Thantlang Khuami Duh Hmung Nih RM. 1500 CNF/A Caah A Hlut

Malaysia covid-19 pulrai le lockdown lakah hi zat hlut khawh cu miphun(nationalism) dawtnak a ngei taktak ti a langhnak a si. A cungah kan ni lawm tuk. Pathian nih a let tampi in thluachuah pe chin ko seh. ( kuaifang ngei zenthong cu mah kan naupa bantuk hi an si).

Cheukhat cu kuanfang ngeilo zenthong bantuk in a awn-au sawhmi kan tam tuk. Mah bantuk a au sawhmi kuan ngeilo pawl kha Myanmar ralhrang( nawlngeihnak firtu) hna nih an tih nemmam hna lo i tonding zawngah an ruah nemmam hna lo.
Miphun huap huap lungput ngei loin khua hoih le pengtlang hoih men in kan au sawhsawh men.

A liamcia(past), atu (present), le hmailei(future) zawngah that le chiat cu an kalti peng ko lai. Cucaah thil kan palhnak i ngaihthiam loin i chuahnak peng uhsihlaw vawlei ah minung kan um ti lai lo. CNF/A hi a dang hriamtlai si hna seh, miphundang si hna seh an tihmi le an zenhmi a si ko caah a tha thonter ko uh sih. Credit: Mangcem Van

Relchap, Chin ram ah CDM lawngin ralkap kan tei lai tiah a chim tawn mi pawl cu CNF/A caah thazang a chuah bal ve lo mi pawl nih an chim deuh in ka hmuh. CDM lawngin tei nak kan hmu lai lo, ralkap nih hnu tawn te dingah aanaa an lak lo hrimhrim cu ho poh theih asi ko, hnu tawn than nak cun thih an i thimdeuh ve lai. Cucacun Chin ram ah het tiah CDM tuah in thazang chuah a si ko bu ah CNF/A thazang cu a hau hrim te lai a tuan deuh maw asi lai a hnu deuh ah dah ti lawng asi ko.

Cucaah atu te in kan ralkap zong nih timhchia kan si an ti peng nak asi. A tu ah ramdang lei in Kan ralkap caah tiah Emergency cawlcangh asi cang. CDM hnu lei ah CNF/A nih a dirhkamh i an hnu lei ah ramdang nih dirkamh ve ahau, atu cu soisel caan asi lo, I timhtuah caan thazang chuah caan asi. Tutan ah mipi nih bochan awk an tlak maw tlak lo ti mi tu cu caan nih lai arel ve te lai. Tu ahhin kap hna seh ti cu ho poh nih kan duh dih lungdi a riam kho taktak nga, si nain kan lam caan a sau rih lai caah kan i ready pah bu in tamdeuh pi I timhtuah a tha.