Thantlang JMBC pumhnak Thawngtha chim lio ah Aw Thawng Pakhat A Thang

Thantlang JMBC pumhnak Thawngtha chim lio ah aw thawng pakhat a thang
=========================

Chin ramkulh, Hakha district, Thantlang khuapi ah khrihfabu pakhat a si mi Thantlang Johnson Mimorial Baptist Church hi thil a cangmi cu mipi khuaruahhar in a kan tuah dih ko. Hi bantukin pumhnak chungah thawngpang a um bal lo i, hlsanak thawng zong theih a si bal fawn lo. Thantlang JMBC i aa pum mi cu khuaruahhar in an um, a ho nih dah hla a chuah sual e tiah an mah le an mah an i zoh i a hohmanh nih an chuah fawn lo. pumh chung cun a ruah awk an thei tuk lo nain, pumh dih ah an ngeih than tikah Sui Hlei Tial aw si ko tiah, a thei mi nih an ruahnak cu an chim.

Amah hi hlasak a zuam ngai ve mi Nungak a si ve tikah Christmas i a hawi le sin lenvah le thut dir zong a duh tuk ve lai mu. Pastor Ca Cung Bik nih Bible a rel cuahmah lio ah hi bantuk thawngpang hlasak thawng a vun thang tikah amah Pastor Ca Cung Bik zong ai ko in a um i, caan zeimawzat a ngol chungmi zong video chungah hmuh dih khawh a si.
Hi thawngpang kong cu Laimi media aho hmanh nih thawng an zamh rih lo nain, youtube chungah hmuh len a si cang. The Chinland Post youbute le Vakok Entertainment hna nih an chiahmi cu hmuh khawh a si. Hi thawngpang kongkau ah thawng fiang theih a duhmi nih a cunglei kan vun langhtermi youtube channel pahnih ah nan hmuh khawh lai.