Thantlang Nan Kah Lo Nan Tuk Lo Tiah Nan Chim Lengmang Ruangah!

Thantlang Nan Kah Lo Nan Tuk Lo Tiah Nan Chim Lengmang Ruangah!
==============
Thantlang nan kah lo nan tuk lo tiah nan chim lengmang nanmah ruangah kan nunnak a liam mi hi nan i lawm maw? nan lungdah fak nunnak maw biapi kan mah duhnak sawsawh kha kan thleidan thiam a biapituk hih.

December 8 ah Thantlang kah dohnak ah minung 3 nih nunnak an pek midang pa 4 leng nih hliam an tuar hihi zeiruangah a si? Kan holh tamtuk ruang ah a si ti lo awk a tha lo. minung pakhatnunnak hi Thantlang khuapi kawlrampi nih hin a caw kho hnga maw? nunnak man hi a faktuk cucu kan i fian lo tuk ca ah Social Media ah kan au khuan tuk ca ah a caan lo ah kan nau le 3 nih nun an liam hliam tuar zawng an um hihi a poituk thinlung zawng a fak bak.

Ramleng um zei huaha lo ah $200 khat thawhmi nan holh tamtuk ruang ah a si hih nunman nan liam khawh lai ma nun pek hi kan duh lo a si lo a herhnak zawn le caan ahcun kan nunnak hi CDF,CNA nih pek kan sian tuk nan sian hua ha lo bu in nan phaisa thawh bantuk in thawh kan si lo. nain a hmun le caan a sining hi kan zoh ngiat ve ko.

Kan lungfim seh Ral hi duhpoh in doh awk a tha lo timi kan i fian cikcek a herh. fim a kan chim tu siseh. nunnak a pe mi kan hawi le a sangbik upatnak kan pek hna. na phu kan hlam lai a tangmi nan u le nau hi nan phu hlam tu ding kan si.

Tuzaan kan theih mi thawngpang nih ka ngeih a ka chiatter pin ah bia tak tein ka thin a ka hanter Laimi kan holh duh tuk ruang theu ah kan nun liam than hi ka siang hrim lo. $200 ​hnih khat nan thawh ruang ah duh poh in bia chim le CDF le CNA control timh in cun nan phaisa zawng kan thawhpiak ti duh hlah u.

nunnak hi a sunglawituk ram ca ah nunnak pek hi kan sian tuk mi a si ko nain a caan le hmun zawn tu ah pek le doh liam hi kan i huam mi le kan duh mi a si. Salai Dk

Thantlang kan khrihfabu dirhmun. Ral ruangah kan dihlakin kan zam, Sept. 20 ah a hnu bik kan zam. Mi zeihmanh thilri zampi kho kan um lo. Kan zam hnuah kan biakinn ah ralhrang pawl zan khat an riak. Khrihfabu thilri vialte le khrihfabu runvennak ah facang dip 50 kan chiahmi le Pastor Van Leng Mang te nih biakinn tangah an thil an vun chiahmi le kanmah kan inn le kan ngeihchunmi kan thilri an him le him lo kan thei kho lo.

December 3 ah Thantlang Sianginn sang tiang ka lut, kan inn lei luh khawh asi lo. Dec. 4, zanlei 2:00 -3:30 ah ka mithmuh bak in kan biakinn le kan umnak quarter cu ciam cikcek in a kang. A kang lio hi Vuichip tlang ah ka um, microscope in ka zoh.

Kan inn pawng Pu Cung Dun te inn in kan biakinn disap a tlai colh, i thlalangawng zar a kang dih cun kan biakinn chung thutdan a vun kangh tiang khi ka hmuh. Sau nawnpi a kangh in kanmah umnak in a vun tlaih i a kang ve.

A kangh hlan in, a kang chung vialte District kan pale, General lei kan pale, le ka khrihfabu le riantuan hawi kha ka phak tawk tiang thawng ka thanh hna. Kan Pu Buai le Sm. Zingzing hna cu nguingui thlakin an tap i minung fa nih celh lo tiangin ka lung a fak i ka tap ve.

Kan khrihfabu hi kan zam ni tiangah inn dong 137 kan si. Hi chungah inn 19 a kang cang (Ka hngal khawh rih lomi zong a um kho men). Thantlang chuah takin kan zam hnu ah minung pathum nih an kan liam tak cang; Bualpi ah Pu Sui Thawng, Tahtlang ah Pi Thur Tial, Salen ah Pi Me Ci. Hohmanh an ruak ka hum kho hna lo.

