Thantlang Mipi Sin Theihternak

Mipi sin theihternak
=============
Christmas lai in tuni tiang khuaiva dinti mipi sinah kan inpe kho rih hna lonak aruang cu pipe line vawlei nih acimhhnawhnak atam caah minung thazaangin remhkhawh ding asi lo caah JCB kan hlan i zarhkhat deng an tuan cuahmah lio asi tiah thawng ka vun inthanh hna. Atulio hi thantlang dinti kan har tiah online ah akai atam ngaingai lio asi. Thantlang dinti chuaknak hmun hi (12) aum i (11) hi sang cio dinti committee nih an mah le sangcio dinti peknak an i tawlrel cio, souces (11) in nikhat ah gallons (300000) lenghi thantlang khua chungah aphan kho. Cun Khuaiva dinti chuak hi nikhat ah (216000) gallons i sources (11) dinti chuak he aizat deng.

Khuaiva dinti arat khawhlo caan hmanhah dinti hi atu lio cu kan har awk asi lo nain acaan caan ah dinti arawh caan aum ve cikkhat teah an remh khawh ve caan aum btk in nihnih thum arauh caan zong aum ve. Sipin tangah Sangcio dinti committee an um dih hna, na inn ah dinti arat lo le na dinti athatlo asi ahcun nangmah le na sang dinti petu asi loah Sang dinti committee sinah na chimh hrimhrim aherh, na chimh ko hna buah an in tawrelpiak lo asi ahcun Sipin zungah thawng na thanh lai i aherh ning in sang dinti commiittee he zohfelnak kan in tuahpiak hna lai.

Chimphuannak nawl kan ngei tiphun in dinti kan har ee kan hmu lo ee tiah online hna ah aulennak cun Sipin zungah teh na rak ra bal ve maw? Mipi nan harnak le bawmhchanhnak nan herhmi bawmchantu dingah Sipin vuanthan le Committee kan um ve i mipi nan caah ready in an um zungzal ti hi Mipi nih kan theihpiak ve uh tiah theihternak kan vun tuah. Credit: Van Zauk Fambawl