Thantlang Nih Tuanbia Roling Tial!

THANTLANG NIH TUANBIA ROLING TIAL.
==============
ThanTlang nih Vawlei a hmunh chung philh khawh ti lo ding mi TUANBIA ROLING tial. Phaisa in tuak ah cun billions in billions man rel cawk lo ding khua a chuak tak chung Ram le Miphun caah cun. Mah vialte man sungh zong a tih lo Ram le Miphun caah cun.

Kan Pastor le Bochan mi Kan pa le hna nih an nunnak tiang an pek. Vawlei dongh tiang kan philh lai lo a Hmun zungzal lai an tial mi TUANBIA ROLING. Ram leng um a Hrin te fa zong nih kan si khawh leng tiang in kan dir kamh zungzal lai.

Cun Philh awk a tha lo mi MI ROLING Chuahnak ThanTlang Khua/peng Mirang zong an lung zong mit viar in do Tu Pu Lal Luai, Mi Roling Major Hrang Nawl cun Kawlram president Henry Van Thio. Ni hin CDF kan pasal tha le hna Rallokap zong an lung zong mit viar in an tuah lawng si lo in va kah hlan hmenh ah an sakhan tiang an chuahtak cang.

Biapeh: in Tuar nak lei in tiah cun ThanTlang peng Khua bawi vial Te thi lo nung lo in hrem an rak si lawng si lo in nunnak tiang liam mi zong an um. Ni hin ThanTlang pi hmenh cuahtak chung a si cang. Kan zai maw zai nai sai hlah. Kan ral kan I fiang kan thawn chinnak tu si.

Thantlang CDF hi mizei poh nih faaktuk in nan mawhchiat i ka lungtha lo ngaingai! ThangTlang CDF hi mizei poh nih faaktuk in nan mawhchiat i ka lungtha lo ngaingai. Social media le personal blogs cheukhat ah ka hmuh mi cu Isis bantuk ti tiang in nan ti hna, zeidah a cang, zeitin dah a si hnga tiah khua ka ruat nan a hliah ka hmu kho lo, a parvuan in ka hmuh khawh mi cu ca tial tu cheukhat nih ruah ciammam ten palh nak bawh in TT CDF kha a deng/ phawmh bak ko hna tihi a si, Chin ram cu internet phih a si caah mipi nih chin ram kong kan thei tuk lo.

TT CDF ca chuah ka rel i ka hmuh ningah a vuak tu hi a theifiang set lo in ka hmuh, a sinan Lai phunh le khrifa phung in kan leng hna lai an ti, (ka hmuh ning ah) Saya Van Bawi Lung thihnak kong ah TT CDF a si pek aho sipek ah ngaihchiat pinak le nawlnak kan tuah hna lai an ti duhnak a si tiin ka hmuh, cucu toidor a si. ruat uh law Mithi Saya Van Bawi Lung hi mizei nih vuak ti an thei lo bantuk a si. A poituk i ngaizong a chia tuk, tahchunhnak ah TT CDF siseh law an i pheh hnga lo i an chim ko hnga ka ti. (ka palh khawh) zei caah tiah an ca chuah ka hmuh ning.

Chin Miphun ah a ninghngal tuk mi kan um, pumpak min bak in, Chin miphun huap riantuan mi kha zei-ah kan rel hna lo, ziah adiknak ah cun nan ti lai, ziah na theih taktak tung lo, US zongah Palek hi an buai hnawh tawn hna i a hram ngaingai zoh ah,kah mi pa? Nu kha palh nak a rak nei deuh peng. Carel tu mipi zong fim a hau, mi pakhat nih a duhning poh in promote aa tuah khawh lo ding a biapi, mipi hi biachah thiam mi kan si a hau.

US ram an fim nak cu mipi hi an rak fimtuk, United State si bang vawlei cung miphun kan tling, nawl nei tu nih thil an tuah hnuhnu ah cun zeitik hmah ah fawile bai in an kir tilo, Chin ram zongah mipi uknak lak a si CDF le CNA nih a tlangpi in hruai a si. Ram pumpi hruainak in NUG zong ai tel ve D day zong cu thanh a si, (ruat cio ko uh) zei sipoh ah TT CDF dirhmun cu kan thei rih lo. TT CDF le Mara CDF zong cu pehtleihnak an nei ve ko lai. an mah nih an theih ko, a karlak ah propagenda, Idiology in midang a rak virhkhoih mi an um hi a ttha lo.

Chin ram ah a tthawng mi peng nan tam ko nan Than Tlang peng nih kan santleih lo buin Chin miphun dothlen nak ah rethei bik a tuar bik kan si, raalkap nih an kan vuak chel thongah an kan thlak chel pawta kan phur chel kan hmunhma ah lal hnawh/ zawmhtaih tuarcem kan si, CNA ca zongah kan tuar cem, fangfak thawhbur a phunphun elngam lo ten kan burh hna, a karlak ah vuak kan tong, kan mino thatha ral le zawtnak ah a kan paamtak, Thantlang peng nih kan zai bal lo kan hmitthli cu a tla a sinan ram le miphun caah a dan si kan ti, veikhat cu CNA bawi (kan mah chung veve an si).

Ka Pu nih Ka Ni pasal Ka TTang cu a vuak, sautuk a vuak, khua mi a hmutu an tap dih, ka ttang nih a chim mi cu ka that lawlaw ko a ti, a letngam lo let nak thazaang zong a nei lo, ka ttang cu khua secretary a tuan mi a si, cun kan khua ah kan i bochan bakmi Bawlung chuih zong a thiambak mi kan tlangval no te cu CNA a kal khawh tlawmpal ah raal ah a pam, catial tu kei mah zong zarhkhat chung pawta ka phur i raalhrang pawl nih khua mi an vuak hna kan mihrut holhthiam lo tiang an vuak i a thi luklak, chimcawk lo a si kan khua kong long ka tial.

Chin mi nih thil pipa pa khatkhat kan chim rel tikah pengtlang chim hmangpawl nih buainak an chuah pi zungzal, a tu TT CDF kong zongah a peng phun in nan chim, ziah TT ah pengtlang le Chuahkeh nak khua aa dang mi tawr kan um Khualhring Tlang, Lau Tu tlang, Zophei Tlang, Mara Tlang an tam pi rih. tahchunhnak ah Dr Sa Sa zong cu ka Pi a ti maw (ka palh kho men) Halkha a si a ti ko cu teh, Mara ah Cinzah phun an tam pi TT zongah Cizah ah an tawr ko.

Ka hngakchiat lio ah Halkha pawl cu an sualtuk tiah ka rak theih lengmang Halkha ka rak tlawng i an rak ka vuak i ka ngaihchia tuk, Hakha cu an sual tuk ee tiah an i caih len a sinan a ka vuak tu cu Khua Bung (chuah keh nak) in Hakha ah a um mi an si, mah a ka vuak tu cu mittha a si ko khrihfa upa hna a si cang, chimduhnak cu Chin miphun ah a bik in Halkha Thantlang peng hrimhrim ah a pengpeng in khuai le hrawh i tim ding si lo mah le mah dih kan si.
kaa lawm. Linlin Bawitlung