Ka khrihfabu hna, inn tampi kang ko hmanh seh, kan biakinn zong ciam ko hmanhseh, kan hawile zong nih an kan liam tak zongah a inn zakhat leng kan tang rih, kan sa than lai. Nihin ah țap ko hmanh usih, thaizing ah niceu dawh Pathian nih a kan serpiak than lai.

Thlantlang kan Biakin te cu a ziam i a lo ruangmang cang..ngaih a chia hring hran ko….kan mitthlam lawngah a cuang cang e. A Biakin Thiang hmanh tih zah nak ngei lo i a hrawk tu/a khangtu hi a rauh hlanah an cungah Pathian riantuannak a lang lai..kan nih nih zeihmanh ti khawh kan ngei loh..Teirul a cham te ko lai.

“Maw Ka Pathian nangmah kan in au ko..kan inbochan ko…kan ngaihchiatnak mitthli tlaknak hi kan theihpiak law.” Ngaih a chia tuk e….khua ka ruat, ka celh bak loh..a sina in Pathian nih phu an kan hlan piak lai I. Thlantlang dawhah kan Biak Pathian nih amah kan thangthat nak ding indawh an kan pek than lai ti zumhnak tu ngei ko u selaw. Credit: Biak Mawng

Minung fa nih celh ding a si lo e. Bawipa Jesuh tu nih in tuar khawh nak in pe cio ko hna seh. A tuar Khun nan si lai. Nan I hngilh kho lai lo. Nan ei Chung a pil kho lai lo. Bawipa Jesuh nih kan umnak cio ah kan kilveng Hram sehlaw a can a phah tikah Bawipa nih a kan pek tthan/sak piak lai.

Khrihfa buu le riantuan tu nan dih lak kan Pathian Jesuh nih thangzaang thawnnak in pe cio ko hna seh tiah thla kan i cam pi hna. A poi le a poi bak ko. Kan biak ruun inn tiang kangh kan ton hi cu a celh in celh ding a si lo ee. Bawipa nih a tha deuhmi biakinn thar in pe hram ko hna seh mu.

Than Tlang Khrihfabu nan tuar a fak hringhran ko. Tuar har tuk lai. Zeizong vialte a tuah kho tu Pathian sin ah thla kan in cam pi lengmang ve hna mu. Pathian nih khua a ceu ter than caan kan phan te ko lai. Than Tlang khua le Khrihfa zumhtu mi hna kan Pathian nih tuar khawh nak in pe hram ko hna seh. BAWIPA nih Than Tlang le Khrihfabuu zumhtu mi hna caah ni ceu dawh a par tter than te lai.

CNF nih Chinram chuak taak lo dingin cathanh a chuahmi Hi! Atu lio i kan ton cuahmah mi ramkhel buainak hi caanṭha ah lak riangmang in Chinram chuahtak dingin ramthum ah zaam, i dor (Refugee Status) le ramthumnak ah ramkhel dornak tuah dingin Chin mipi hna sinah lemsoinak, forhnak le thapeknak tuah lo dingin Dec 4, 2021 ah CNF nih cathanh an chuah.

An cathanh ah cun “CNF cu ralhrang bu uknak kha hrawh in Federal ramkomh ser dingah NUG, tualchung runvennak ralkap le tlangcung hriamtlai bu hna he i bawm in nunnak thap in mipi caah dohthlennak kan tuah cuahmah. Rambuai ruangah Chin miphun zatuak 20% hna cu ralzam dirhmun an phan.

Atu hi Chin miphun dihlak kan lung aa rual bik lio caan a si. Cucaah Chinram cu zapei kauh hmanh kaltak loin Chin miphun hna himnak, Chinram runvennak le hmailei kan miphun caah tiin ralhrang bu doh in ramkhel buainak nganpi (National Emergency) kan ton lio a si” tiah an ṭial.

Hi ramkhel buainak hi caanṭha ah i lak in a Chin mipi hna kha Chinram chuahtak i ramthumnak ah kal dingin sawmnak, forhnak le thapeknak tuah hrimhrim lo dingin CNF nih cun theihternak cathanh an chuah hi a si. Ref: Chin National Front-Headquarter

CNA Ralbawi Dr. Naing Hto Lwin Kongah Ralhrang Nih An Rak Kan Hlen Ning Cu A Mak Bak Ko! Hi bantuk hi cu sensitive issue pakhat a si i mipi sinah langhter lo hi a ttha deuh ngai tiah ruah a si. Ai pehtlai mi le tuanvo ngei hna nih nan hngalh khin cun a za ngai ko ka ti. A leng i a thawngpang a chuah hi amah pumpak zong nih a duh lai ka zum lo, a tih ngai kho men. Mipi sinah a nung rih ti thawng a thang timi ralhrang pawl nih an theih cun a nunnak ca zongah ttih a nung chin kho caah hi bantuk kongah hin cun fim ngai in handle a hau rua tiin cheukhat nih an hmuhning langhter ve.

