Thantlang Khua Le Atu Lio Ralhrang Hi!

THANTLANG KHUA le ATU LIO RAL HRANG.
=========
Thantlang khua kong tlawm pal. Thantlang khua hi, khua hlun ngai mi Asi ve tik ah, Lawki chan khua hrum biak nak le khua hrum. Rai an thawi nak, Bungpi le Tumpang kung Pipi hna, kha kan Pa Rev, HaiMang nih Azoh tik ah, Jesuh khri Thawng țha Aleng kho lai lo tiin, , Pu Hrangtling (Ngultlem pa) Hmetdun pa le tin, 1961 kum ah Atu Thantlang khua khi, An rak i țhial hna, 1965 tiang ah khuathar cu țhil dih Arak si.

1966 in khuapi Țawhlanzi Cozah chan ah Myo khuapi an rak pek, kan uk tu Cung lei Upa nih,, Thlantlang khua cu, “Nitlak Halkha” tiin Minthlen An rak ti nain, Thlenthai cu Aum lo. Khua pi thar Asi tik ah, Sual nak A rak tam, hlan kan no lio deuh kan mah hna chan ah cun, Zudin Mivuak sual hna hi, Arak Lar ngai Nu ngak hrim nih Uar Arak si heee.

Cu tin i vuak i Mithah Lai Nawn kha Arak um len caah, Thlan ti hi, (thlanmual) ti deuh Asi caah, Voi thum-3 nak, Pituh Council, Meeting ah, Thlan ti mi kha, Than, Min than nak tlang, Thantlang tiah Amin rak let Arak si.
Nan theih cio ban tuk in, Min Aung hlan nih Aana Ating țhan tik ah, Mipi nih an celh ti lo tuk cang i, tlaih khoh mi Hriamnam lak in, Chin Defence Force(CDF) tiin, Peng le tlang kip in, Ralhrang cu doh Asi.

Atu thla Sept Ni -10 ah, Lungler Ralkap Sakhan cu, CDF le CNA nih an lak, Sept 18 ah Thantlang khuapi Ralhrang cu, CDF le CNA nih an kah țhan i, Ralhrang-30 reng lo an thah țhan hna, Ralhrang nih Inn 18 an khangh,.hlei ah, Thantlan khua kek Asi mi, Pastor CungBiak hum (Biakolh) cu, inn an khangh mi phalh dingah Motor sikel in Akal lio ah, Meithal in an kah, Akut dong hrolh Akut dong an cik i, A Ph he an lak chih.

Ralthawh cu țih Anung tuk mi Asi. kan hnu lei Sandah piah lio ah khan, Micheu khat nih Aziah hme CNA nih an kah hnga lo tiin, CNF/A An Soisel len hna, Ka rak ti mi cu, Raltuk hi an Lung Afiang lo mi kan um len ka rak ti,.Ral tuk nak hmun ah, Upadi (Law)A um ti lo, Atu cu, NUG nih Ram pi huap Ralthawh nak, Sept 7 in Athanh cang i, Ralthawh cu, duh zong duh lo zong ah Ahau cang.

Kawlram Ralkap Lungput tiin ka rak țial Arel mi nan rak um men lai, Kawlral kap cu, vawlei cung ralkap ah Misual cem an si lai dah, Vawlei cung Ralpi lio ah khan, Japan Ralkap hi an rak Sual kho tuk ve, An sual nak kong țial ah cun Asau tuk lai, Cun, Nazi Hitler Ralkap hi an rak sual tuk An rak țih tuk hna ve ti ah, Mifim thiam nih an rak chim mi cu, An sual tuk caah Adongh nak ah cun zohchia in an sung te lai an rak ti hna, Ataktak ah zoh chia in an rak sung tak.

Atu tiang ah cun, kawlram mipi hi, Thong reng lo lawng kan thi rih, Biatak thlak i i tuk tik ah cun, Ating in kan thi te lai, Asi nain tei tu taktak cu, Mipi kan si te ko lai..Azei khom Asi ah, kan tha chia hlah u sih. Sangling Thantlang.

Thantlang Khuami 7,000-8,000 kar an Zaam, Minung 10 Fai Lawng Khua ah an Taang. September 18, Thantlang khua innkangh le pastor Cung Biak Hum meithal in kah a ton hnu ah Thantlang khuachung um ttih a nun cang caah September 19 le 20 ah Thantlang khuami 7,000-8,000 karlak nih an innlo an chuahtak i hmundang ah an zaam hna, tiah ttuanvo ngeitu upate sin in thawngpang kan theih.

“September 19 le 20 ah mi tam u cu zaam dih a si cang. A zaammi hi minung 7,000-8,000 karlak cu kan si lai. Atu Thantlang khuachung ah cun bochanmi upa cheukhat he minung 10 fai lawng an taang cang,” tiah atulio Thantlang ralzaam kongkau a tawlreltu Thantlang Placement Affairs Committee (TPAC) chungtel upa pakhat nih a chim.
Atulio Thantlang khuachung vung luh zong ttih a nung i atu khuachung ah a taangmi hna zong hi a rauh hlan ah an chuak ve te lai, tiah a chim chap.

“Atulio Thantlang khuachung vung luh hi cu ttih a nung ngai, a him lo ngai. Hi hlan ah cun zei pipa cu kan tong hraw rih lo nain atu hnu belte cu kanmah zong kan kal kho ti lai lo dah. Atu Thantlang ah a taangmi hna zong hi a rauh hlan ah an chuak ve te lai,” tiah a chim.

Thantlang khua a chuahtakmi hna chung in minung 400-500 karlak hi Mizoram lei ah an zaam hna i a dang hi Thantlang peng khuate pawl ah an i dor hna. Kahdohnak a umnak Lungler telh in khua pathum hi ramlak ah ralzaam dirhmun in an um hna.

“Thantlang ralzaam kong he pehtlai in cazin kan tuah cuahmah lio a si. An i dornak hmunhma pawl ah kanmah pumpak zong vung kal kan i tim. Thantlang peng ralzaam kong ah atu tiang ah cun bawmhnak ngaingai a um rih lo. Ramchung le ramleng bawmhnak khulrang in kan herh ko,” tiah a cunglei ttuanvo ngeitu upa nih a chim chap. Atulio Thantlang ralzaam hna bawmhchanh a duhmi hna nih Phone-09 42393 5703 (TPAC) ah hin pehtlaihnak tuah khawh a si. Credit: The Chin Journal