Raldo ding mi cu Hriamnam a um zat le Phaisa kan thawh khawhzat in an um.
2. Phaisa a herh i Raltuk pah cun Phaisa kawl khawh a si hrimhrim lo, Ramdang um mi nih Heh tiah kan ttuan ve hrim a hau i, Kan ttuan ve mi chungin Phaisa kan thawh ve a hau. 3. Ralkap hna dirkamhtu a herh: Kan ralkap hna dirkamh tu dingah Phaisa lawng si hrimhrim loh, Ramchungah a um mi hna nih kan Ralkap hna dirkamhnak caah mah le thiamning cio in rak dawt an hau. 4. Ral teinak dingah Thlacaam zong a rak hau i Rawlulh zongin thla kan caam a hau,
Hi vialte hi aa balance te in kan kal pi lawnglawng ah ral tei nak cu a chuak lai. 1. Kan dihlak in Meithal i put in ramtang ah luh dih cu ralteinak a si lo. 2. Phaisa lawngthawh usihlaw Meithal aa tlaih mi an um lo ah cun teinak tlamtling cu um la loh.
3. Khuachungah um in Raldo mi hna heh tiah rak dawt i rak forhfial lawng kan i thim i kan tuah ah cun kan tei fawn lai lo. 4. Thlalawnglawng cam usihlaw Nawl kan nheih lo ah cun kan tei lai lo, Nawl ngaih mi cu mah duh ning lawng in ngaih si lo in Pathain nih fial mi nawl, Doh, tthatlonak hi dohtuah timi fialtik ah daidep in um ah cun kan tei lai lo. A dihlak in aa ruan dih lawngah kan tei lai. Phaisa thotu dingah aa ruat mi poh nih cun thawh ko hna usih.
Phaisa nan thawh lo ah cun; Thantlang Area vialte hna a tu hi GTRO ah Phaisa nan thawhruam loh ee, zeitindah kanral cu kan tei kun ne lai. Tuzarh Update tuahding kan ngeih ttung ne lai lo hi. Thazaang vun la tuah rih uh law. Mihmai kan khap lai loh hih.
Raltei le kan duh Phaisa thawh le kan duh fawn lo ah cun zeitindah kan ral cu kan tei khawh rua hnga.Mah le kut ke tein kan hmuh mi hi a sung kawi khun i,Iphuhrun awk zei hmanh a um lo. I biatak ko hna usih tiah kan in sawm ko hna eee.
Mizoram zaamnak caah Kan ral nih an kan tei ah cun Mizoram ah zaam va hau seh law. Minung Pakhat zaamnak caah a dih ding mi cu: 1. Motor hlanbak caah Rupe 10000, 2. Lawngthainak ah Rupe 1500, 3. Mizoram chungluh ka tthutdirnak ah Rupe 20000, 4. Inn hlannak caah Rupe 5000, 5. Hnipuan fenhaih kalpi khawh tuk a si lai lo caah Rupe 20000, 6. Zarh khar chung ei din dingah Rupe 10000
7. Family le bang cu phun tamtuk a herh a man tuak ah cun lunghna mit la.
A tlambik ah minung pakhat zaamnak caah harsa ngaibu in $1000.00 hi cu a hau hrimhrim. Family le bang cu mah le Family tlawmtaam hoih in a si rih hoi lai. Sahlawh le hlawhlo um le ti lai lo,Mi mithmai zoh ding cu zingzaan hnawhcawk lo a si lai. Mah pi kha cu nah te in i tuak cio ko cang hna usih.
GTRO ah Thantlang peng mi minung Pakhat nih $500 in thawh hna usihlaw kan mipi hi zaam hrimhrim an hau lai lo. Bawipa bawmhnak thawng le kan ralkap hna ttanrual nak thawnin Ralhrang hna hi kan tei hrimhrim hna lai. Lai lei um mi zong nih Ramdang um mi nan chungkhat cio sin zongah thawh leiah hin rak forh cio hna uh. La lei a um mi kuat lawng hi kan rian si hrimhrim loh. Credit: Global Thantlang Relief Organization
Kan I Thlahthlam Lo Deuh A Hau Ko Rua! Kan ram buai ruangah kan dam lo ah siseh kan chiat kongah siseh kan poiherh kongah siseh Mizoram lei deuh van panh le tlun kal cio a hung si. A cheukhat cu ralzaam dirhmun in khuasak zong a hung si. Kannih chungkhar zong dam lo ruangah Emergency in July 29 zaan suimilam 12 ah ZMC (Zoram Medical College) kan phan.
Pathian dawtnak vel thawngin ka Pa zong dam lei kam a panh i hnangam deuh in kan hung um. July 31, 202 ni ah Ka Pa thisen check le test dingah hmun hnih ah ka kal. Cu ka kalnak hmun pakhat cu HIV/AIDS i test nak hmun a si.
Ka phanh tikah ttuanvo ngeitu Nu nih a ka timi cu ”Na pa hi zawtnak hrik a ngei sual kho mi a si caah nangmah lawng nih a result na rak laak lai, nanmah lei ralzaam mi zong hi zawtnak hrik a ngei mi minung tampi kan hmuh cang hna” tiah a ka ti.
Pathian dawtnak thawngin ka Pa cu negative a si tikah ttuanvo ngeitu nu zong nih a ka lawmhpi ngai. A luancia December thla chung mawttaw in Aizawl lei kan rak kal lio ah Driver pakhat nih a ka timi cu ”Nai ah nanmah leimi pakhat nih ai zuarmi minung pathum bak zaan khat ah a kan hlan ter, Zu a ri ngai fawn le cover zong a hmang bal la lo i AIDS a ngah hrim ko la” tiah a ka ti.
A lamkip in Mizoram ah kan phanh cio le ka tlawn caan kip ah kan i ralrin awk thil pakhat cu HIV/AIDS hi a si.
Kan ram tthat lo lio ah a kenkip kan phaknak in kan khua le ram kan kir tik cio ah ”kan ram caah thathnemnak a chuahpi khotu thil pakhat tel kan i kirpi cio ding ttuanvo a ngeimi kan si” ti khawh a si.
Cubantuk dirhmun kan si lio ah ”nang, HIV/AIDS a kirpi tu mino, patling, nutling na si sual lo ding a biapi taktak, thil ttha na kirpi khawh lo hmanh ah thilchia kha cu kirpi lo hram hna usih” tiah i thlahthlam lonak ding bia beuh ka duh.
Kan khua le ram kan kir cio tikah ram hrawktu le miphun a hlo thlau tu kan si sual lonak dingah I THLAH THLAM LO tein kan nun a herh hringhrin ko rua. Salai Van Kung Zipeng (CDM) MoE, 3/7/2023.