Mi pakhat nih a chimning ahcun; Doctor Naing Htoe Lwin a si lo, Kawl ralhrang in an tlaih i an rak i tlunpi mi si theu lai, a ruak hmanthlak fiang tein tampi ka hmuhmi ah a luu ruh a kuai a chunglei ah lut (meithal tawka in duhtawk cumh i kuaimi a lo) a taksa dang hi a tha dih a paw hmanh a puar rih lo, a ke te hna a ning te an si, nan a luu ruh lawng in a ummi zoh tik ah a luu le hmai hi mei in khaang dih hna seh law minih a ho si hi thei kho hna hlah seh ti in tuahmi dawhdang in ka hmuh, tiah ati ve.

Caan saupi a rau men lai. CNA konglam, an camp umtuning, an thazaang ti bantuk, kherhhlaitnak caah an hman men lai tiah zumh asi. A velh zong an velh tuk men lai lo, bia an hal lai i hmaan tein a chimh duh hna lo bel cun fak nawn in an tuah kho men. Hi bantuk thawngpang leng a chuah hi uar cu a um lo ngai.

A kedanh le a tak ngo ning zoh cun kawlmi a lo ngai ko a ruak khi nain a nung dam ti thawng theih cu lunglawmh um tuk ee. A ho ruak dah si hnga? tiah biahalnak a tam ngai ko. Ralhrang a thimi amah thil puan an hruk timi thawngpang hi a si kho ngaimi a si ko. Ralhrang a thi Mi dr pa thil an hruk i si.

Dr. Naing Htoe Lwin a nun dam cu lawmh a um tuk. Bawipa nih luatnak pe hram seh. Mah kong an rak tial lio ah kawl pakhat (teraap si dawh si) nih a thi lo kan sinah a um ko tiah comment a tuahmi ka rel le an tlaih le maw si hnga ti ka rak ruat pah. An kan hlen khawh bak mu. Dam tein chuak hram seh.

Atu achim mi pa an thlah hnu ah Dr. Naing Htow Lwin zei tin asi ti cu afiang rih lo. Mipi nih zumh awktha rih lo tiah an ti cio nain Bawipa nawl si seh. Bawipa nih zohkhen hram ko sehlaw nung dam tein thongiin luatnak zong Bawipa nih pe hram ko seh. Athi an ti thong kan theih tikah Chin mipi dihlak nih kan rak tuartuk hringhran. Ralhrang nih anmah uico a thimi kha Dr. Naing Hto Lwin thil an rak hruk i kan mit an kan leh bia a rak si.

Dr. Naing Htoe Lwin cu A Thi Lo! A thi lo..2021 October 23 i Falam hrambunh CH Media nih Falam peng Rialti khua pawng ah ruak pakhat an hmuh tiah an langhter.

Hi ruak an hmuh mi hi, “CNA ralkap Bawino (bokhat) Dr. Naing Htoe Lwin,” a si tiah CNA nih fehternak cu October 24 ah fehternak an vun tuah. Dr. Naing Htoe Lwin hi CNA a luh le cangka in bo khat (bawi no) a ngah lawng si loin a dih bakin ral ram ah a kal colh. A kal bak in an i kap colh ve. An i kah in zarh khat a rauh hnu ah an pehtlaih kho ti lo.

Thil sining an vun hlat i October 23 ruak hmuh mi kha amah a si ko tiah rak ruah a si (a ruang cu a hnipuan le aa hrukmi pawl kha aa khat i mu…). Asinain, nizaan ah, “Dr. Naing Htoe Lwin hi a thi lo tiah kan theih than,”.

Zeitindah thawng kan theih ning a si? Falam le Hakha kar kah lio ahkhan aa tel ve mi CDF minung pakhat an tlaih. An hrem dih cikcek hnu ahkhan an thlah than (Pathian a tha tuk). An tlaih i an thlah than mi pa nih atu bantuk in a kan chimh than mi a si.

A chim ning ahcun, “Dr. Naing Htoe Lwin hi keimah he thong a tla timi kan si, amah cu a nung dam ko,” tiah a ti.
I fian lo ruang ah kan thihter mi Dr. Naing Htoe Lwin hi a nunkhua sau hram seh. SAC ralhrang nih a ran khawh chung le dam tein an thlah i kan i ton khawh than nakhnga zumtu unau kan dihlak Pathian sin ah thla camti hna usih. Bawipa nih a nun veng hram seh. Credit: Salai Tluang Te